Yeremiya 23:24 - Mandinka Bible

²⁴ “Fo moo si a faŋ maabo noo kulloo kono dulaalu to, ñiŋ kamma la n kana a je?” Yaawe le ye a fo. “Fo m maŋ saŋo niŋ bankoo faa tep?” Yaawe le ye a fo.

Yeremiya 23:24 ပူးပေါင်းရင်းမြစ်များ

Kuma Kotoomaalu 15:3

Yaawe* ka dulaalu bee le je, a ka a hakilitu moo jawoolu niŋ moo kendoolu to le.

Jabuuroolu 139:7

N si taa noo mintoo le ka kana i ma? N si bori noo mintoo le i te daameŋ?

Jabuuroolu 90:8

I ye ǹ na junube kuwolu landi i ñaatiliŋo la le, ǹ na kullookono junuboolu be i ye kenebaa to le.

Yesaya 29:15

Kooroo be moolu le ye mennu ye a kata baake, ka ì la yaamaroolu maabo Yaawe ma. Ì ka ì la kebaaroolu ke diboo kono, ì ka a fo ko, “Jumaa le ka ǹ je? Jumaa le be a loŋ na, ǹ ka meŋ ke?”

1 Mansoolu 8:27

“Bari fo tooñaa Alla si tara noo sabatiriŋ duniyaa kono baŋ? Hani saŋ fatoolu daŋo to ite te kuŋ na wo to, sako ñiŋ buŋo nte ŋa meŋ loo.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Yesaya 66:1

Yaawe* ye ñiŋ ne fo ko: “Arijana le mu n na mansasiiraŋo ti, duniyaa mu n siŋ looraŋo ti. Ali be buŋo meŋ loo la n ye, a be ke la muŋ buŋ siifaa le ti? N na dahaa dulaa be ke la muŋ dulaa siifaa le ti?”

Jabuuroolu 10:11

A ka ñiŋ ne fo a faŋ ma ko, “Alla daa te n na kuu to. A ye a ñaa kaasi n na le. A nene te n je la.”

2 Taarika 6:18

“Bari fo tooñaa, Alla si tara noo sabatiriŋ hadamadiŋolu kono duniyaa kono baŋ? Hani saŋ fatoolu daŋo to, ite te kuŋ na wo to, sako ñiŋ buŋo, nte ŋa meŋ loo.

Efesusinkoolu 1:23

Wo kafoo mu Kiristu baloo le ti, aniŋ a la timmoo, ate meŋ mu timmandiraŋo ti feŋolu bee ye.

2 Taarika 2:6

Wo to saayiŋ, jumaa le si buŋo loo noo a ye, a si kuŋ daameŋ? Hani saŋ fatoolu daŋo to, a te kuŋ na wo to. Wo to nte mu jumaa le ti ka buŋo loo noo a ye, fo dulaa doroŋ, jani sadaa be kali bo la a ye daameŋ?

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Esekiyeli 9:9

Wo to le, a ye n jaabi ko, “Banisirayilankoolu niŋ Yahuuda moolu la kuruŋyaa landatambita le. Ì ye ì la bankoo kaŋ bee fandi niŋ moofaa niŋ tilimbaliyaa kuwolu le la. Ì ka naa a fo ko, ‘Yaawe ye a daa bondi ǹ na bankoo la kuwo to le, a buka ǹ je.’

Esekiyeli 8:12

Wo to le a ko n ye ko, “Hadamadiŋo, i ye a je le Banisirayila alifaalu be meŋ ke kaŋ kulloo kono baŋ? Ì bee ye jalaŋolu le soto ì la buŋolu kono. Ì ka ñiŋ ne fo ko, ‘Yaawe buka ǹ je, kaatu a ye a daa bondi ǹ na bankoo la kuwo to le.’ ”

Yeremiya 49:10

Bari nte ŋa Esawu koomoo wura le fefes, ŋa a maabodulaa waañaari, a te i maabo noo la. A diŋolu, a baadiŋolu, a siiñoolu bee le kasaarata, Edomu te keriŋ kotenke.

Jabuuroolu 148:13

Daaroo bee, ali Yaawe jayi a too la, kaatu a too le warata doo koteŋolu bee ti. A la kallankeeyaa* le tambita feŋo bee la, biriŋ bankoo kaŋ fo saŋo ye santo la.

1 Musa 16:13

Bituŋ Hajara ye a faŋ ñininkaa ko, “Fo tooñaa-tooñaa, ŋa Alla le je baŋ, m maŋ faa n na a jeriŋ koolaa?” Bituŋ a naata Yaawe kumandi meŋ diyaamuta a ye, “Ite mu Alla ti meŋ ye n je.”

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.

Yuuba 34:21

Alla ka hadamadiŋo la taaraŋ siloolu koroosi le, a ye simfaa-wo-simfaa taa, Alla ñaa ka tara a la le.

Yuuba 34:22

Wo dibi te keriŋ, meŋ si junubelaa maabo noo Alla ma.

Yeremiya 16:17

N ñaa be ì taaraŋ siloolu bee le la. Ì la kuwolu maŋ nukuŋ m ma, sako ì la kuruŋyaa si tara maaboriŋ n ñaa la jeroo ma.

Yeremiya 32:19

I la feeroolu warata le, aduŋ i la keroolu semboo warata. I ñaa ka tara hadamadiŋolu bee taaraŋ siloolu la le, aduŋ i ka moo-wo-moo joo ka bo niŋ a maañaa le la, aniŋ ka bo niŋ a kekuwolu la.

Daniyeli 2:22

A ka kuwolu lankenemayandi le, mennu nukunta baake. Kuu-wo-kuu be diboo kono, a ye a loŋ ne, aduŋ maloo le ye a murubeŋ.

Jabuuroolu 139:8

Hani niŋ n seleta saŋo le santo, i be jee le. Niŋ ŋa n laa kaburu dinkoo kono, i be jee le.