Yeremiya 11:15 - Mandinka Bible

¹⁵ A ko: “Ñiŋ moolu mennu mu n na kanu moolu ti, ì maŋ kaŋ soto kotenke ka tara m Batudulaa Buŋo* kono, kaatu ì ye kuu kuruŋ jamaa le ke. Fo ì ye a miira ka laahidi n ye, aniŋ ì la beeyaŋ sadaalu* suboo, wolu le be ì la kasaaroo baayi la? Niŋ ì ye ì la kuu kuruŋolu ke fokabaŋ, ì ka naa seewoo.

Yeremiya 11:15 ပူးပေါင်းရင်းမြစ်များ

Kuma Kotoomaalu 2:14

kuu jawu kewo ka mennu kontaani, aniŋ mennu ka seewoo, niŋ kuu kuruŋo be keriŋ,

Titus 1:15

Feŋo bee seneyaata moo le ye, meŋ seneyaata, bari feŋ maŋ seneyaa moo kosoriŋolu niŋ lannabaloolu ye, kaatu ì hakiloolu niŋ ì sondomoolu bee nakarita le.

Yankuba 4:16

Bari saayiŋ, ali ye ali la faŋ waroo ke kibiri kuwo le ti! Wo kibiri siifaa bee mu kuu jawoo le ti.

1 Korintinkoolu 13:6

A buka seewoo jenkoo la, bari a ka seewoo tiliŋo le la.

Roomankoolu 11:28

Baawo Yahuudoolu balanta kibaari betoo la le, ì naata ke Alla jawoolu ti alitolu la kuwo kamma la. Bari baawo Alla ye itolu le tomboŋ, itolu keta Alla kanuntewolu le ti ì mumuñolu la kuwo kamma la.

Luka 8:28

Kabiriŋ a ye Yeesu je, a wuurita, a ye i fayi Yeesu siŋolu to, a sarita santo ko, “I be muŋ ne ke la nte la, Yeesu, Alla Mansa Tallaa Dinkewo? Ŋa i daani, kana n toora.”

Matiyu 22:11

“Bari kabiriŋ mansakewo naata ka luntaŋolu juubee, a ye kewo je jee, meŋ maŋ maañoobiti feŋolu duŋ.

Hoseya 3:1

Yaawe* ko n ye kotenke ko, “Taa, i ye musoo kanu meŋ mu jeenelaa ti, a ye tuluŋñoo soto. A kanu ko nte Yaawe ye Banisirayilankoolu kanu ñaameŋ, ì ka bula alla koteŋolu nooma ñaa-wo-ñaa, ì ka wayini* yiridiŋ jaaroo bo ì ye sadaa* ti.”

Yeremiya 15:1

Bituŋ Yaawe* ko n ye ko, “Hani niŋ Annabilayi Musa niŋ Annabilayi Samuweli le loota n ñaatiliŋo la ka n daani ñiŋ moolu la kuwo la, n te balafaa la ì ye. Ì bayi ì ye bo n ñaa koto, ì ye taa jana!

Yeremiya 12:7

Yaawe ko: “Ŋa n na dimbaayaa Banisirayila bula le, ŋa n koo dii m faŋo la tomboŋ moolu la. Ŋa mennu kanu n niyo la, ŋa ì duŋ ì jawoolu bulu le.

Yeremiya 3:14

Yaawe ye ñiŋ ne fo ko, “Ali muru naŋ, alitolu diŋ muritiriŋolu, kaatu nte le mu ali Maarii ti. M be ali tomboŋ na le ka ali murundi naŋ ali janjanta daamennu to. M be kiliŋ bondi la naŋ saatee-wo-saatee le, ka fula bondi naŋ kaabiila-wo-kaabiila, ka ali naati Siyoni*.

Yeremiya 3:8

A ye a je le ŋa Banisirayila bula, ka a kaŋo dii a la ko bulamusoo. Hani wo, musu kaatibaloo meŋ mu Yahuuda ti, maŋ sila, a fanaa taata a ye cakayaa maañaa ke.

Yeremiya 2:2

n si taa Yerusalaamu, ŋa kankulaaroo ke, ì tuloolu ye a moyi ko: “Yaawe hakiloo muruta le, Banisirayila foroyaata ñaameŋ biriŋ a be dindiŋ, a maañoo kutamaa ye Yaawe kanu ñaameŋ. A bulata a nooma keñewuloo* kono le, wo banku senebaloo.

Yesaya 50:1

Yaawe* ye ñiŋ ne fo ko: “Futuubaŋ kayitoo lee, ŋa ali baamaa niŋ meŋ bula? Fo ŋa juloo le taa moo bulu, n ñanta ali waafi la meŋ yaa, ka n na juloo joo? Ali la junuboo le ye a tinna ŋa ali waafi, ali la boyidaalu ye a tinna ŋa ali baamaa bayi.

Kuma Kotoomaalu 28:9

Moo-wo-moo balanta ka luwaa nooma, hani a la duwaa faŋo konta le.

Kuma Kotoomaalu 26:18

Ko niŋ ñaamaatoo be taalamaa kuntoo, waraŋ moofaaraŋ kalabeñoo fayi kaŋ,

Kuma Kotoomaalu 21:27

Moo kuruŋo la beeyaŋ sadaa* konta le, sako niŋ a maŋ a bondi niŋ ŋaniya senuŋo la.

Kuma Kotoomaalu 15:8

Moo jawoo la sadaa* mu Yaawe tanoo le ti, bari a ka seewoo le, ka moo tilindiŋo la duwaa muta.

Kuma Kotoomaalu 10:23

Toolewo ka niidiyaa soto kuruŋyaa le kono, bari moo meŋ ye fahaamuroo soto, ñaameŋ kuwo ka wo seewoo le.

Jabuuroolu 50:16

Bari Alla ye ñiŋ ne fo moo kuruŋolu ma ko: “Muŋ ne ye a tinna ali ka n na yaamaroolu fo ali kuŋ fee, waraŋ ka n na kambeŋo fo ali daalu la?

Jabuuroolu 60:5

Ǹ na duwaa jaabi, ǹ kiisa i ye ǹ deemaa ka bo niŋ i bulubaa buloo la, ñiŋ kamma la i la kanu moolu si tanka.

Yeremiya 13:27

Ŋa i la kuu ñewundiŋolu le je, i la jeenoo niŋ sabatibaliyaa, aniŋ i la cakayaa maañaa, konkoolu kaŋ aniŋ kenoolu kono taariŋ. Ite Yerusalaamu, kooroo be i ye! Janniŋ waati jumaa le ite be seneyaa noo la?”

Yeremiya 23:11

Yaawe ko: “Annabiyomoolu niŋ piriisoolu* bee mu Alla sookilaalu le ti, hani m Batudulaa Buŋo* kono ŋa ì la kuu kuruŋolu je jee le.” Yaawe le ye a fo.