Yeremiya 25:27 - Mandinka Bible

²⁷ Yaawe ko: “A fo ì ye ko, nte Yaawe Alihawaa Maariyo, Banisirayila la Alla ye ñiŋ ne fo ko: Ali i miŋ, ali ye siira ka foonoo. Ali boyi, ali te wuli la kotenke, ñiŋ kamma m be keloo meŋ naati la ali kaŋ niŋ hawusaroo la.”

Yeremiya 25:27 ပူးပေါင်းရင်းမြစ်များ

Habakuki 2:16

Ali be duŋ na maloo le kono, ali te buuñaa soto la muk. Ali fanaalu taa le siita, ka muluŋ ko siiratoo, ali kenseŋo ye loo, ka ali la sunnabaliyaa yitandi. Mindaŋ pootoo meŋ be Yaawe bulubaa buloo kono, ka naa alitolu le kaŋ, ka jaraboo yelema naŋ ali kaŋ. Horomoo meŋ be ali kaŋ, be yelema la ali ye maloo le ti.

Yeremiya 25:16

Ì be a miŋ na le ì ye timili-tamali, ì ye cafari, feŋ te fo m be keloo meŋ naati la ì kaŋ niŋ hawusaroo* la.”

Niikuyaa Suukuwolu 4:21

Wayi! Alitolu Edomunkoolu, mennu be siiriŋ Usi bankoo to, ali si seewoo ka jusulaa. Bari Alla la kamfaa mindaŋo be naa ali fanaa kaŋ ne, ali ye siira fo ali ye i wura fefes.

Yesaya 51:21

Wo to ite Yerusalaamu toorariŋo, ite meŋ siirata, doloo maŋ a saabu, i lamoyi ñiŋ na.

Yeremiya 50:35

Yaawe ko: “Hawusaroo* le be naa Babiloninkoolu kamma, a be naa Babiloni moolu kamma, a be naa a maralilaalu kamma, aniŋ a moo ñaamendiŋolu!

Yeremiya 46:14

“Ali a fo Misira bankoo kaŋ, ka a kankulaa Mikidoli saatewo kono jee, ka a kankulaa Memfisi, aniŋ Tapanesi. Ali a fo ko, ‘Misira, wuli i ye loo kuuke ka i paree keloo la, kaatu hawusaroo be kasaaroo naati la i kaŋ karoo bee le la.’

Yeremiya 46:10

Bari luŋo ñiŋ mu nte Yaawe Alihawaa Maariyo* la luŋo le ti, julujoo luŋo, ka n joo n jawoolu to. Hawusaroo* be faaroo ke la le fo a ye tiiña, a ye i miŋ ì yeloo la fo a ye ñeeli. Kaatu nte Yaawe Alihawaa Maariyo be faari sadaaboo le ke la, maraa kara bankoo kaŋ, Yufurati Boloŋo daala.

Yeremiya 12:12

Kasaaralilaalu naata niŋ keñewula tintiñaalu bee le la. Nte Yaawe ye keloo le naati niŋ hawusaroo* la, ka bankoo kasaara biriŋ tonkoŋ fo tonkoŋ. Moo te kayira soto la.

Yesaya 63:6

N na jusuboo kono, ŋa n tuu bankoolu kaŋ. N na kamfaa ye a ke le, fo ì ka timili-tamali, ŋa ì yeloo boŋ bankoo to.”

5 Musa 32:42

N na kalabeñoolu be suuri la ì balajaatoo kono le, n na hawusaroo* ye i miŋ ì yeloo la, moo baramariŋolu niŋ mutamoolu yeloo, aniŋ jawu kuntiña jaŋolu.

Lankenemoo 14:10

wo maarii fanaa be Alla la kamfaa baa doloo miŋ na le, meŋ niŋ semboo bee yelemata Alla la kamfaa baa mindaŋo kono. Wo maarii be toorandi la dimbaa niŋ solifa munkoo* le la, malaayika senuŋolu niŋ Saajiiriŋo ñaatiliŋo la.

Yeremiya 13:13

Bituŋ i si naa a fo ì ye, nte Yaawe ye ñiŋ ne fo ko: M be ñiŋ bankoo moolu bee le mindi la fo ì ye siira. Wolu le mu Mansa Dawuda koomalanka mansoolu ti, a la mansasiiraŋo kaŋ, ka taa piriisoolu*, annabiyomoolu, aniŋ Yerusalaamunkoolu bee.

Yeremiya 22:10

Alitolu Yahuuda moolu, ali kana mansa la saŋo kumboo, meŋ faata, sako ka a woosii. Bari ali kumboo kendeke wo doo la kuwo la, ì ye meŋ samba mutoo kono, kaatu a te muru la naŋ kotenke, ka a wuluu bankoo je.

Yeremiya 51:39

Tuma meŋ ì be haburiŋ, m be bidaŋ domoroo le londi la ì ye, ŋa ì siirandi fo ì ye kontaani, ì ye naa tu siinoo la, ì te kuniŋ na kotenke.” Yaawe le ye a fo.

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Nahumu 3:11

Ite Ninewe, i fanaa be ke la le ko siiratoo, i ye bori ka taa maabo, ka tankoo ñini i jawoolu ma.

Amosi 8:14

Ì ka ì kali Asima too la, jalammusoo meŋ be Samariya, Dani aniŋ Beeriseba jalaŋolu toolu la, wo kamma la ì si boyi, aduŋ ì te wuli la kotenke.”