Yeremiya 23:17 - Mandinka Bible

¹⁷ Ì ka tu la a fo la moolu ye le, mennu ka jutu nte Yaawe la kumoo la, ‘Kayira doroŋ ne be ke la ali ye.’ Moo-wo-moo kanjaaramaa ka bula a faŋo sondomoo la lafoo le nooma, ì ka a fo ì ye ko, ‘Tana te ali soto la.’ ”

Yeremiya 23:17 ပူးပေါင်းရင်းမြစ်များ

Mika 3:11

A kuntiyolu ka kiitiyo kuntu dukoo le la, a piriisoolu* ka karandiroo ke kodoo le ye, aduŋ a annabiyomoolu fanaa ka ñaato kuwolu fo moolu ye kodoo le kamma. Ì la ñiŋ kuwolu bee keriŋo koolaa, hani wo bee ì ka tara jikiriŋ Yaawe la ka a fo ko, “Fo Yaawe le maŋ tara ntolu fee? Maasiiba kuu te laa la ntolu kaŋ.”

Yeremiya 13:10

Ñiŋ moo kuruŋolu balanta nte la kumoolu muta la le. Ì kanjaaramaalu ka bula ì fansuŋ lafoo le nooma. Ì bulata jalaŋolu le nooma ka ì batu, aniŋ ka sujudi ì ye. Wo kamma la ì be ke la le ko ñiŋ fatari kulembeŋo, meŋ te feŋ nafaa la.

Amosi 9:10

N na moolu mennu mu junubelaalu ti ali kono, bee be faa la niŋ hawusaroo le la, aniŋ mennu ka a fo ali kono ko maasiiba kuu te boyi la naŋ ali kaŋ, aduŋ n te hani a sutiyandi la ali la.”

Mika 3:5

Annabiyomoo doolu le sotota, mennu ye n na moolu filindi. Niŋ ì be feŋ soto kaŋ meŋ bulu, ì ka kayiroo le laahidi wo ye, bari ì be foo la feŋ na a bulu doroŋ, ì be keloo wulindi la a kamma. Yaawe ye ñiŋ ne fo ñiŋ annabiyomoolu ye ko:

Yeremiya 9:14

Ì ye wo tu jee le, ì kanjaaramaalu bulata kuwolu nooma ì faŋolu sondomoolu ye ì samba mennu kaŋ. Ì ka Baali* jalaŋolu le batu ko ì mumuñolu ye ì karandi a la ñaameŋ.”

Yeremiya 8:11

Ì ka n na kanu moolu la dimiŋo feeyaatoo jaara le, ko a maŋ ke feŋ ti, ì ka a fo ko, ‘Kayira, kayira,’ a ye a tara kayira te keriŋ.

Yeremiya 5:12

“Ì ka nte Yaawe soosoo le. Ì ye ñiŋ ne fo ko, n te hani feŋ ne ke la. Kuu jawu te ke la ì la, sako ì si hawusaroo* je, waraŋ ka konko.

5 Musa 29:19

Ali ali hakiloo tu moo kana soto ali kono, meŋ si ñiŋ kambeŋo niŋ a saratoolu moyi, a ye naa a faŋ kuŋo jandi ka a fansuŋ siloo taa meŋ diyaata a ye, ka ñiŋ miira ko tana te a la. Wo be a tinna le Yaawe ye moo betoolu niŋ moo kuruŋolu bee kasaara ñoo la, a te moo bo la moo to.

Jakariya 10:2

Bunkono jalaŋolu ka neeneeroo le ke. Juubeerilaalu la jeroolu ka ke faniyaa ti, ì ka siiboolu fo, mennu buka ke tooñaa ti. Ì ka moolu jikindi kuu kenseŋolu la. Wo le ye a tinna n na moolu ka yaayi taariŋ ko saajiyolu, ì toorata, kaatu ì maŋ kantarilaa soto.

