Yeremiya 19:2 - Mandinka Bible

² i ye taa niŋ Daandiŋ Teleŋ Dundaŋ Daa la. I si finti ka taa Beni-Hinnomu Wulumbaŋo kono, i ye kumoolu kankulaa jee, ŋa mennu fo i ye.

Yeremiya 19:2 ပူးပေါင်းရင်းမြစ်များ

Yosuwa 15:8

Bituŋ a tententa wo la ka taa Beni-Hinnomu Wulumbaŋo bala, konkoo bulubaa karoo la, Yebusinkoolu la saatewo meŋ mu Yerusalaamu ti. Ka bo wo to la, a tententa ka taa fo konkoo santo, Hinnomu Wulumbaŋo tilijii karoo la, Refayimu Wulumbaŋo maraa karoo danta daameŋ.

2 Mansoolu 23:10

A ye Tofeti sadaabodulaa* tiñaa Hinnomu Wulumbaŋo kono le, ñiŋ kamma moo kana a dinkee waraŋ a dimmusu jani dimbaa kono, ka a ke sadaa ti Moleki ye.

Yeremiya 32:35

Ì ye batudulaa tintiŋolu* loo Baali jalaŋo ye Beni-Hinnomu Wulumbaŋo kono le ka ì dinkewolu niŋ ì dimmusoolu jani sadaa ti dimbaa kono Moleki jalaŋo ye. Nte maŋ ì yaamari wo la, aduŋ wo nene maŋ bula n kono, meŋ si a tinna ì ye ñiŋ kuu ñewundiŋo ke ka Yahuuda dundi junube kewo to.”

2 Taarika 33:6

A ye a dinkewolu jani dimbaa kono ka ì ke sadaa ti Beni-Hinnomu Wulumbaŋo to. A ka juubeeroo, kuuriŋ fayoo niŋ batuutaayaa ke, aduŋ a ka furee kumandilaalu ñininkaa, aniŋ mennu ka bitaaroo ke. A baarata kuu jawoo la baake le Yaawe ñaa koto, ka a kamfandi.

2 Taarika 28:3

a ye cuuraayoo siisindi Hinnomu Wulumbaŋo kono, hani a dinkewolu faŋo, a ye ì jani dimbaa kono ka ì ke sadaa* ti. A bulata banku koteŋolu la kuu haraamuriŋolu le nooma, Alla ye mennu bayi ka ì fintindi Banisirayilankoolu ye.

Kiilaalu 20:27

kaatu m maŋ feŋ tu kooma, bari ŋa Alla la lafoo bee kawandi ali ye.

Kiilaalu 5:20

A ko ì ye ko, “Ali taa, ali ye loo Alla Batudulaa to, ali ye ñiŋ baluu kutoo la kumoolu bee fo moolu ye.”

Matiyu 10:27

Nte ka meŋ fo ali ye diboo kono, ali si wo fo maloo kono. Aduŋ ali ye dumburoo meŋ moyi ali tuloolu la, ali si wo kankulaa kankaraŋo santo.

Yunusa 3:2

A ko a ye ko, “Wuli, i ye taa saatee baa to, meŋ too mu Ninewe ti, ŋa kumakaŋo meŋ fo i ye, i ye a futandi moolu ma.”

Yeremiya 26:2

“Yeremiya, nte Yaawe le ye ñiŋ fo ko: Loo m Batudulaa Buŋo* to, i ye diyaamu Yahuuda saatewolu bee ye, mennu ka naa baturoo la jee. Ŋa i yaamari feŋ-wo-feŋ na, a fo ì ye. Kana kuma tu kooma.

Yeremiya 11:6

Yaawe naata a fo n ye ko, “Ñiŋ kumakaŋolu bee kankulaa Yahuuda saatewolu kono, aniŋ Yerusalaamu mbeedoolu kaŋ ka a fo ì ye ko, ì ye i lamoyi n na kambeŋo kumakaŋolu la, ì ye ì ke.

Yeremiya 7:2

n si taa loo Yaawe Batudulaa Buŋo* dundaŋ daa to, ŋa ñiŋ kumoo kankulaa jee ko: “Alitolu Yahuuda moolu bee, mennu ka duŋ niŋ ñiŋ dundaŋ daalu la ka Yaawe batu jaŋ, ali i lamoyi Yaawe la kumoo la.

Yeremiya 3:12

Wo to taa, i ye ñiŋ kumoolu kankulaa Banisirayila ye, bankoo meŋ be maraa kara maafaŋo la ko: Muru naŋ, ite Banisirayila muritiriŋo.” Yaawe le ye a fo. “N te kamfaa la ka n ñaa kuyaa i kamma kotenke, kaatu m balafaa warata le.” Yaawe le ye a fo. “N te tu la kamfaariŋ fo fawu.

Yeremiya 1:7

Bari Yaawe ko n ye le ko, “Kana a fo ko i mu dindiŋo le ti. Taa ŋa i kii mennu bee kaŋ, aduŋ ŋa i yaamari ka feŋ-wo-feŋ fo, i si a fo ì ye.

Nehemiya 3:29

Itolu bala, Immeri dinkewo Sadoki le ye a faŋo la buŋo ñaatiliŋo seyinkaŋ dadaa. Ate bala, Sekaniya dinkewo Semaya, Tiliboo Dundaŋ Daa kantalaa, le ye seyinkaŋ dadaaroo ke.

Yeremiya 18:2

“Wuli i ye taa jindaa la, boodaalaa la buŋo to, jee to m be n na kumakaŋo dii la i la le.”