Yeremiya 25:15 - Mandinka Bible

¹⁵ Ñiŋ mu kuu le ti Yaawe, Banisirayila la Alla ye meŋ fo n ye ko: “Ñiŋ mindaŋo taa ka bo m buloo kono, n na kamfaa mindaŋ faa. Bankoolu bee mindi a la, ŋa i kii mennu kaŋ.

Yeremiya 25:15 ပူးပေါင်းရင်းမြစ်များ

Jabuuroolu 75:8

Yaawe* la kamfaa mindammaa le be a bulu, meŋ mu a la kiitindiroo ti, moo jawoolu kamma. A be fuusa kaŋ wayini* fatiŋo le la. A be a bee le kupi la, hani tondoo te tu la, moo kuruŋolu ye a bee miŋ.

Yesaya 51:17

Wuli! Wuli! Hee Yerusalaamu, i ñaa yele! I ye i miŋ Yaawe la kamfaa mindaŋo le la, i ye mindaŋ faa bee miŋ ne, fo i ka timili-tamali.

Lankenemoo 14:10

wo maarii fanaa be Alla la kamfaa baa doloo miŋ na le, meŋ niŋ semboo bee yelemata Alla la kamfaa baa mindaŋo kono. Wo maarii be toorandi la dimbaa niŋ solifa munkoo* le la, malaayika senuŋolu niŋ Saajiiriŋo ñaatiliŋo la.

Yuuba 21:20

Allamaa ì faŋo ñaakesoolu ye loo ì la kasaaroo kaŋ, ì ye Alla Tallaa la kamfaa jiimaa miŋ.

Yesaya 51:22

I Maarii Yaawe, i la Alla meŋ ka loo a la moolu ye, a ye ñiŋ ne fo ko: “A juubee, wo mindaŋo meŋ ka i timili-tamalindi, ŋa a taa i bulu le, wo kamfaa mindammaa meŋ, i ka i miŋ a la, i te i miŋ na a la kotenke.

Lankenemoo 14:19

Bituŋ malaayikoo ye a la worotoo finjaŋ duniyaa kunto. A ye wayini yiridiŋ ñatoolu kafu ñoo ma, a ye ì fayi yiridinjii bitidulaa kono, meŋ mu Alla la kamfaa baa ti.

Yeremiya 51:7

Babiloni tarata nte buloo kono le ko sani mindaŋo, duniyaa bee ye a miŋ fo ì keta tamaji. Bankoolu ye a la wayinoo* miŋ ne, a ye ì ñaamandi.

Jabuuroolu 11:6

A be dimbaa keñembu wuleŋo niŋ solifa* dimbaa le jindi la moo kuruŋolu kaŋ, komeŋ samaajiyo. A be ì jarabi la foño kandi jawu baa le la.

Jabuuroolu 60:3

I ye i la moolu jarabi jawuke le. A ka munta i ye m̀ mindi doloo le la, ka ǹ siirisaarandi.

Yesaya 51:23

M be a dii la i toorandilaalu le la, mennu ka a fo i ye nuŋ ko, ‘Boyi duuma fo ǹ si taama i kaŋ.’ I ye i laa ì ye bankoo to le, i mulunta ì ye ko mbeedoo, ì ka tara taama la i kaŋ.”

Yeremiya 1:5

“Yeremiya, ŋa i loŋ ne janniŋ m be i daa la i baa wuluuñaŋo kono. Janniŋ i be wuluu la, ŋa i kerekere le, ŋa i tomboŋ, ka ke n na annabiyomoo ti bankoolu kaŋ.”

Yeremiya 43:11

A be naa le ka Misira bankoo busa. A be moolu mennu dii la alibalaa kuuraŋo la, a ye ì dii a la, a be mennu dii la ka taa mutoo kono, ì ye taa mutoo kono, aniŋ a be mennu dii la ka faa niŋ hawusaroo* la, ì ye faa niŋ hawusaroo la.

Yeremiya 46:1

Yaawe* la kumoo le mu ñiŋ ti, meŋ naata Annabilayi Yeremiya kaŋ banku koteŋolu la kuwo to.

Yeremiya 48:26

A ko: “Mowabi ye a faŋ wara Yaawe le kaŋ. A mindi fo a ye siira, a si busandi a faŋo la foonoo kono, fo a si ke jelefeŋo ti.