Esekiyeli 13:22

Ali ka moo tilindiŋolu jikilateyindi niŋ ali la faniyaa la, bari n nene te ì jikilateyindi la. Ali ka naa moo kuruŋolu wakiilindi kuu kuruŋ kewo la, ka ì koo dindi tuubiseyoo la fo ì kana kiisa noo.

Esekiyeli 13:10

“Ñiŋ annabiyomoolu le ka n na moolu filindi, ka a fo ì ye ko, ‘Kayira doroŋ,’ wo ye a tara kayira te keriŋ. A mulunta le ko niŋ moolu mennu ye tata sansaŋo loo kutukatoolu la, annabiyomoolu naata a muu lasoo la ka a ñiiñandi, a ye a tara a maŋ bambaŋ.

Yeremiya 18:18

Bituŋ moolu kumata ko, “Ali naa ŋà feeroolu siti Yeremiya kamma, wo te a tinna ŋà foo piriisoolu* la mennu be kali karandiroo ke la, waraŋ moo ñaamendiŋolu mennu be kali yaamaroo dii la, waraŋ annabiyomoolu mennu be kali Alla la kumoo bankee la. Ali ŋà a kele ǹ neŋo la, aduŋ ǹ kana n lamoyi a la kuma la.”

Yeremiya 6:14

Ì ka n na moolu la dimiŋo feeyaatoo jaara le, ì ka a fo ko, ‘Kayira, kayira,’ a ye a tara kayira te keriŋ.

Yeremiya 3:17

Wo waatoo la, ì be kali Yerusalaamu kumandi la Yaawe la Mansasiiraŋo le la. Duniyaa banku moolu bee be beŋ na jee le ka m batu n too la, aduŋ ì te bula la ì la sondome jaa niŋ kuruŋyaa nooma kotenke.

4 Musa 11:20

Bari a be ke la ì ye kari kiliŋ domoroo le ti. Ì si a domo fo ì daa faroo to, a ye ì tiiña fo ì ye ñewuŋ a la. Ñiŋ be ke la ì la le kaatu ì ye ì koo dii nte Yaawe la le, meŋ tarata ì fee, ì woosiita n ñaatiliŋo la ka a fo ko, ‘Muŋ daliila le ye ntolu bondi naŋ Misira?’ ”

1 Tesalonikankoolu 4:8

Wo kamma la, niŋ moo-wo-moo balanta ñiŋ yaamaroo ma, wo maarii maŋ balaŋ hadamadiŋo ma, bari Alla, meŋ ye a la Noora Kuliŋo dii ali la.

Luka 10:16

“Moo-wo-moo meŋ ye ali lamoyi, wo maarii ye nte le lamoyi. Aduŋ meŋ balanta ali ma, wo maarii balanta nte le ma. Aduŋ meŋ balanta nte ma, wo maarii balanta wo le ma, meŋ ye n kii.”

Niikuyaa Suukuwolu 2:14

Ñiŋ loŋ ko, i la annabiyomoolu ko ì ye meŋ je, faniyaa kenseŋo niŋ neeneeri kumoolu le mu. Ì maŋ i la junuboo yita i la, ka i dandalaa, fo i kana taa mutoo kono, bari ì ye jeroo meŋ bankee i ye, faniyaa kenseŋo niŋ filindiroo le mu.

Yeremiya 7:24

Bari itolu maŋ i lamoyi wo la, sako ka a ke, ì ye kuwolu le ke ì jusu jaaroolu niŋ ì sondome kuruŋolu ye ì samba mennu kaŋ. Ì ye ì koo dii n na le, ì ye ì ñaa bali tiliŋ na n na.

Yeremiya 4:10

Wo to le nte Yeremiya ko, “Hee m Maarii Yaawe, tooñaa-tooñaa, ite ye ñiŋ moolu niŋ Yerusalaamu muumewo neenee le famfaŋ, ka a fo ko, ‘Ali be kayiroo soto la le,’ a ye a tara hawusaroo* be ǹ kaŋolu to!”

