Yeremiya 10:20 - Mandinka Bible

²⁰ N na tiriliisoo* kasaarata, a juloolu bee kuntuta. N diŋolu bota m bala ka taa, n te ì je la kotenke. Hani kiliŋ maŋ tu jee ka n na tiriliisoo wanka, waraŋ ka a ridoolu deŋ.”

Yeremiya 10:20 ပူးပေါင်းရင်းမြစ်များ

Yeremiya 4:20

Kasaaroo be looriŋ ñoo nooma, bankoo bee burukata le ka kenseŋyaa. Kataba kiliŋ n na tiriliisoolu* kasaarata, n na suturadulaa keta wo ti, waati kiliŋ.

Yeremiya 31:15

Yaawe ye ñiŋ ne fo ko: “Kumboo kaŋo moyita Rama le, saŋakumboo aniŋ woosii baa. Raheli be a diŋolu kumboo kaŋ. A balanta ka sabari, kaatu ì te keriŋ kotenke.”

Yesaya 54:2

“I la tiriliisi* loodulaa fanundi, i ye a faanoolu waree ì ye fanu, kana tonkutonku, a juloolu jamfandi, i ye a pikaloolu bambandi.

Niikuyaa Suukuwolu 1:5

Ee ite! Siyoni konnantewolu keta a la kuntiyo ti, a jawoolu sawoo loota a la, kaatu Yaawe* le ye mantooroo laa a kaŋ, a la junuboolu la siyaa kamma. A la dindiŋolu taata mutoo kono, ì konnantewolu ye ì samba.

Yesaya 51:16

Nte le ŋa n na kumoo duŋ ali daa, ŋa m buloo biti ali kaŋ ka ali tanka. Nte le ye saŋ fatoolu ke ì dulaa to, ŋa bankoo fondamaŋo laa, n ko Siyoninkoolu ye ko, ‘Alitolu le mu n na moolu ti.’ ”

Kuma Kotoomaalu 12:7

Moo kuruŋolu be kasaara la le, ì te tara la keriŋ kotenke, bari moo tilindiŋolu niŋ ì la dimbaayaalu ka tara bambandiŋ ne.

Yuuba 7:8

Alla, i ñaa be n na le saayiŋ, bari a te mee la, i te n je la kotenke. Niŋ i ye n na kuwo juubee, i be a tara la, nte maŋ tara keriŋ.

Yesaya 51:18

Yerusalaamu, i ye diŋolu mennu bee wuluu, moo te ì kono, meŋ si i kanta noo. Moo te jee dindiŋolu bee kono, i ye mennu kuluu, meŋ si i buloo muta noo ka i maakoyi.

Mika 2:9

Ali ye n na moolu la musoolu bayi ka bo ì la buŋolu kono, ì niiseewoo dulaalu. Ali ye n na neemoo buusi ì diŋolu la burayi.

Yeremiya 30:17

M be ali murundi la jaatikendeyaa to le, ŋa ali la dimiŋolu jaara.” Yaawe le ye a fo. “Kaatu ì ka ali wulubayi le ka a fo ko, Siyoni* moolu le mu, moo daa te mennu la kuu to.”