Yeremiya 25:10 - Mandinka Bible

¹⁰ M be a tinna le ì la maadiyaa niŋ seewoo kumakaŋo ye daŋ, ka taa maañoo niŋ a keemaa la maañoobiti maakaŋo, aniŋ tuurilaŋ beroolu jurulikaŋo, ka taa lampoo la maloo.

Yeremiya 25:10 ပူးပေါင်းရင်းမြစ်များ

Yeremiya 7:34

M be maadiyaa niŋ seewoo kumakaŋolu daŋ na Yahuuda saatewolu kono le, aniŋ Yerusalaamu mbeedoolu kaŋ, ka taa maañoo niŋ a keemaa la maañoobiti maakaŋo. Kaatu bankoo be ke la tumbuŋo le ti.”

Esekiyeli 26:13

M be daŋ ke la i la moolu la denkiloolu niŋ ì la kumafeŋ diimaalu la le, aduŋ moo te ì la kooraa kumakaŋolu moyi la kotenke.

Yeremiya 16:9

Nte Yaawe Alihawaa Maariyo*, Banisirayila la Alla ye ñiŋ ne fo ko: Ali ñaalu be a je la ali baluu tiloolu la le, ŋa maadiyaa niŋ seewoo kumakaŋolu daŋ ñiŋ dulaa to jaŋ, ka taa maañoo niŋ a keemaa la maañoobiti maakaŋo.

Hoseya 2:11

M be daŋ ke la a la seewoo la le, ŋa daŋ ke a la feetoolu la, a la Kari Kuta Juuraloolu*, Loobula Luŋ Juuraloolu, ka taa bula a la juurali looriŋolu bee la.

Esita 8:11

Mansa la kankulaaroo ye Yahuudoolu so semboo la saatee baa-wo-saatee baa to le ka beŋ jee ka ì faŋo tankandi. Ì ko, niŋ joorantii-wo-joorantii bota naŋ sii-wo-sii to waraŋ banku-wo-banku to, ka naa ì niŋ ì la musoolu niŋ ì diŋolu kele, ì si ì faa ka ì kasaara waraŋ ka ì tumbuŋ, aduŋ ì si ì jawoolu la feŋolu bee taa.

Esita 7:4

Kaatu ì ye nte niŋ n na moolu saŋ ne ka ǹ kasaara, ka m̀ faa aniŋ ka ǹ tumbuŋ. Niŋ a ye a tara ì ye ǹ saŋ ne ka ǹ ke jommusoolu niŋ jonkewolu ti, n te feŋ fo la nuŋ, kaatu ñiŋ niitoora siifaa te jari la ka ite mansa batandi.”

Esita 3:13

Kiilaalu ye ñiŋ kayitoolu bee janjandi mansa la kumandaŋ bankoolu bee kaŋ ne. Ñiŋ ne be safeeriŋ jee ko, Yahuudoolu ka bo dindiŋ, keebaa, musoolu aniŋ dindiŋ mereŋolu bee ñanta faa la le ka kasaara tili kiliŋ, aduŋ ì ñanta ì la feŋolu buusi la ì bulu le. Wo ñanta ke la kari taŋ niŋ fulanjaŋo tili taŋ niŋ sabanjaŋo luŋo le la, Adari karoo kono.

Yesaya 47:2

I la kuŋ bitiraŋo bondi, i ye tuurilaŋ beroo taa, i ye siimaŋo juru. I la faanoo wulindi, i wutoolu ye tara banta, i ye boloŋo teyi.

Yeremiya 48:33

Seewoo niŋ jusulaa, ŋa wo buusi le, ka bo Mowabi, yiriwaa banku. Ŋa wayinoo bali soto la wayini* yiridiŋ bitidulaa to le, moo buka ì doriŋ-doriŋ jee, seewoo niŋ wuuroo la. Wuuroo be keriŋ, bari a maŋ ke seewoo wuuri ti.

Niikuyaa Suukuwolu 5:15

Ǹ sondomoolu la seewoo danta le, ǹ na doŋo yelemata ǹ ye saŋakumboo ti.