Yeremiya 29:6 - Mandinka Bible

⁶ Ali musoolu futuu, ali ye dinkewolu niŋ dimmusoolu soto. Ali musoolu ñini ali dinkewolu ye, ali ye ali dimmusoolu nii ka futuu, fo ì fanaa si dinkewolu niŋ dimmusoolu soto. Ali siyaa jee, ali yaatewo kana talaa.

Yeremiya 29:6 ပူးပေါင်းရင်းမြစ်များ

Kiitindirilaalu 12:9

A ye dinkee taŋ saba le soto, aniŋ dimmusu taŋ saba. A ye a dimmusu taŋ saboo futundi kaabiila doo kewolu le ye. Bituŋ a ye kaabiila doo musu fondinkee taŋ saba samba naŋ, a ye wolu futundi a dinkewolu ye. A ye Banisirayila ñaatonkayaa le fo sanji woorowula.

1 Musa 29:19

Labani ko a ye ko, “Ŋa a dii ite la, wo le beteyaata ŋa a dii kee koteŋ na. Sabati m fee jaŋ.”

1 Musa 24:51

Rebeka faŋo fele i ñaatiliŋo la, a taa, i niŋ a ye taa, a ye ke i maarii dinkewo la musoo ti, ko Yaawe faŋo ye a fo ñaameŋ.”

1 Timoti 5:14

Wo le ye a tinna n lafita, furuyaamusu dindiŋolu ye futuu, ì si diŋolu wuluu, ì ye ì la suwo kono topatoo, ì kana siloo dii ǹ jawoolu la ka kuma jawoo fo m̀ ma.

Kiitindirilaalu 14:2

Bituŋ kabiriŋ a muruta, a ye a la kuwo fo a baa niŋ a faa ye. A ko ì ye ko, “Ŋa sunkutoo doo le je Filisitinka sunkutoolu kono Timuna saatewo to. Dukaree, ali a ñini n ye ka a futuu.”

1 Musa 34:4

Bituŋ Sekemu naata diyaamu a faamaa ye, Hamori, a ko a ye ko, “Ñiŋ sunkutoo ñini n ye futuumusoo ti.”

1 Musa 9:7

Ali ke jiidilaalu ti, ali ye siyaa. Ali janjaŋ duniyaa kono, ali ye a karoo bee fandi.”

1 Musa 24:60

Bituŋ ì ye neemoo daani ì baarimmusu Rebeka ye, ì ko a ye ko, “Allamaa i koomoo yiriwaa la, fo i si naa ke moo wuliwuloolu baamaa ti. Allamaa i koomoo ke la ì jawoolu noolaa ti.”

2 Musa 5:11

Ali si ali fansuŋ siimaŋ kaloolu ñini, ali si a soto noo daa-wo-daa, bari ali la dookuwo te talaa la muumeeke.”