Yankuba 4:12 - Mandinka Bible

¹² Luwaa londilaa kiliŋ doroŋ ne be keriŋ, aduŋ Kiitindirilaa kiliŋ doroŋ ne sotota. Ate doroŋ ne ye kaŋo soto ka moo kiisa, waraŋ ka a kasaara. Saayiŋ, ite mu jumaa le ti ka i siiñoo kiitindi?

Yankuba 4:12 ပူးပေါင်းရင်းမြစ်များ

Roomankoolu 14:4

Jumaa le mu ite ti ka moo doo la dookuulaa kiitindi? Fo wo dookuulaa be sila le kaŋ baŋ, waraŋ fo a boyita, a maarii le si wo fo noo. Bari a be tara la siloo kaŋ ne, kaatu Maariyo be a londi la siloo kaŋ ne.

Roomankoolu 2:1

Wo kamma la, i maŋ kanadaa soto, hani ite mu muŋ moo le ti. Niŋ i ka moo doo kiitindi, i ka i faŋo le halaki, baawo i ka kiitiyo ke kuwolu mennu la, i faŋo ka wo kuu kiliŋolu le ke.

Matiyu 10:28

Ali kana sila moolu la, mennu si balajaatoo faa noo, bari ì te niyo faa noo la. Bari ali si sila Alla la, meŋ si niyo niŋ balajaatoo bee kasaara noo Jahannaba kono.

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

Yankuba 5:9

Baadiŋolu, ali kana ñoo la kuwo ŋunuŋunu, fo ali kana kiitindi. A juubee, kiitiikuntulaa be looriŋ daa to le fokabaŋ.

Hiburunkoolu 7:25

Wo le ye a tinna a ka moolu kiisa noo, mennu ka sutiyaa Alla la ka bo niŋ ate la, baawo a be baluuriŋ ne fo abadaa ka duwaa ì ye.

Roomankoolu 14:13

Wo to, ali ŋà fata ñoo kiitindoo la. Wo noo to, ǹ si kumoo kuntu ko, ǹ nene te feŋ ke la, meŋ si ke takiŋ-takiŋ beroo waraŋ kalewo ti m̀ baadiŋo ye ka a boyindi.

Roomankoolu 9:20

Bari ite, hadamadiŋo, jumaa le mu ite ti ka kumoo murundi Alla kaŋ? Fo meŋ daata si a fo noo a daalaa ye ko, “Muŋ ne ye a tinna i ye n daa teŋ?”

Luka 12:5

Bari m be ali dandalaa la, ali ñanta sila la meŋ na. Ali sila Alla la, ate meŋ ye semboo soto ka ali faa, aduŋ a ye semboo soto le ka ali fayi Jahannaba kono. Ŋa a fo ali ye, ali sila Alla la!

Yuuba 38:2

Ite ye i faŋ miira jumaa le ti, i be diyaamu la, londi te i bulu, ka sika n na feere landiriŋolu la?

1 Samuweli 25:10

Nabali ye Dawuda la dookuulaalu jaabi ñiŋ ne la ko, “Jumaa le mu ñiŋ Dawuda ti? Jumaa le mu ñiŋ Yese dinkewo ti? Ñiŋ luŋolu kono joŋ jamaalu le ka bori ì la keebaalu koto, ì ye tara ì faŋolu ye.