Yesaya 57:21

N na Alla ko: “Moo kuruŋolu te kayiroo soto la muumeeke.”

2 Samuweli 12:10

Wo kamma la, keloo le be tu la laariŋ i la dimbaayaa kaŋ doroŋ, kaatu i maŋ n na kuwo juubee, i ye Uriya Hitinkoo la musoo taa, ka a ke i la musoo ti.

1 Samuweli 2:30

“Yaawe, Banisirayilankoolu la Alla ye a bankee le nuŋ ko: Ŋa ñiŋ laahidi le ko, i la dimbaayaa aniŋ i la kaabiiloo be dookuwo ke la n ye le fo abadaa! Bari saayiŋ Yaawe ye a bankee le ko: N niŋ wo kuwo kewo teemoo ye jamfa ñoo la. Moolu mennu ye n horoma, m be ì horoma la le, bari moolu mennu maŋ m batu, wolu be tara la jutunnayaa le kono.

Malaki 1:6

Yaawe Alihawaa Maariyo ko piriisoolu* ye ko, “Dinkewo ka a faa horoma le, aduŋ joŋo fanaa ka a maarii horoma le. Niŋ a ye a tara nte mu ali faamaa ti, n na horomoo diita n na mintoo le? Niŋ m mu ali maarii ti, n na buuñaa diita n na mintoo le? Alitolu le jututa n too la. “Bari ali ka a fo ko, ‘Ntolu jututa i too la ñaadii?’

Sefaniya 1:12

Wo waatoo la, m be tara la Yerusalaamu ñini la niŋ lampu maloo le la. M be moolu jarabi la le, mennu be laariŋ ì faŋ na ko, ì la kuwolu be beteyaariŋ ne. Ì ka ñiŋ miira ko, Yaawe te kuu ke la, a jawumaa to baŋ, waraŋ fo a betemaa to.

Yesaya 30:10

Ì ka a fo jerilaalu ye le ko, “Ali kana jeroo ke kotenke!” Ì ka a fo annabiyomoolu fanaa ye le ko, “Ali kana tooñaa fo ntolu ye! Ali kuma diimaalu fo ǹ ye, ali ka neeneeri kumoo bankee ǹ ye!

Yeremiya 18:12

“Bari ì ka a fo le ko, ‘Tuus! M̀ be bula la m̀ fansuŋ feeroolu le nooma. M̀ moo-wo-moo kanjaaramaa ye taama ǹ sondomoo la kuruŋyaa la.’ ”

Esekiyeli 13:19

Ali ye horomantaŋyaa le tiliŋ n na, m fansuŋ moolu bee ñaatiliŋo la, a maŋ ke feŋ kaŋ ti fo baali* siimaŋ bulufaa dantaŋ doroŋ aniŋ mbuuru kuŋ dantaŋ. Ali ka faniyaa fo ì ye, ì ka laa ali la. Ali ka moolu le faa, mennu maŋ ñaŋ na faa la, ali ka moolu tu baluuriŋ, mennu ñanta faa la.”

Mika 2:11

Niŋ a ye a tara moo le sotota, kuma kenseŋ folaa aniŋ faniyaa folaa, meŋ be ali kawandi la ko wayinoo* be siyaa la, aniŋ dolo koteŋo, ali be laa la wo maarii le la annabiyomuyaa la.”

5 Musa 29:18

Ali si ali hakiloo tu fo ali kono moo kana a koo dii Yaawe la ka wo banku moolu la wo jalaŋolu batu. Kaatu niŋ moo-wo-moo marisata ali la dimbaayaalu niŋ lasiloolu kono fo a ye wo ke, wo maarii be ke la ali kono yirisuloo le ti, meŋ be kali kunoo niŋ diŋ kunaŋo wuluu la.