Yeremiya 25:26 - Mandinka Bible

²⁶ maraa kara maafaŋ bankoo mansoolu bee kewu, dulaalu mennu maŋ jamfa, aniŋ mennu jamfata, ì kiliŋ-kiliŋ, ka taa mansamarali bankoolu mennu be duniyaa fannaa bee la. Niŋ wolu bota jee, Babiloni mansakewo fanaa be naa mindi la a la le.

Yeremiya 25:26 ပူးပေါင်းရင်းမြစ်များ

Yeremiya 51:41

Yaawe ko Babiloni ma ko: “Ì ye Sesaki le muta teŋ! Babiloni, duniyaa bee ka kaawa meŋ na, ì ye wo le taa teŋ, a keta bankoolu kono kijafara kuwo ti!

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Habakuki 2:16

Ali be duŋ na maloo le kono, ali te buuñaa soto la muk. Ali fanaalu taa le siita, ka muluŋ ko siiratoo, ali kenseŋo ye loo, ka ali la sunnabaliyaa yitandi. Mindaŋ pootoo meŋ be Yaawe bulubaa buloo kono, ka naa alitolu le kaŋ, ka jaraboo yelema naŋ ali kaŋ. Horomoo meŋ be ali kaŋ, be yelema la ali ye maloo le ti.

Esekiyeli 32:30

Mansariŋolu mennu bota maraa kara maafaŋo fanaa la be jee le, ì muumee bee, ì niŋ Sidoninkoolu mennu bee faata, ì taata kaburoo kono duuma, ì niŋ maloo. Kaatu ì ye silaŋo le dundi moolu la, ì semboo la waroo kamma. Ì be laariŋ Alla lombaloolu le kono, mennu faata keloo kono, ì niŋ ì ye ì la maloo dunoo taa ñoo la kaburoo kono duuma jee.

Yeremiya 25:12

Bituŋ niŋ sanji taŋ woorowula kumfaata, n si naa Babiloni mansakewo kuluu, aniŋ a la wo bankoo, meŋ mu Babiloninkoolu la bankoo ti. Ì la junuboolu kamma la m be a bankoo kenseŋyandi la le fo abadaa.

Yesaya 51:23

M be a dii la i toorandilaalu le la, mennu ka a fo i ye nuŋ ko, ‘Boyi duuma fo ǹ si taama i kaŋ.’ I ye i laa ì ye bankoo to le, i mulunta ì ye ko mbeedoo, ì ka tara taama la i kaŋ.”

Yeremiya 51:51

“Ali ka a fo le ko, ‘M̀ bulata malu kuwo kono le, ŋà nendiroolu moyi, jutunnayaa feeneeta ǹ kaŋ, kaatu bantala moolu le ye i seyiŋ Yaawe Batudulaa Buŋo kono, ka duŋ a konoto senuŋolu kono.’