Yeremiya 29:14 - Mandinka Bible

¹⁴ ali be n je la le. Nte Yaawe le ye a fo, aduŋ m be ali samba la naŋ ne ka bo bankoolu bee kaŋ, ŋa ali janjandi daamennu to. M be ali murundi la ali la firiŋo to le, ka ali murundi dulaa to ŋa ali bondi daameŋ ka ali samba mutoo kono.” Yaawe le ye a fo.

Yeremiya 29:14 ပူးပေါင်းရင်းမြစ်များ

Yeremiya 30:3

Kaatu luŋolu be naa le, m be n na moolu, Banisirayila niŋ Yahuuda murundi la ì la firiŋo kono. M be ì murundi la bankoo kaŋ ne, ŋa meŋ dii ì mumuñolu la, aduŋ ì be a taa la le kotenke, ka ke ì taa ti.” Yaawe le ye a fo.

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

Roomankoolu 10:20

Wo to le Yesaya ye Alla la ñiŋ kumoo fo fatiyaa kono ko: “Moolu le ye n je, mennu buka n ñini. Ŋa m faŋo yitandi moolu le la, mennu buka n na kuu ñininkaa.”

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yesaya 45:19

M maŋ diyaamu kulloo kono, waraŋ ka dukuduku diboo kono. M maŋ a fo Yaakuba koomalankoolu ye ko, ‘Ali n ñini kensenke.’ Nte le mu Yaawe ti, n ka tooñaa le fo, aduŋ meŋ tilinta, n ka wo le yitandi.”

Jabuuroolu 126:4

Yaawe, ǹ na firiŋo murundi ǹ kaŋ, komeŋ jiiboroo ka naa wulumbaŋ jaaroolu kono ñaameŋ.

Jabuuroolu 126:1

Kabiriŋ Yaawe* ye moolu samba naŋ Siyoni* ka bo mutoo kono, a mulunta m̀ fee le ko, m̀ be siiboo le la.

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 32:6

Wo to moo-wo-moo mu i la moo ti, a si duwaa ka i daani, koleyaa waatoo la. Niŋ mantooroo waamemaa feeneeta naŋ, a te futa la a ma.

5 Musa 30:3

Yaawe be balafaa soto la ali ye le, a ye ali murundi naŋ ka bo bankoolu kaŋ, a ye ali janjandi daamennu to. A be ali firindi la le kotenke.

5 Musa 4:7

Banku te keriŋ banku baalu niŋ bankundiŋolu kono, meŋ na alla sutiyaata a la, waraŋ ka i danku a la tarinke ko Yaawe, ntolu la Alla.

Sefaniya 3:20

Ñiŋ waatoo la, m be ali kafu la ñoo ma le, ŋa ali samba naŋ suwo kono. M be buuñaa niŋ horomoo dii la ali la le, duniyaa moolu bee kono, ŋa ali la neemoo murundi ali kaŋ ali faŋolu ñaatiliŋo la.” Yaawe le ye a fo.

Mika 4:12

Bari ì maŋ a loŋ, miiroolu mennu be Yaawe bulu, ì maŋ a la feere landiriŋo loŋ ko, a ye ì kafu ñoo kaŋ ne ka ì jarabi, ko siimaŋ kunsitoolu ka tembendi toñonkari dulaa ñaameŋ.

Yeremiya 51:10

Yaawe la moolu ko, “Yaawe ye ǹ na kuwo kiitiyo koyindi le. Ali naa ŋà a kankulaa Siyoni*, Yaawe, ǹ na Alla ye meŋ ke.”

Yesaya 55:6

Ali Yaawe ñini, janniŋ a ñiniŋ waatoo be ali daŋ na, ali a kumandi, a be sutiyaariŋ ali la tuma meŋ.

Amosi 9:14

M be n na moolu Banisirayilankoolu murundi la naŋ ne ka bo mutoo kono. Ì ye naa ì la saatee tumbundiŋolu lookuu, ì ye sabati ì kono. Ì ye wayini yiroolu tutu, ì ye ì jiyolu miŋ, ì ye naakoolu dookuu, ì ye i munafaŋ ì la.

