Yankuba 5:20 - Mandinka Bible

²⁰ wo maarii si a loŋ ko, meŋ ye junubelaa bondi filoo kono, a ye a niyo tankandi badaa-badaa saayaa ma le, aduŋ a be junube jamaa le kafaroo saabu la a ye.

Yankuba 5:20 ပူးပေါင်းရင်းမြစ်များ

1 Pita 4:8

Aduŋ meŋ kummaayaata kuwolu bee ti, ali ñoo kanu, ali ye tu looriŋ wo kaŋ, baawo kanoo le ka a tinna, yamfoo ka ke junube jamaa la.

Kuma Kotoomaalu 10:12

Konnanteeyaa ka sonkoo le kurukuru, bari kanoo ka a ñaa laa kuu kuruŋolu kaŋ ne.

1 Timoti 4:16

I faŋo koroosi, aniŋ i la karandiroo. Ñiŋ kuwolu muta bulu fula la, kaatu niŋ ì ye wolu ke, i be i faŋo tankandi la le, aniŋ moolu mennu ye i la kumoolu moyi.

Roomankoolu 11:14

fo n si m baadiŋ Yahuudoolu kiiliyandi, meŋ si a tinna ì doolu si kiisa noo.

Kuma Kotoomaalu 11:30

Moo tilindiŋo sotofeŋo mu baluwo yiroo le ti, bari fitinoo ka moofaa le saabu.

Yankuba 5:19

M baadiŋolu, niŋ moo-wo-moo filita ali kono ka bo tooñaa siloo kaŋ, moo doo naata a murundi naŋ tooñaa siloo kaŋ,

Yankuba 1:15

Ñiŋ hame kuu jawoo be le ko fiifeŋ kesoo, aduŋ niŋ a ye kenoo soto ka faliŋ, a ka junuboo le wuluu. Aduŋ niŋ junuboo falinta fo a menta, a ka saayaa le diŋ.

1 Korintinkoolu 9:22

N keta sembentaŋo le ti moolu ye, mennu maŋ semboo soto, fo n si ì naati noo Kiristu kaŋ. N keta feŋo bee le ti moolu bee ye fo a si ke ñaa-wo-ñaa, n si doolu kiisandi noo.

Kuma Kotoomaalu 11:4

Naafuloo te nafaa soto la Alla la kamfaa luŋo, bari tiliŋo si moo tanka noo saayaa ma le.

Jabuuroolu 32:1

Seewoo be moo le ye, yamfa keta meŋ na junuboolu la, meŋ na hakoo tuutuuta.

Yohana 5:24

“Tooñaa-tooñaa, m be a fo la ali ye, moo meŋ ye n na kumoo moyi, aduŋ a laata Alla la, meŋ ye n kii, wo maarii ye badaa-badaa baluwo soto le. Aduŋ a te naa la kiitiyo to, bari a tambita le ka bo saayaa to ka taa baluwo to.

Kuma Kotoomaalu 10:2

Naafuloo meŋ sotota tilimbaliyaa kono, maŋ nafaa soto, bari tiliŋo si moo niyo tankandi noo le.

Filemoni 1:19

Nte Pawulu ye ñiŋ safee m faŋo buloo le la: M be i joo la le. M maŋ lafi ka i hakiloo bulandi ko, ite fanaa ye n donto, hani i faŋo la baluwo la le.

Lankenemoo 20:6

Barakoo be moo senuŋolu le ye, mennu ye ì niyo soto ñiŋ saayaakoolaa wulindiri foloo to. Saayaa fulanjaŋo maŋ semboo soto wolu kaŋ, bari ì be ke la Alla niŋ Kiristu la piriisoolu* le ti, aduŋ ì niŋ Kiristu be maraloo ke la le fo sanji wuli kiliŋ.

Kuma Kotoomaalu 17:9

Moo meŋ ka yamfa moolu ye, ka teeriyaa le bambandi, bari meŋ ka kuma kotoo seyinkaŋo ke, ka teeri sutuŋolu la teeriyaa le tiñaa.

1 Korintinkoolu 1:21

Alla ye a la ñaameŋo yitandi le, bari duniyaa moolu maŋ Alla loŋ noo niŋ ì la ñaameŋo la. Wo kamma la Alla kontaanita le ka moolu kiisa, mennu laata, ka bo niŋ ntolu la tooleeyaa kawandoo la.

Yankuba 1:21

Wo kamma la, ali fata kuu nooriŋolu bee la, aniŋ kuruŋyaa siifaa bee. Ali soŋ Alla la kumoo ma, sooneeyaa bee kono. Wo mu kumoo le ti, meŋ fiita ali sondomoolu kono, aniŋ meŋ si ali kiisandi noo.

Yankuba 5:15

Duwaa meŋ keta lannoo kono, wo ka saasaatoo kendeyandi le, aduŋ Maariyo be a wulindi la le. Niŋ a ye junube kuwolu ke, a be yamfa la a ye le.