Yeremiya 18:20 - Mandinka Bible

²⁰ Fo jawuyaa le mu ñiiñaa joo ti baŋ? Bari itolu ye wo le ke, ka dinkoo siŋ n kamma ka n niyo taa. I hakiloo be a kaŋ ne nte loota i ñaatiliŋo la ñaameŋ ka kuu kendoo fo ì la kuwo to, ñiŋ kamma la fo i si bo kamfaariŋ ì kamma.

Yeremiya 18:20 ပူးပေါင်းရင်းမြစ်များ

Yuuba 6:27

Alitolu be alikuuroo* le faŋo ke la aliyatiimoolu la. Ali ye ñoo fuufuu ali teeriñolu la.

Jabuuroolu 106:23

Bituŋ a naata a fo a be ì kasaara la, bari a la tomboŋ moo Musa le loota a niŋ ì teema, ka a daani, a kana a la kamfaa jindi ì kaŋ ka ì kasaara.

Jabuuroolu 119:95

Moo kuruŋolu ka tara hameriŋ ne ka m faa, bari nte ka tara m miira la i la luwaa le la.

Jabuuroolu 35:12

Ì ye n na ñiiñaa joo jawuyaa le la, ì ye n tu kiidoo kono.

Jabuuroolu 35:7

Ì maŋ daliila soto ka jaloo laa nte kamma, ka jamfaa dinkoo siŋ n kamma, daliila te a la.

Jabuuroolu 38:20

Moolu mennu ka n na ñiiñaa joo jawuyaa la, ì keta m boyinkannaalu le ti, kaatu n ka bula kuu kendoo le nooma.

Jabuuroolu 57:6

N jawoolu ye jaloo le laa n ñaato, n niyo dewunta n kono le. Ì ye dinkoo le siŋ n na siloo kaŋ, bari ì faŋolu le boyita a kono. S

Jabuuroolu 7:15

A ka jamfaa dinkoo le siŋ moo koteŋolu kamma, bituŋ a faŋo ye naa boyi wo dinkoo kono.

Kuma Kotoomaalu 17:13

Niŋ moo ye ñiiñaa joo jawuyaa la, jawuyaa buka bo a la karoo la muumeeke.

Kuma Kotoomaalu 26:27

Niŋ moo ye dinkoo siŋ a mooñoo kamma, a faŋo le be bula la a kono. Niŋ moo ye beroo birimintiŋ, a be muruŋ na a faŋo le kaŋ.

Kawandilaa 10:8

Moo-wo-moo ye dinkoo siŋ, i faŋo le be boyi la a kono, aduŋ moo-wo-moo ye sansaŋo boyi, saa si i kiŋ noo le.

Yeremiya 11:14

A ko: “Wo to ite Yeremiya, kana duwaa ñiŋ moolu ye, waraŋ ka daaniroo ke ì ye, kaatu n te n lamoyi la ì la, niŋ ì ye n kumandi ì la mantoora waatoo kono.”

Yeremiya 14:20

Hee Yaawe, ǹ sonta ǹ na kuu jawu kewo la le, aniŋ ǹ na alifaa foloolu la kuu kuruŋo. Ŋà junube kuwo le ke i la.

Yeremiya 15:1

Bituŋ Yaawe* ko n ye ko, “Hani niŋ Annabilayi Musa niŋ Annabilayi Samuweli le loota n ñaatiliŋo la ka n daani ñiŋ moolu la kuwo la, n te balafaa la ì ye. Ì bayi ì ye bo n ñaa koto, ì ye taa jana!

Yeremiya 17:18

Allamaa n toorandilaalu ye malu, bari kana soŋ nte ŋa malu. Ì ye jikilateyi, bari kana soŋ nte ŋa jikilateyi. Kasaaroo luŋo naati ì ye, i ye ì muumewo buruka kewu!

Yeremiya 18:19

Hee Yaawe, i lamoyi n na, i ye a moyi n jawoolu ka meŋ fo.

Yeremiya 18:22

Allamaa maasiiba wuuroo ye kuma ì la buŋolu kono, tuma meŋ ñapinkannaalu be naa ì kaŋ, kaatu ì ye dinkoo le siŋ n kamma ka m muta, ì ye kutindiŋolu laa n ñaato.

Yeremiya 27:18

Niŋ tooñaa-tooñaa, ì mu annabiyomoolu le ti, aduŋ niŋ a ye a tara Yaawe la kumoo naata ì kaŋ ne, wo to ì ye duwaa ka Yaawe Alihawaa Maariyo daani. Niŋ wo keta, jooraŋ tooriŋolu mennu tuta Yaawe Batudulaa Buŋo kono, aniŋ Yahuuda mansasuwo kono, Yerusalaamu saatewo kono jaŋ, fo ì kana wolu samba Babiloni.

Yeremiya 5:26

“Kuruŋolu sotota n na moolu kono le, ì ka biti le ko kunu mutalaa, ka jaloo laa ka moolu muta.

Yeremiya 7:16

Yaawe ko, “Wo to Yeremiya, ite kana duwaa ñiŋ moolu ye kotenke, ka woosii waraŋ ka daaniri ke ì ye. I kana m maaneenee ì la kuwo la, kaatu n te n lamoyi la i la.

Niikuyaa Suukuwolu 3:59

Tooñaa, i ye a je le n jawoolu ye n ŋayibe ñaameŋ, kiitiyo kuntu ǹ teema!

Yohana 10:32

Bituŋ Yeesu ye ì jaabi ko, “Nte ye baara kuu bete jamaa le ke, ali ye mennu je, ka bo m Faamaa bulu. Ali be m buŋ na ka m faa baara kuu jumaa le kamma ñinnu kono?”

Yohana 15:25

Bari ñiŋ keta le ka kumoo timmandi, meŋ be safeeriŋ Luwaa Kitaaboo* kono ko: ‘Ì ye n koŋ ne, daliila te a la.’

1 Samuweli 19:4

Yonatani ye Dawuda jayi a faa Sawulu ye, aduŋ a ko, “Baabaa, kana kuu jawoo ke i la dookuulaa Dawuda la. A nene maŋ kuu jawoo ke i la muumeeke. A ye feŋ-wo-feŋ ke ite ye nuŋ, wo keta i ye maakoyiri baa le ti.