Yeremiya 25:34 - Mandinka Bible

³⁴ Alitolu kantarilaalu, kooree ñaatonkoolu, ali wuuri ka kumboo, ali ye i bidibidi seebuutoo kono, kaatu ali kanateyi luŋo siita le, aduŋ ali be boyi la le ka janjaŋ ko daandiŋ kekuuriŋo.

Yeremiya 25:34 ပူးပေါင်းရင်းမြစ်များ

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”

Amosi 5:11

Ali ye fuwaaroolu toorandi, aniŋ ali ye siimaŋ kese naamoo laa ì kaŋ. Wo kamma la, ali ye buŋolu mennu loo bere leseriŋo la, ali te sabati la ì kono. Ali ye wayini* yiri diimaalu mennu tutu, ali te ì jiyo miŋ na.

Daniyeli 11:8

Wo koolaa a be ì la jalaŋolu muluŋolu samba la Misira le, a ye mennu taa keloo kono, aniŋ ì ye kodiforo jooraŋolu niŋ sani jooraŋolu mennu londi ì batoo kamma. A be sanji dantaŋ sii la le, a te Aramu mansa boyinkaŋ na.

Esekiyeli 34:20

Maarii Yaawe ye ñiŋ ne fo ko: “A fele, m be kiitiyo ke la saajii sembemaalu niŋ saajii sembentaŋolu teema le.

Niikuyaa Suukuwolu 4:21

Wayi! Alitolu Edomunkoolu, mennu be siiriŋ Usi bankoo to, ali si seewoo ka jusulaa. Bari Alla la kamfaa mindaŋo be naa ali fanaa kaŋ ne, ali ye siira fo ali ye i wura fefes.

Yeremiya 50:27

Ali a kee kanaŋ tuuraalu bee faa, ka ì samba ka ì kanateyi. Kooroo boyita ì kaŋ, kaatu ì la luŋo siita le, waatoo meŋ m be ì kuluu la.

Yeremiya 48:26

A ko: “Mowabi ye a faŋ wara Yaawe le kaŋ. A mindi fo a ye siira, a si busandi a faŋo la foonoo kono, fo a si ke jelefeŋo ti.

Yeremiya 27:7

Banku koteŋolu bee le be a batu la, ka taa hani a dinkewo niŋ a mamarinkewo fanaa, fo a fanaa la bankoo boyindi waatoo ye sii. Wo to le banku baalu niŋ mansakee baalu si naa a la bankoo ke ì la marataa ti.

Yeremiya 25:36

Kantarilaalu kumboo kaŋo moyi baŋ, aniŋ koorewo ñaatonkoolu wuurikaŋo, kaatu Yaawe be ì la beeyaŋ daañini dulaalu kasaara kaŋ ne.

Yeremiya 25:23

Dedani, Tema, aniŋ Busi bankoolu fanaa, ka taa wo moolu mennu bee ka ì kuntiñoo dandaŋolu mesu,

Yeremiya 25:12

Bituŋ niŋ sanji taŋ woorowula kumfaata, n si naa Babiloni mansakewo kuluu, aniŋ a la wo bankoo, meŋ mu Babiloninkoolu la bankoo ti. Ì la junuboolu kamma la m be a bankoo kenseŋyandi la le fo abadaa.

Yeremiya 22:28

Moolu si a fo ko, “Fo Yehoyahini le keta jutunna moo ti teŋ, ko fenkeŋ teleŋo, ko daandiŋ teyiriŋo, moo buka feŋ meŋ hati? Muŋ ne ye a tinna ì ye a niŋ a diŋolu wafati, ka taa ì fayi banku kaŋ, ì maŋ daameŋ to loŋ?”

Yeremiya 3:19

“Nte Yaawe ko m faŋ ye le ko: Wo si nte seewoo, ka ali bulandi ñiŋ kontoo kono ko, n diŋolu le mu ali ti, ŋa ñaaboo bankoo dii ali la, bankoolu bee banku ñiimaa. Ŋa ñiŋ ne muta ko ali be n kumandi la ali Faamaa le la, aduŋ ali te muru la ka ali koo dii n na.

