Yeremiya 3:6 - Mandinka Bible

⁶ Mansa Yosiya la maraloo waatoo kono, Yaawe diyaamuta nte Yeremiya ye le ko, “Fo i ye a je le, Banisirayila ye meŋ ke baŋ, komeŋ futuumusu muritiriŋo? A seleta konko-wo-konko kaŋ ne, aniŋ yirisuŋ biireeriŋo meŋ-wo-meŋ koto, ka cakayaa maañaa ke jee.

Yeremiya 3:6 ပူးပေါင်းရင်းမြစ်များ

1 Mansoolu 14:23

Itolu fanaa ye jalaŋ batudulaalu loo ì faŋolu ye, jalaŋ bere looriŋolu aniŋ Asera jalaŋ doko looriŋolu, konkoolu bee kaŋ aniŋ yirisuŋ biireeriŋolu bee koto.

2 Taarika 34:1

Yosiya siyo be nuŋ sanji seyi le, biriŋ a be ke la mansa ti, aduŋ a ye sanji taŋ saba niŋ kiliŋ ne ke maraloo la Yerusalaamu.

Jabuuroolu 106:39

Ì ye ì faŋolu kosondi ì la maañaalu to le, aduŋ ì ka maa le komeŋ cakoolu.

Yesaya 57:3

Yaawe* ko: “Alitolu junubekelaalu, ali naa jaŋ, alitolu batuutaa diŋolu, alitolu mennu bota jeenelaalu bala, aniŋ cakoolu.

Yesaya 57:7

Banisirayila, ite cakoo! I ye i la laaraŋo loo konko jaŋ baa le kaŋ. I taata jee le ka i la beeyaŋ sadaalu bondi.

Yeremiya 1:2

Yaawe* la kumoo naata Yeremiya kaŋ Mansa Yosiya, Amoni dinkewo la maraloo sanji taŋ niŋ sabanjaŋo le kono, Yahuuda bankoo kaŋ.

Yeremiya 11:10

Ì muruta ì mumuñolu la junuboolu le kaŋ, wolu mennu balanta ka a la kumoolu muta. Ì bulata jalaŋolu le nooma ka ì batu. Yahuuda niŋ Banisirayila bee ye a la kambeŋo tiñaa le, a ye meŋ siti a niŋ ì mumuñolu teema.

Yeremiya 17:2

Hani ali koomalankoolu fanaa buka ñina noo ì la sadaabodulaalu niŋ ì la Asera* jalaŋ dokoolu la, yirisuŋ biireeriŋolu koto taariŋ, konkoriŋolu kaŋ,

Yeremiya 3:8

A ye a je le ŋa Banisirayila bula, ka a kaŋo dii a la ko bulamusoo. Hani wo, musu kaatibaloo meŋ mu Yahuuda ti, maŋ sila, a fanaa taata a ye cakayaa maañaa ke.

Yeremiya 31:22

Ite Dimmusuriŋ fisiriwallee, janniŋ muŋ tuma le i be tara la jenkeŋ-jenkeŋ na? Nte Yaawe be kuu kutoo le daa la duniyaa: Musoo le be muru la a keemaa kamma.”

Yeremiya 5:11

Banisirayila niŋ Yahuuda jenketa n na karoo la le fereŋ.” Yaawe le ye a fo.

Yeremiya 7:24

Bari itolu maŋ i lamoyi wo la, sako ka a ke, ì ye kuwolu le ke ì jusu jaaroolu niŋ ì sondome kuruŋolu ye ì samba mennu kaŋ. Ì ye ì koo dii n na le, ì ye ì ñaa bali tiliŋ na n na.

Esekiyeli 16:31

kaatu i ye caka buŋolu le loo saatee mbeedi tonkoŋolu bee to, aniŋ i ye jalaŋ batudulaalu loo bantabaalu to. Hani wo i niŋ caka-wo-caka le maŋ muluŋ, kaatu i buka soŋ moo ye i joo.

Esekiyeli 16:35

“Wo to ite cakoo, i tuloo loo nte Yaawe la kumoo la.

Esekiyeli 20:28

Kabiriŋ ŋa ì samba naŋ bankoo kaŋ ŋa ì laahidi ka daameŋ dii ì la, ì ye n kamfandi jee to le. Kaatu ì ka beeyaŋ sadaalu bondi jalaŋ batudulaalu le to konko jaŋolu kaŋ santo aniŋ yiri biireeriŋolu koto taariŋ. Aduŋ ì ka cuuraayi seera diimaalu le siisindi ì la jalaŋolu ye jee ka ì seewondi, ì ka miŋ feŋ sadaalu fanaa boŋ wo sadaabodulaalu* to jee le.

Esekiyeli 23:11

“A doomaa Oholiba ye a je le meŋ laata a kotoomaa kaŋ. Bari hani wo ñaa-wo-ñaa, ate le jarabita cakayaa la ka tambi a kotoomaa la.

Esekiyeli 23:4

Keebaamaa too mu Ohola le ti, dindimmaa too mu Oholiba ti. Bituŋ ŋa ì futuu, ì keta n taa ti. Ì ye dinkewolu niŋ dimmusoolu wuluu n na. Ohola meŋ mu keebaamaa ti, le mu Samariya saatewo ti. Oholiba, meŋ mu dindimmaa ti, le mu Yerusalaamu saatewo ti.

Hoseya 11:7

N na moolu ka tenteŋ ne ka balaŋ m ma, bari hani niŋ ì ye ì la Baali jalaŋo kili, a te ì la yookoo sika noo la ì kaŋ.

Hoseya 4:13

Ì ka beeyaŋ sadaalu bo konko baalu kaŋ santo, konkoriŋolu kaŋ, ì ka cuuraayoo siisindi sadaa ti, yirisuŋ baalu niŋ yirisuŋ biireeriŋolu fanaa koto, kaatu wolu le ye dubeŋ kendoo soto. “Wo le ye a tinna ali dimmusoolu keta cakoolu ti, ali diŋolu la musoolu, jeenelaalu.

Kiitindirilaalu 2:17

Hani saayiŋ, ì buka i lamoyi ñiŋ kiitindirilaalu la kumoolu la. Ì ka ì faŋ filindi ka ke fisiriwallewolu ti ka bula alla koteŋolu nooma, aniŋ ka sujudi ì ye. Ì tariyaata yelema la le ka ì koo dii siloo la ì la alifaa foloolu tarata meŋ kaŋ, mennu keta Yaawe la yaamaroolu mutalaa ti. Itolu maŋ ke ko ì la alifaa foloolu.