Yeremiya 29:12 - Mandinka Bible

¹² Wo to le ali be n kumandi la, ali ye naa n kaŋ ka duwaa, aduŋ m be n danku la ali ma le.

Yeremiya 29:12 ပူးပေါင်းရင်းမြစ်များ

Yeremiya 33:3

“N kumandi, m be i danku la le, m be kuu baalu fo la i ye le mennu be nukundiŋ, i maŋ ì loŋ.

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

Jabuuroolu 145:19

A ka moolu bee la suuloo timmandi le, mennu ye a kuliyaa. A ka ì la woosiyolu moyi le, a ye ì tankandi.

Jabuuroolu 10:17

Hee Yaawe, ite be i lamoyi la fammajiilaalu la duwaa la le, ka ì la duwaa jaabi. I be ì sondomoo bambandi la le.

Yesaya 65:24

Janniŋ ì ka kumandiroo ke, m be n danku la le. Niŋ ì be diyaamu kaŋ n ye ì la suula kuwolu la, m be ì la duwaa jaabi la le.

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”

Yeremiya 31:9

Ì ñaajiitoo le be naa, ì be tara la duwaa le la, niŋ m be ì tambindi kaŋ ka seyi. M be ì samba la niŋ woyoolu dandaŋo le la, sila deerariŋolu kaŋ, ì te taki la daameŋ, kaatu m mu Banisirayila Faamaa le ti, n dinkee foloo le mu Efurayimu ti.

Yesaya 30:19

Hee Siyoninkoolu*, alitolu mennu be sabatiriŋ Yerusalaamu, ali te kumboo la kotenke. Niŋ ali kumboota maakoyiroo la, a be hiinoo yitandi la ali la a ñaama le. Niŋ a ye a moyi doroŋ, a be ali jaabi la le.

Esekiyeli 36:37

Maarii Yaawe ye ñiŋ ne fo ko: “M be soŋ na le Banisirayilankoolu ye n daani ka ì la moolu siyandi komeŋ beeyaŋ koorewolu ka siyaa ñaameŋ.

2 Taarika 6:38

Ì si muru noo i kaŋ ì sondomoo niŋ ì niyo bee la, ì ye ì samba mutoo kono daameŋ. Niŋ ì duwaata, ì ye ì ñaa tiliŋ ì la bankoo la, i ye meŋ dii ì mumuñolu la, aniŋ saatewo la, i ye meŋ tomboŋ aniŋ ŋa buŋo meŋ loo i tooyaa la,

2 Taarika 33:13

A ye Alla daani, bituŋ Alla ye a la daaniroo moyi, a ye a la duwaa jaabi, a ye a murundi naŋ a la bankoo kaŋ Yerusalaamu ka maraloo ke kotenke. Wo ye a yitandi Manase la le ko, Yaawe le mu Alla ti.

Yuuba 22:27

I be a daani la le, aduŋ a be i moyi la le, aduŋ i be i la laahidoolu timmandi la le.

Yesaya 26:16

Hee Yaawe, biriŋ i la moolu be niitooroo kono, ì ye ì ñaa tiliŋ i la le, fo i si ì maakoyi. Biriŋ i ye ì jarabi, ì naata duwaa kendeke.

Yeremiya 50:4

Yaawe ko: “Wo luŋolu la, a waatoo la, Banisirayilankoolu aniŋ Yahuuda moolu kafuriŋo ñaajiitoo be nte Yaawe, ì la Alla ñini la le.

Yeremiya 51:50

Yaawe ko a la moolu ye Babiloni ko: “Alitolu mennu niyo kanata hawusaroo* ma, ali taa de, ali kana tonkutonku! Ali hakiloo ye bula nte Yaawe la, ali be manee daameŋ to, ali ye i miira Yerusalaamu la.

Hoseya 14:9

Moo meŋ ñaamenta, wo be ñiŋ kuwolu fahaamu la le. Moo meŋ ka kuwolu bo noo ñoo to, wo be ñiŋ loŋ na le. Yaawe la siloo tilinta le, moo tilindiŋo ka taama ate le la, bari moo kuruŋo, wo ka taki a kaŋ ne.