Yeremiya 49:12

Yaawe ye ñiŋ ne fo ko: “Ŋa wo moolu mindi n na kamfaa mindaŋ faa la le, a maŋ jari ka mennu mindi a la. Wo to a be koyiriŋ ne ko, m be alitolu fanaa mindi la a la le. Ali te kana la jarabiroo ma, fo ali si n na kamfaa mindaŋo miŋ.

Esekiyeli 23:32

Maarii Yaawe ye ñiŋ ne fo ko: “I be i miŋ na i kotoomaa la tooroo mindaŋo le la, meŋ fanuta, aniŋ a dinkata. I be ke la moolu ye jelefeŋo le ti, aniŋ ì ka i ñaawali. Kaatu jamaa le be i la mindaŋo kono.

Esekiyeli 23:33

Niikuyaa be i siira la le lantaŋ. I la mindaŋo be faa la niŋ kuu manaraŋ kewolu niŋ kasaaroo le la. Wo le mu i kotoomaa Samariya la mindaŋo ti.

Esekiyeli 29:12

M be Misira bankoo kenseŋyandi la ñaameŋ, a te ñoŋ soto la bankoolu bee kono mennu kenseŋyaata, aniŋ a saatewolu te ñoŋ soto la saatewolu bee kono mennu nene tumbunta, fo sanji taŋ naani. M be a moolu janjandi la duniyaa bankoolu bee kaŋ ne, ì ye tara janjandiŋ bankoolu kaŋ taariŋ.”

Esekiyeli 36:5

Nte Yaawe Alla ye ñiŋ ne fo ko: Ŋa ñiŋ ne fo n na kamfaa baa kono wo bantala banku toomaalu aniŋ Edomu muumewo ma, mennu niŋ seewoo baa niŋ jutunnayaa baa ye n na bankoo ñapinkaŋ ka ke ì ye neemoo ti.

Obadiya 1:16

Ŋa Yahuuda moolu mindi n na jaraboo jiyo le la, n na konko senuŋo* kaŋ. M be ì dandanna bankoolu fanaa mindi la wo ñaa kiliŋo le ñaama, dandulaa te tara la meŋ na. Ì si a miŋ, ì ye a miŋ, fo ì bee ye yeemaŋ, komeŋ niŋ ì nene maŋ soto fereŋ.”

Habakuki 2:16

Ali be duŋ na maloo le kono, ali te buuñaa soto la muk. Ali fanaalu taa le siita, ka muluŋ ko siiratoo, ali kenseŋo ye loo, ka ali la sunnabaliyaa yitandi. Mindaŋ pootoo meŋ be Yaawe bulubaa buloo kono, ka naa alitolu le kaŋ, ka jaraboo yelema naŋ ali kaŋ. Horomoo meŋ be ali kaŋ, be yelema la ali ye maloo le ti.

Jabuuroolu 75:9

Bari nte de, m be tu la a kankulaa la le, Alla ye meŋ ke. M be suukuwo laa la le ka Yaakuba la Alla jayi.

Yesaya 14:26

N na ñiŋ feeroo le be laariŋ duniyaa ye, n ñiŋ buloo le be teekariŋ bankoolu bee kamma.”

Yesaya 34:2

Yaawe* be kamfaariŋ bantala bankoolu bee kamma le, a jusoo be kandiriŋ ì la kelediŋ kafoolu bee le kamma. A be ì kasaara la le fereŋ, a ye ì dii ka taa ì kanateyi.

Yeremiya 36:2

“Yeremiya, kitaabu moromororiŋo* taa, i ye kumoolu bee safee a kono, ŋa mennu fo Banisirayila niŋ Yahuuda ma, aniŋ duniyaa banku koteŋolu bee. A dati niŋ kumoolu la ŋa mennu foloo fo i ye koomanto, Yosiya la mansayaa waatoo kono, ka naa fo bii.

Yeremiya 45:5

Wo to fo ite ñanta le ka kuwolu ñiniŋ i faŋo ye, mennu warata? Kana wolu ñiniŋ. Kaatu ko, m be kasaaroo le naati la moo bee kaŋ. Bari i taata daa-wo-daa, m be a je la le ko, i niyo, wo ye kana.” Yaawe le ye a fo.