Yeremiya 14:6 - Mandinka Bible

⁶ Wulakono faloolu ka loo santo konko dapewolu to, ì ka i niijii ko kunkuwuloolu, ì ñaalu ka kori, bari ì buka ñaama je.”

Yeremiya 14:6 ပူးပေါင်းရင်းမြစ်များ

Yeremiya 2:24

komeŋ wulakono faloo, a be kosiri ñiniŋo la, ka foñoo fee a nuŋo la taariŋ. Jumaa le si a la jaraboo daŋ noo? Mennu be lafiriŋ a la, ì kana ì faŋ batandi. A kosi waatoo kono, ì be a soto la le.

Yoweli 1:18

Beeyaŋolu ŋuntaŋñaa! Ninsi koorewolu ka yaayi, kaatu ì maŋ daañini dulaa soto, hani saajii koorewolu faŋo be toorariŋ.

Niikuyaa Suukuwolu 5:17

Ǹ sondomoolu faŋo kono, ǹ jikilateyita le, ñiŋ kuwolu kamma, kumboo ye ǹ ñaalu dibindi.

Niikuyaa Suukuwolu 4:17

Woyi nte! Ǹ tuta maakoyiroo koto fele la le, fo ǹ ñaalu korita. Ŋà koto feleroo ke banku le la meŋ maŋ ǹ tankandi noo.

1 Samuweli 14:29

Yonatani ko, “M faamaa ye bankoo bee le toora. A juubee, n semboo muruta naŋ ñaameŋ, kabiriŋ ŋa ñiŋ liindiŋo nene.

Yesaya 32:14

Mansabuŋo kenseŋo le be tu la jee, saatee duuriŋo ye tara kiideeriŋ. Tatoo niŋ kantari buŋo be ke la daafeŋolu la dinkiraa le ti fo abadaa. Faloolu si i bidibidi jee, a ye ke beeyaŋolu ye daañini dulaa ti,