Yeremiya 10:5 - Mandinka Bible

⁵ Ì la jalaŋolu ka munta le juburulaŋo kunku buloolu to, ì buka diyaamu noo fereŋ. Fo niŋ moo ye ì sika ka ì samba, ì buka taama noo. Ali kana sila ì la, kaatu ì buka kuu jawu ke noo moo la, sako kuu kende.”

Yeremiya 10:5 ပူးပေါင်းရင်းမြစ်များ

Yesaya 46:7

Ì ka a landi ì dabakunkuŋolu le kaŋ, ì ye a samba a taradulaa to, a ye tara looriŋ jee, a te bo noo la a noo to. Ì si duwaa daani a yaa, bari a buka ì danku, a te ì bondi noo la ì la bataalu kono.

1 Korintinkoolu 12:2

Ali ye a loŋ ne ko, biriŋ ali mu Alla lombaloolu ti nuŋ, jalaŋ mumunewolu le ye ali filindi ko ì lafita a la ñaameŋ.

1 Korintinkoolu 8:4

Domoroo la kuwo to, meŋ diita jalaŋolu la, ŋà a loŋ ne ko, jalaŋo maŋ ke feŋ ti duniyaa kono, aduŋ Alla koteŋ te keriŋ fo kiliŋ.

Habakuki 2:19

Kooroo be ali ye, alitolu mennu ka a fo doko jaaroo ye ko, ‘Wuli,’ ali ka a fo bere jaaroo ye ko, ‘Loo.’ Wolu si muŋ ne yitandi noo ali la? Ì muuta sanoo la ñaa-wo-ñaa, aniŋ kodiforoo, hani wo bee maŋ ì ke niilamaa feŋ ti.”

Yesaya 46:1

Beli niŋ Nebo, Babiloni jalaŋolu jimita le, ì maluriŋo boyita. Ì tarata laariŋ beeyaŋolu le kaŋ, ka ì samba. A keta ì ye duni baa le ti meŋ ye ì batandi.

Yesaya 45:20

Yaawe ko: “Alitolu keleborilaalu, mennu bota banku doolu to, ali beŋ dulaa kiliŋ ali ye kata naŋ. Mennu ka yiri kuntoolu muta ì la jalaŋolu ti, ì niŋ ì ka tu taa la taariŋ, wolu maŋ feŋ loŋ. Ì ka duwaa ñini batufeŋo le bulu, meŋ te tankandiri ke noo la.

1 Mansoolu 18:26

Wo le to ì ye ninsoo ñiŋ taa ì ye meŋ samba ì ye naŋ, ì ye a bee parendi. Bituŋ ì ye Baali jalaŋo too kumandi kabiriŋ soomandaa fo tilibuloo. Ì be wuuri la ka a fo ko, “Baali, ntolu danku!” Bari dankuru maŋ ke, aduŋ moo maŋ ì jaabi. Ì tarata i doŋ kaŋ, ì be sawuŋ-sawuŋ kaŋ ka muruŋ-muruŋ sadaabodulaa* la ì ye meŋ dadaa.

Yeremiya 10:14

Ate ñaa la, hadamadiŋo bee le mu hakilintaŋo ti, ì maŋ londi soto. Wo tunkannaalu meŋ-wo-meŋ ka malu le, a la jalaŋolu kamma la, kaatu tunkannaalu la batufeŋolu mu kenseŋ ne ti, niijii foño te ì kono.

5 Musa 4:28

Jee to, ali be jalaŋolu batu la le, hadamadiŋo buloo ye mennu dadaa yiroo niŋ beroo la. Ì buka moyiroo ke waraŋ ka jeroo ke, ì buka feŋ domo noo waraŋ ka feŋ seeroo taa.

2 Taarika 25:15

Yaawe kamfaabaata Amasiya kamma, bituŋ a ye annabiyomoo kii a kaŋ, meŋ ko a ye ko, “Muŋ ne ye a tinna ì ka alloolu batu, mennu maŋ hani ì faŋolu la moolu tankandi noo i ma?”

Yesaya 16:12

Mowabinkoolu ka taa batudulaa tintiŋo* to taariŋ fo ì bataata. Ì taata ì la jalambuŋolu to duwaa la ñaa-wo-ñaa, a te feŋ jaara la ì ye.