Yeremiya 14:19 - Mandinka Bible

¹⁹ Yahuuda moolu ko, “Yaawe, fo i ye i koo dii Yahuuda la le fereŋ? Fo ite ñewunta Siyoni* la le baŋ? Muŋ ne ye a tinna i ye m̀ busa jawuke, fo a ye a tinna ǹ te kendeyaa noo la? Ǹ tarata n yillaariŋ kayiroo le la, bari a fele, maasiiboo doroŋ, ŋà n yillaa jaaraloo la, bari kuu kende maŋ naa ǹ ye.

Yeremiya 14:19 ပူးပေါင်းရင်းမြစ်များ

Niikuyaa Suukuwolu 5:22

Fo duŋ, i ye i koo dii ǹ na le fereŋ, fo i la kamfaa maŋ dandulaa soto baŋ?

Yeremiya 8:15

Ŋà n yillaa kayiroo le la, bari kuu kende maŋ naa ǹ ye, ŋà n yillaa jaaraloo la, bari a fele, maasiiboo doroŋ.

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

Yeremiya 6:30

Ì ka ì kumandi neebuu nafantaŋo le la, kaatu nte Yaawe ye n koo dii ì la le.”

Yeremiya 30:13

Moo te jee meŋ si loo ali la kuwo la, boori te ali la dimiŋo la, jaarañaa te ali la.

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Yeremiya 12:8

M faŋo la tomboŋ moolu keta n ye le komeŋ jatoo sutoo kono, ì ye ì kaŋo bula ka bumbuŋ n kaŋ. Wo kamma la ŋa ì koŋ ne.

Jabuuroolu 78:59

Tuma meŋ Alla ye ì fokaŋo moyi, a kamfaabaata le, fo a ye i bo Banisirayila to fereŋ.

Yuuba 30:26

Ŋa n yillaa kayiroo le la, bari kooroo le naata n kaŋ. M be maloo ñinoo kaŋ, diboo naata n kaŋ.

Niikuyaa Suukuwolu 4:17

Woyi nte! Ǹ tuta maakoyiroo koto fele la le, fo ǹ ñaalu korita. Ŋà koto feleroo ke banku le la meŋ maŋ ǹ tankandi noo.

Niikuyaa Suukuwolu 2:13

N Dimmusuriŋ Yerusalaamu, n kanuntewo, n si muŋ ne fo noo i ye, ka i la kuwo misaali? Ite Dimmusuriŋ Siyoni, n si i la kuwo niŋ muŋ ne laa ka i sabarindi? I la baramoo diinonta le ko fankaasoo, jumaa le si i jaara noo?

Yeremiya 15:1

Bituŋ Yaawe* ko n ye ko, “Hani niŋ Annabilayi Musa niŋ Annabilayi Samuweli le loota n ñaatiliŋo la ka n daani ñiŋ moolu la kuwo la, n te balafaa la ì ye. Ì bayi ì ye bo n ñaa koto, ì ye taa jana!

Yeremiya 8:22

Fo boori te Kileyadi kono baŋ? Fo jaaralilaa te jee baŋ? Muŋ ne ye a tinna n na moolu maŋ jaaraloo soto, ka ì la baramoo kendeyandi?

Yeremiya 7:29

“Yerusalaamunkoolu, ali ali kuntiñoo lii ka a fayi, saŋakumboo kamma la. Ali saŋawoosiyo ke konkoolu santo. Kaatu Yaawe ye alitolu ñiŋ jamaanoo moolu bula le, a ye a koo dii ali la, aduŋ a be kamfaariŋ ali kamma le.”

Jabuuroolu 89:38

Bari saayiŋ Maariyo, i kamfaata i la tomboŋ mansa kamma le, i ye a bula ka i koo dii a la.

2 Taarika 36:16

Bari ì tarata Alla la annabiyomoolu ñaawali la, ka i baŋ a la kumakaŋolu la. Ì ka a la annabiyomoolu jele fo a la kamfaa warata ì kamma, fo labaŋo ì maŋ kanadaa soto noo.

Yeremiya 12:7

Yaawe ko: “Ŋa n na dimbaayaa Banisirayila bula le, ŋa n koo dii m faŋo la tomboŋ moolu la. Ŋa mennu kanu n niyo la, ŋa ì duŋ ì jawoolu bulu le.

Mika 1:12

Maroti moolu niŋ kijateyoo le be siiriŋ, ì be maakoyiroo batu kaŋ, baawo Yaawe fele, a ye maasiiboo boyi Yerusalaamu kaŋ, a futata a dundaŋ daa faŋo le to.

Kuma Kotoomaalu 29:1

Ì ka moo meŋ yaamari waati-wo-waati, hani wo a buka i lamoyi, jee niŋ jee a si kasaara, a la haajoo te jaara noo la kotenke.

Yeremiya 30:12

Yaawe ye ñiŋ ne fo ko: “Ali la dimiŋo te jaara noo la, ali la baramoo te kendeyaa la noo.

Yeremiya 51:5

M maŋ n koo dii Banisirayila niŋ Yahuuda la, nte Yaawe Alihawaa Maariyo*, ì la Alla, ì la bankoo be faariŋ ì la junube kuwolu la ñaa-wo-ñaa, ì ye mennu ke nte Banisirayila la Senuŋ Baa la.”

Niikuyaa Suukuwolu 2:22

Yaawe ye n jawoolu kumandi n kaŋ karoo bee la, ko mennu ka naa feeti luŋo le to. A la kamfaa waatoo la, moo maŋ kana ka tu baluuriŋ. Ŋa diŋolu mennu yeŋyeŋ, ka ì kuluu, n jawoo naata a ye ì faa.