Yankuba 3:2 - Mandinka Bible

² Ntolu bee ka boyi kuu jamaa le to. Niŋ moo-wo-moo buka boyi kumoolu kono, a ka mennu fo, wo maarii timmata le, aduŋ a si a baloo bee mara noo le.

Yankuba 3:2 ပူးပေါင်းရင်းမြစ်များ

Yankuba 1:26

Niŋ moo-wo-moo ye a faŋo muta diina moo ti, bari a buka a neŋo mara noo, a ka a faŋo le neenee, aduŋ a la Alla batoo maŋ jari feŋ na.

Kuma Kotoomaalu 13:3

Moo meŋ ka a fokumoo loŋ, ka a niyo le tankandi, bari moo meŋ ka kumoo fo a kuŋ fee, ka kasaara le.

1 Pita 3:10

Kaatu a be safeeriŋ ne ko: “Jumaa le ye baluwo kanu ali kono? Jumaa le ka tara ñaaniriŋ baluu diimaa la? Wo maarii si a neŋo fatandi kuma jawoo ma, a ye fata faniyaa foo ma.

Matiyu 12:37

Kaatu i la kumoolu le be i tilindi la, aduŋ i la kumoolu le be i halaki la.”

Jabuuroolu 34:13

Wo to i maarii si i neŋo fata kuma jawoo ma, i ye fata faniyaa foo ma.

Kuma Kotoomaalu 20:9

Moo-wo-moo te ñiŋ fo la noo ko, “N ŋaniyoo seneyaata le, m maŋ junube soto.”

Kawandilaa 7:20

A be koyiriŋ ne lewu ko, moo tilindiŋo maŋ soto ñiŋ duniyaa kono, meŋ ka kuu betoo doroŋ ke, a nene maŋ junube kuu ke.

Roomankoolu 3:10

ko a be safeeriŋ ñaameŋ: “Moo te keriŋ, meŋ tilinta, hani moo kiliŋ.

Yankuba 1:4

Ali la wakiiloo si yiriwaa ka bo wo siloo la fo ali si ke moolu ti, mennu menta, aduŋ ì timmata. Wo to le ali te dasa la feŋ na.

1 Mansoolu 8:46

“Ì si junuboo ke noo i la, kaatu moo te keriŋ meŋ buka junuboo ke. I kamfaatoo si ì duŋ noo ì jawoolu bulu. Ì jawoo si ì muta noo le ka ì samba a faŋo la bankoo kaŋ, fo dulaa sutuŋ waraŋ dulaa jaŋ.

Yankuba 2:10

Kaatu moo-wo-moo ye Luwaa bee muta, bari a naata yaamari kiliŋ tiñaa a kono, wo maarii ye Luwaa bee le tiñaa.

Yesaya 64:6

Ntolu bee keta moo seneyaabaloolu le ti. Ǹ na baara kendoolu ka muluŋ ne ko funtu nooriŋolu. Ǹ na junuboolu le ye a tinna m̀ munta ko jamba nororiŋolu, foñoo ka mennu tindi.

1 Korintinkoolu 9:27

bari ko kurupeñelaa ka a faŋo kuluu ñaameŋ, n ka m balajaatoo kuluu wo le ñaama ka a la hame kuwolu bayi. Niŋ wo nte, n na doolu kawandiriŋ koolaa, nte faŋo daa si bo kañeerifeŋo ñoosaboo to.

Hiburunkoolu 13:21

Allamaa Alla ye ali parendi niŋ a la soorifeŋ betoolu la, fo ali si a la lafoo ke. A ye ali ke moolu ti, mennu la kuwo si a seewondi. A si a ke ka bo niŋ Yeesu Kiristu la, tenturoo niŋ jayiroo be meŋ ye fo abadaa. Amiin.

Kolosankoolu 4:12

Epafaras meŋ mu ali faŋolu la moo ti, aniŋ Kiristu Yeesu la dookuulaa, be ali kontoŋ na. A ka tu duwaa la ali ye le doroŋ a sondomoo bee la, fo ali si meŋ ka yiriwaa ali la lannoo kono, aniŋ ali si dankeneyaa kendeke Alla la lafoo bee to.

Kolosankoolu 1:28

Ntolu ka ate le la kuwo bankee ka moo-wo-moo dandalaa, aniŋ ka moo-wo-moo karandi ñaameŋo bee la, fo ǹ si moo-wo-moo yitandi ko, ì menta Kiristu kono le.

Kalatiyankoolu 3:22

Bari Kitaabu Senuŋo ye ñiŋ bankee le ko, duniyaa bee be junuboo semboo le koto, fo kiisoo meŋ laahidita si naa moolu ye, mennu laata Yeesu Kiristu la.

Roomankoolu 7:21

Wo to ŋa a je le ko, ñiŋ naata ke kuu le ti, meŋ ye m mara: Niŋ n lafita ka kuu betoo ke, a ka labaŋ n ye kuu jawu kewo le ti.

2 Taarika 6:36

“Ì si junuboo ke noo i la, kaatu moo te keriŋ meŋ buka junuboo ke. I kamfaatoo si ì duŋ noo ì jawoolu bulu ka ì samba mutoo kono banku doo to, fo dulaa sutuŋ waraŋ dulaa jaŋ.

1 Pita 5:10

Alitolu toorata le fo waatindiŋ, bari Alla be ali la kuwo seyindi la a ñaama le. Ate meŋ ka hiinoo bee dii, aduŋ a ye ali kumandi a la badaa-badaa kallankeeyaa to Kiristu kono, ate le be ali fatiyandi la, a ye ali sembentuŋyaa, aniŋ a ye ali londi fondamaŋ bambandiŋo kaŋ.

Kalatiyankoolu 5:17

Kaatu wo hame kuwolu ka Nooroo le soosoo, aduŋ Nooroo fanaa ka wo hame kuwolu soosoo le. Ñiŋ kuu fuloo ka balaŋ ñoo ma le, meŋ ka a tinna, ali buka kuwo ke noo, ali lafita meŋ ke la.

Jabuuroolu 39:1

N ko m faŋ ye ko, “M be n hakilitu la n kekuwolu to le, ŋa n neŋo muta, a kana n duŋ junube kuwo to. M be n daa mara la niŋ karafewo le la, niŋ moo kuruŋolu be n daala.”

Kuma Kotoomaalu 10:19

Niŋ i daa siyaata, junuboo buka foo i la kumoo kono, bari moo meŋ ka a neŋo mara, wo ñaamenta le.

Kuma Kotoomaalu 21:23

Moo meŋ ka a fokumoo loŋ, a ka a neŋo mara, a ka a faŋo tanka maasiiba kuwo ma le.

Matiyu 12:34

Alitolu daŋari koorewo! Alitolu moo jawoolu si kuma betoo fo noo ñaadii le? Sondomoo be faariŋ meŋ na, daa ka wo le fo.

3 Musa 13:39

piriisoo ñanta a maarii koroosi la le. Wo tompoolu mennu be a bala, niŋ ì la koyoo nukuŋ mulunta, wo to furuntoo doroŋ ne fintita a bala. A maarii seneyaata le.

Yuuba 15:13

Muŋ ne ye a tinna i be kamfaa la Alla kamma, ka ñiŋ kuma siifaalu bondi i daa kono?