Yeremiya 10:14 - Mandinka Bible

¹⁴ Ate ñaa la, hadamadiŋo bee le mu hakilintaŋo ti, ì maŋ londi soto. Wo tunkannaalu meŋ-wo-meŋ ka malu le, a la jalaŋolu kamma la, kaatu tunkannaalu la batufeŋolu mu kenseŋ ne ti, niijii foño te ì kono.

Yeremiya 10:14 ပူးပေါင်းရင်းမြစ်များ

Yeremiya 10:8

Ì bee mu hakilintaŋolu niŋ toolewolu le ti, wo jalaŋ fuuriŋolu la karandiroo, yiri kenseŋo!

Yesaya 42:17

Bari mennu ye ì jikoo loo jalaŋolu kaŋ, mennu ka a fo ì ye ko, ‘Alitolu le mu ǹ na alloolu ti,’ ì niŋ maloo le be muru la ì koo la.”

Yesaya 45:16

Jalaŋ dadaalaalu bee be tara la maloo niŋ dooyaa le kono.

Jabuuroolu 97:7

Moolu mennu ka jalaŋ kenseŋolu batu, ì ka kibiri ì la, wolu be malu la le. Jalaŋolu bee ka boyi Yaawe ñaatiliŋo la le.

Yesaya 44:11

Ate niŋ a ñoŋolu bee be malu la le. Jalaŋ tunkannaalu fanaa maŋ ke feŋ ti fo hadamadiŋolu. Ì bee kafuriŋo be loo la le, ì kijoo ye ì fara, aduŋ ì be tara la dooyaa le kono.

Jabuuroolu 14:2

Yaawe* ka hadamadiŋolu juubee naŋ duuma le ka bo Arijana, ka a je fo moolu be jee le mennu ñaamenta, mennu ka a ñini.

Jabuuroolu 92:6

Toolewo te loŋ ke la, aduŋ hakilintaŋo te fahaamuru ke la ko:

Jabuuroolu 94:8

Alitolu mennu keta moo bee hakilintaŋo ti, ali ali hakilitu. Toolewolu, muŋ tuma le ali be ñaameŋ na?

Kuma Kotoomaalu 30:2

Nte le hakiloo kuyaata moolu bee ti. M maŋ hadamadiŋolu la fahaamuroo soto noo.

Roomankoolu 1:25

Ñiŋ keta le, kaatu ì ye Alla la tooñaa kuwo faliŋ faniyaa le la. Ì sujudita feŋolu ye, mennu daata, bari ì ye ì koo dii Daamansoo faŋo la le, jayiroo be meŋ ye fo abadaa! Amiin.

Yeremiya 10:5

Ì la jalaŋolu ka munta le juburulaŋo kunku buloolu to, ì buka diyaamu noo fereŋ. Fo niŋ moo ye ì sika ka ì samba, ì buka taama noo. Ali kana sila ì la, kaatu ì buka kuu jawu ke noo moo la, sako kuu kende.”

1 Samuweli 5:4

Bari wo saamoo soomandaa kabiriŋ ì wulita, ì ye a tara Dakoni be boyiriŋ a ñaadaa kaŋ bankoo to Alla la Kambeŋ Kunewo ñaatiliŋo la kotenke. A kuŋo niŋ a buloolu bee kunturiŋo be laariŋ bundaa kuŋo to, a baloo dammaa le tuta jee.

Yesaya 57:12

Saayiŋ m be i la baaroolu waañaari la le, i ye mennu miira ko kuu tilindiŋolu le mu. Hani kiliŋ te tara la ñinnu kono meŋ si i nafaa.