Yeremiya 22:16 - Mandinka Bible

¹⁶ A ye fuwaaroolu niŋ sembentaŋolu maakoyi, ka kiitiyo teyi ì ye tiliŋo kono. Wo le ye a tinna kuwolu bee keta a ñaama. Fo ka wo ke, nte loŋo nafaa maŋ ke wo le ti baŋ?” Yaawe le ye a fo.

Yeremiya 22:16 ပူးပေါင်းရင်းမြစ်များ

Yeremiya 9:24

Niŋ meŋ be kibiri la, a si kibiri ñiŋ na ko, a ye nte Yaawe* la kuwo fahaamu le ka n loŋ, ka ñiŋ loŋ ko, nte le mu Yaawe ti, n ka taama kanu bambaloo le la, nte le ka kiitiyo teyi, aniŋ ka tiliŋo taamandi duniyaa kono, aduŋ wolu le mu kuwolu ti mennu ka n seewoo.” Yaawe le ye a fo.

Yesaya 1:17

Ali kuu kendoo baara. Ali a je ko tiliŋo ye taama, ali ye moolu maakoyi mennu be mantooroo kono. Ali aliyatiimoolu la hakoo dii ì la, ali ye furuyaamusoolu la boloo dii ì la.”

Titus 1:16

Ì ka a fo le ko, ì ye Alla loŋ ne, bari ì ka balaŋ a ma niŋ ì la kebaaroolu le la. Ì mu jutunnamoolu le ti, aniŋ yaamari mutabaloolu mennu nene buka kuu betoo ke noo.

Yohana 17:3

Aduŋ ñiŋ ne mu badaa-badaa baluwo ti ko, ì si ite loŋ, ite meŋ dammaa mu Alla tooñaa ti, aniŋ ì si Yeesu Kiristu* loŋ, i ye meŋ kii.

Yeremiya 9:16

M be ì janjandi la banku koteŋolu kaŋ ne taariŋ, itolu niŋ ì mumuñolu nene maŋ mennu loŋ. M be keloo le naati la ì kaŋ niŋ hawusaroo* la, fo ŋa ì baŋ kasaara la.”

Jabuuroolu 109:31

kaatu a ka loo sembentaŋolu la kuwo la le, ka ì kiisa kiitiikuntulaa jenkeriŋolu bulu mennu ka ì faa.

Jabuuroolu 9:10

Moolu mennu ye ite loŋ famfaŋ, wolu be ì jikoo loo la i kaŋ ne. Yaawe, ite buka i koo dii moolu la mennu ka i ñini.

Yeremiya 5:28

Ì nunkuta le ka malamala, ì maŋ naanee loŋ kuu kuruŋ kewo to. Ì buka kiitiyo teyi aliyatiimoolu ye, ka ì la kuwo yiriwandi, sako ka loo fentaŋolu boloo ye.

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

Yohana 17:6

“Ŋa wo moolu londi i too la le, i ye mennu dii n na duniyaa kono. Ì mu i taalu le ti nuŋ, i naata ì dii n na, aduŋ ì ye i la kumoo muta le.

Yohana 16:3

Ì be ñiŋ kuwolu ke la ali la le, kaatu ì maŋ m Faamaa loŋ, sako nte.

Yeremiya 9:3

Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.

Yohana 8:19

Wo to le ì ko a ye ko, “I Faamaa lee?” Bituŋ Yeesu ye ì jaabi ko, “Ali maŋ nte loŋ sako m Faamaa. Niŋ ali ye nte loŋ, ali be m Faamaa fanaa loŋ na le.”

1 Samuweli 2:2

Senuŋ Baa te jee Yaawe koolaa, kiliŋ te jee meŋ be ko ite. Semberaŋ beroo te jee, meŋ be ko ǹ na Alla.

Jabuuroolu 36:10

Dukaree, tu i la kanu bambaloo kaŋ moolu ye mennu ye ite loŋ, aduŋ i si neema moolu ma tiliŋo be mennu sondomoo kono.

Kuma Kotoomaalu 31:9

Diyaamu, i ye kiitiyo kuntu tiliŋo kono i ye fuwaaroolu niŋ fentaŋolu la kuwo kele ì ye.

Mika 6:8

Ite hadamadiŋo, Yaawe ye a fo i ye le, meŋ mu kuu kendoo ti, aduŋ a ye meŋ kaniŋ i bulu, wo le mu, ka tooñaa taamandi, ka beteyaa kanu, aniŋ ka bula Alla nooma, i Maarii, fammajiyo kono.