5 Musa 30:1

Musa ko Banisirayilankoolu ye ko: A fele ŋa kuu fula le landi ali ye, neemoo aniŋ dankoo. Niŋ ñiŋ kuwolu bee keta ali la, ŋa mennu fo ali ye, ali be bankoolu kaŋ, Yaawe* ali la Alla be ali janjandi la daamennu to, niŋ ali hakiloo bulata ñiŋ kuu fuloo la, ŋa mennu landi ali ye,

5 Musa 30:5

Yaawe ali la Alla be ali samba la naŋ bankoo kaŋ ne, meŋ keta ali mumuñolu taa ti, fo a si ke ali taa ti. A be ali yiriwandi la, aniŋ ka ali yaatewo siyandi ka tambi ali mumuñolu la.

Yesaya 43:5

“Ali kana sila, kaatu m be ali fee le. M be ali diŋolu bondi la naŋ tilibo karoo la, ŋa ali bee naati tilijii karoo la.

Yesaya 43:6

M be a fo la maraa karoo moolu ye le ko, ì ye ali bula, ali ye taa, ŋa a fo bulubaa karoo moolu ye ko, ì kana ali muta. N na dindiŋolu ye muru naŋ Banisirayila, ka bo naŋ duniyaa daŋo to.

Yeremiya 3:14

Yaawe ye ñiŋ ne fo ko, “Ali muru naŋ, alitolu diŋ muritiriŋolu, kaatu nte le mu ali Maarii ti. M be ali tomboŋ na le ka ali murundi naŋ ali janjanta daamennu to. M be kiliŋ bondi la naŋ saatee-wo-saatee le, ka fula bondi naŋ kaabiila-wo-kaabiila, ka ali naati Siyoni*.

Yeremiya 8:3

Moo toomaalu mennu be tu la ñiŋ banku moo kuruŋolu kono, m be ì janjandi la dulaalu mennu to, saayaa le be fisiyaa la ì ye baluwo ti.” Yaawe Alihawaa Maariyo* le ye a fo.

Yeremiya 12:15

Bari niŋ ŋa wo ke wo banku moolu la fokabaŋ, m be naa balafaa la ì ye le, ŋa ì murundi ì fansuŋ bankoolu kaŋ, meŋ-wo-meŋ a bota daameŋ to.

Esekiyeli 37:21

i ye a fo ì ye, nte Yaawe, ì Maariyo ye ñiŋ ne fo ko: M be Banisirayilankoolu fintindi la wo bantala bankoolu* kaŋ ne ì taata daameŋ. M be ì kafu la ñoo ma le ka bo naŋ dulaalu bee to, ŋa naa ì seyindi naŋ ì fansuŋ bankoo kaŋ.

Yesaya 14:1

Yaawe* be naa balafaa soto la Yaakuba koomalankoolu ye le. A be Banisirayilankoolu tomboŋ na le kotenke, a ye ì sabatindi ì fansuŋ bankoo kaŋ. Tumarankewolu be kafu la ì ma le, ì niŋ Yaakuba koomalankoolu ye ke kiliŋ ti.

Yeremiya 30:18

Yaawe ye ñiŋ ne fo ko: “A juubee, m be Yaakuba koomalankoolu murundi la le ka tara firiŋo kono, aduŋ m be balafaa soto la ì ye ì sabatidulaalu la kuwo to le. Yerusalaamu saatewo be lookuu la a tumbuŋ noo to konko tintoo kaŋ ne, aduŋ mansasuwo be seyinkaŋ loo la a noo kotoo to le.

Yeremiya 31:16

Yaawe ye ñiŋ ne fo ko: “Ali ali kaŋo foñondi kumboo la, ali ye ali ñaajiyo daŋ, kaatu ali ye meŋ dookuu a be joo la le.” Yaawe le ye a fo. “Ì be muru la naŋ ne ka bo ali jawoolu la bankoo kaŋ.

Yeremiya 31:17

Ali la jikoo be timma la le ñaato siniŋ. Ali koomalankoolu be seyi la ì fansuŋ bankoo kaŋ ne.” Yaawe le ye a fo.

Yeremiya 31:23

Yaawe Alihawaa Maariyo*, Banisirayila la Alla ye ñiŋ ne fo ko: “Niŋ ŋa Yahuuda bankoo niŋ a saatewolu moolu murundi ì la firiŋo kono, ì be kali ñiŋ kumoolu fo la le kotenke ko: ‘Allamaa Yaawe neema la konko senuŋo* ma, tiliŋo ka tara daameŋ.’

Esekiyeli 39:25

Maarii Yaawe ye ñiŋ ne fo ko: “Saayiŋ m be Yaakuba koomalankoolu la neemoo murundi la ì kaŋ ne, ko a be nuŋ ñaameŋ, aduŋ m be balafaa soto la Banisirayila muumee ye le. M be n too la horomoo kanta la le.