Yesaya 34:6

Yaawe la hawusaroo ñeelita yeloo la le, a fuumata keŋo la, saajiiriŋolu niŋ baalu keŋo, saakotoŋ kookiloolu keŋo. Yaawe be sadaa* le bo kaŋ Bosira, kanateyiri baa, Edomu bankoo kaŋ.

Yesaya 33:1

Kooroo be boyi la ite kasaaralilaa kaŋ ne, moo maŋ ite meŋ kasaara. Kooroo be boyi la ite jamfaalaa kaŋ ne, moo maŋ ite meŋ jamfaa. Niŋ i ye i foño kasaaraloo la, hani wo, i be kasaara la le. Niŋ i ye i foño jamfaamooyaa la, wo to le jamfaa kuwo be naa ke la i la.

Yesaya 30:14

A be teyiŋ-teyiŋ na le ko daandiŋo, a bee ye nunku lep, ali te teyindaŋ kiliŋ soto la, ka dimbaa bii a la ka bo sinkiroo to, waraŋ ka jiyo bii a la ka bo jiibindaa kono.”

Yesaya 10:12

Niŋ Maariyo pareeta a la dookuwo bee la, Siyoni* Konkoo niŋ Yerusalaamu kamma, a be Asiriya mansa mantoora la a la faŋ sikandoo niŋ a la faratoo kaŋ ne.

Yesaya 2:16

A be safaari kuluŋolu tunendi la le, aniŋ kuluŋ ñiimaalu bee.

Jabuuroolu 2:9

I be ì teyi la niŋ needokoo le la, ka ì teyiŋ-teyiŋ komeŋ jiibindaa.’ ”

2 Taarika 36:10

Tilikandoo kono, Nebukanesa ye moolu kii ka a samba naŋ Babiloni, a niŋ Yaawe Batudulaa Buŋo jooraŋ kummaalu. Bituŋ Nebukanesa ye Yehoyakini faandiŋ sindi a noo to ka ke Yerusalaamu niŋ Yahuuda bee mansa ti.

Yankuba 5:5

Ali tarata ñiŋ duniyaa kono fankoo niŋ niidiyaa kono! Ali ye ali sondomoolu ke batundoo ti, bari a be pareeriŋ kanateyi luŋo le ye.

Yesaya 34:7

Ì niŋ daakoyoolu le be faa la ñoo la, tuuraariŋolu niŋ tuuraa baalu. Ì la bankoo be faa la yeloo le la, dulaa bee ye tara faariŋ keŋo la.

Yeremiya 18:22

Allamaa maasiiba wuuroo ye kuma ì la buŋolu kono, tuma meŋ ñapinkannaalu be naa ì kaŋ, kaatu ì ye dinkoo le siŋ n kamma ka m muta, ì ye kutindiŋolu laa n ñaato.

Yeremiya 48:38

Mowabi buŋ santo teruriŋolu* bee kaŋ, aniŋ saatee bantabaalu to, feŋ te jee, niŋ a maŋ ke kumboo ti. Kaatu ŋa Mowabi teyi le, ko daandiŋ teyiriŋo, moo buka meŋ hati.” Yaawe le ye a fo.

Hoseya 8:8

Banisirayila teyita le fokabaŋ, saayiŋ a be banku koteŋolu teema ko feŋ nafantaŋo.

Jakariya 10:3

Yaawe ko: “N na kamfaa dimbaamaa ka mala kantarilaalu le kamma, m be ñaatonkoolu jarabi la le. Nte Yaawe Alihawaa Maariyo*, m be n na koorewo kanta la le, Yahuuda moolu. M be ì ke la le ko n na keleraŋ suu sembemaalu.

Jakariya 11:3

Ali maralilaalu woosii kaŋo moyi baŋ, ì la kallankeeyaa yeemanta le. Ali ali tuloo loo jatoolu kumakaŋo la baŋ, Yoridani Boloŋo wuloo tiñaata le.

Yeremiya 23:1

Yaawe* ko: “Kooroo be maralilaalu ye le, mennu ka n na saajii koorewo janjandi ka a kasaara, aduŋ itolu le mu kantarilaalu ti ì kunna.”