Yeremiya 2:16 - Mandinka Bible

¹⁶ Misirankoolu, mennu bota Memfisi, aniŋ Tapanesi saatewolu to, wolu ye ite Banisirayila kunkoloo teyi le.

Yeremiya 2:16 ပူးပေါင်းရင်းမြစ်များ

Yeremiya 46:14

“Ali a fo Misira bankoo kaŋ, ka a kankulaa Mikidoli saatewo kono jee, ka a kankulaa Memfisi, aniŋ Tapanesi. Ali a fo ko, ‘Misira, wuli i ye loo kuuke ka i paree keloo la, kaatu hawusaroo be kasaaroo naati la i kaŋ karoo bee le la.’

Yeremiya 44:1

Yaawe* la kumoo naata nte Yeremiya kaŋ Yahuuda moolu bee la kuwo to mennu tarata siiriŋ Misira bankoo kaŋ. Ì tarata Mikidoli le, Tapanesi, aniŋ Memfisi saatewolu to, ka taa Patirosi tundoo kaŋ.

Yesaya 19:13

Sowani maralilaalu keta toolewolu le ti, Memfisinkoolu la ñaatonkoolu ye ì faŋ neenee, siyolu la maralilaalu ye Misira filindi le.

5 Musa 33:20

A ko Kadu lasiloo la kuwo to ko, “Tentoo be Alla ye, Alla meŋ ye Kadu lasiloo la tundoo fanundi. Kadu ka baturoo ke le ko jatoo, ka ì jawoolu daboolu fatasi, aniŋ ka ì kunkoloolu teyi.

Esekiyeli 30:16

M be dimbaa duŋ na Misira bankoo la le, Pelusiyumu saatewo ye tara dimiŋ baa kono. Tebesi saatewo be boyi la le. Memfisi saatewo be tara la dewuŋo niŋ kijafaroo le kono.

Esekiyeli 30:13

Maarii Yaawe ye ñiŋ ne fo ko: “M be ì la jalaŋolu kasaara la le, aduŋ m be daŋ ke la ì la baturoolu la le ì ka mennu ke Memfisi saatewo to. Mansariŋ nene te soto la Misira bankoo kaŋ kotenke. Wo kamma la, m be silaŋo le duŋ na Misirankoolu bee la.

Yeremiya 46:19

Ali ali la fudoolu parendi ka taa mutoo kono, alitolu Misirankoolu, kaatu Memfisi be kenseŋyandi la le, a ye tumbuŋ, moo te tara la siiriŋ jee.

Yesaya 8:8

A waamemaa le be naa Yahuuda, a ye tara woyiriŋ karoo bee la. A be futa la le fo moolu kaŋo to.” Bari Alla be ntolu fee le, a dampaŋolu mennu be werendenderiŋ, be bankoo fanoo bee faa la le.

2 Mansoolu 23:33

Firawoona Neko ye a siti joloo la Ribula saatewo to le, Hamati bankoo kaŋ, ka a bondi mansayaa to Yerusalaamu saatewo kono. Bituŋ a ye naamoo laa Yahuuda bankoo moolu kaŋ ka kodiforoo kilo wuli saba niŋ keme naani joo, aniŋ sanoo kilo taŋ saba niŋ naani.

2 Mansoolu 18:21

Fo a be jikiriŋ Misira mansa le la baŋ, wo meŋ ka munta le komeŋ taamaraŋ doko katiriŋo? Moo-wo-moo sujita a kaŋ ka maakoyiroo ñini, a be i soo la i buloo kono le komeŋ ñookala katiriŋo.

Yeremiya 48:45

“Wo keleborilaalu koririŋo, ì taata loo Hesiboni dubeŋo le to, kaatu dimbaa le malata Hesiboni, a hilihilita naŋ Sihoni la buŋo le kono, jee mansa kotoo. A ye Mowabi fondaa jani le, wo fitina moolu kuŋ miraŋo.

Hoseya 9:6

Hani niŋ ali kanata kasaaroo ma, Misira si ali kumbeŋ ñoo kaŋ, ali ye baadee Memfisi saatewo to. Ñaamoo le be ali la kodiforoo kunuŋ na, ŋaniŋolu ye ali la tiriliisoolu* taa.

Yesaya 59:13

Ŋà balaŋo niŋ jamfaa le ke Yaawe la karoo la, ka ǹ koo dii ǹ na Alla la, ka tilimbaliyaa kuwolu wulindi, aniŋ ka muriti, ka feeroo siti ka faniyaa fo.