Yeremiya 19:11 - Mandinka Bible

¹¹ I si naa a fo ì ye ko: Nte Yaawe Alihawaa Maariyo ye ñiŋ ne fo ko: M be ñiŋ moolu niŋ ì la saatewo teyi la teŋ ne, komeŋ boodaalaa la ñiŋ daa dumboo teyita ñaameŋ, aduŋ a te dadaa noo la kotenke. Ì be kali moolu baadee la Tofeti le, fo labaŋo la baadee dulaa koteŋ te soto la jee.

Yeremiya 19:11 ပူးပေါင်းရင်းမြစ်များ

Jabuuroolu 2:9

I be ì teyi la niŋ needokoo le la, ka ì teyiŋ-teyiŋ komeŋ jiibindaa.’ ”

Yesaya 30:14

A be teyiŋ-teyiŋ na le ko daandiŋo, a bee ye nunku lep, ali te teyindaŋ kiliŋ soto la, ka dimbaa bii a la ka bo sinkiroo to, waraŋ ka jiyo bii a la ka bo jiibindaa kono.”

Niikuyaa Suukuwolu 4:2

Siyoni* diŋ kende-kendoolu, ì niŋ saniforoo le be temberiŋ, ì ye wolu le muta potoo daandiŋo ti teŋ, boodaalaa buloo ka meŋ daa!

Lankenemoo 2:27

A si ì mara niŋ needokoo la, a be ì teyiŋ-teyiŋ na le ko daandiŋolu. M be kaŋo dii la a la le ko m fanaa ye a soto m Faamaa bulu ñaameŋ.

Yeremiya 13:14

Wo koolaa ŋa naa ì feteŋ ñoo la ka ì teyi, alifaalu niŋ dindiŋolu bee kafuriŋo. N te balafaa la, waraŋ ka yamfa, waraŋ ka hiina ì la, ka m bali ì kasaara la.” Yaawe le ye a fo.

Yeremiya 19:6

Wo to ali si a juubee, nte Yaawe le ye a fo, luŋolu be naa le, tuma meŋ ì te ñiŋ dulaa kumandi la Tofeti la kotenke, waraŋ Beni-Hinnomu Wulumbaŋo. Bari ì be kali a kumandi la Kankuntu Wulumbaŋo le la.

Kiilaalu 21:11

Kabiriŋ a naata ǹ kaŋ, a ye Pawulu la teesitiraŋo taa, a ye a faŋo buloolu niŋ a siŋolu siti a la. Bituŋ a ko, “Noora Kuliŋo ye ñiŋ ne fo ko, ‘Kewo meŋ taa mu ñiŋ teesitiraŋo ti, Yahuudoolu be a siti la Yerusalaamu kono teŋ ne. Aduŋ ì be a duŋ na moolu bulu le, mennu maŋ ke Yahuudoolu ti.’ ”

Kuma Kotoomaalu 6:15

Bari maasiiboo ka boyi ì kaŋ wo loo le to, jee-niŋ-jee ì si kasaara, ì buka maakoyiri soto.

Yeremiya 19:12

M be wo le ke la ñiŋ saatewo la, aniŋ moolu mennu be siiriŋ a kono. M be a ke la le komeŋ Tofeti. Nte Yaawe le ye a fo.

Yeremiya 48:38

Mowabi buŋ santo teruriŋolu* bee kaŋ, aniŋ saatee bantabaalu to, feŋ te jee, niŋ a maŋ ke kumboo ti. Kaatu ŋa Mowabi teyi le, ko daandiŋ teyiriŋo, moo buka meŋ hati.” Yaawe le ye a fo.

Yeremiya 51:63

“Niŋ i ye kitaabu moromororiŋo ñiŋ karaŋ fokabaŋ, i si beroo siti a bala, i ye a fayi Yufurati Boloŋo kono.

Yeremiya 25:34

Alitolu kantarilaalu, kooree ñaatonkoolu, ali wuuri ka kumboo, ali ye i bidibidi seebuutoo kono, kaatu ali kanateyi luŋo siita le, aduŋ ali be boyi la le ka janjaŋ ko daandiŋ kekuuriŋo.