Yankuba 3:18 - Mandinka Bible

¹⁸ Kayiramoolu ye meŋ fii kayiroo kono, wo be tiliŋo diŋ na le.

Yankuba 3:18 ပူးပေါင်းရင်းမြစ်များ

Jabuuroolu 92:14

Hani ì kotoo waatoo la ì ka diŋ ne, ì ka tara faariŋ yiriwaa niŋ kereyaa la.

Kuma Kotoomaalu 11:18

Moo kuruŋo buka a halaaloo soto, bari meŋ ka kuu betoo baara, a la joo ka ke kuu kendoo le ti.

Kuma Kotoomaalu 11:28

Moo-wo-moo ye a jikoo loo a la naafuloo kaŋ, a be kasaara la le, bari moo tilindiŋolu be firiŋ na le ko teŋ firoo.

Kuma Kotoomaalu 11:30

Moo tilindiŋo sotofeŋo mu baluwo yiroo le ti, bari fitinoo ka moofaa le saabu.

Hoseya 10:12

Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

Amosi 6:12

Fo suwoo ka bori noo bere kutukatoolu kaŋ ne baŋ? Fo moo niŋ ninsi senelaalu si senoo ke noo jee baŋ? Ali ye tooñaa yelemandi faniyaa baa ti, ali ye tiliŋo la kuwo kuniyandi tak.

Matiyu 5:9

“Barakoo be kayira sabatindilaalu ye, kaatu ì be kumandi la Alla la dindiŋolu le la.

Yohana 4:36

Moo meŋ ye katiroo ke, wo le ka joo soto. Aduŋ a ka katirifeŋolu kafu ñoo ma le badaa-badaa baluwo ye, fo fiirilaa niŋ katirilaa bee si jusulaa soto ñoo la.

Kalatiyankoolu 6:8

Moolu mennu ka tara bulariŋ ì la niidiyaa kuwolu nooma, wolu ka kasaaroo le kati. Bari mennu ka tara Nooroo la siloo nooma, wolu ka badaa-badaa baluwo le kati meŋ ka soto Nooroo la.

Filipinkoolu 1:11

Ali si faa niŋ tiliŋo la, meŋ ka daajika betoo saabu, ka bo niŋ Yeesu Kiristu la, Alla la horomoo niŋ jayiroo ye.

Hiburunkoolu 12:11

Kuluuri-wo-kuluuri ka dimi le a ke tumoo la, aduŋ moo buka kontaani a la. Bari ñaato, moolu mennu kuluuta, a ka ke kayiroo niŋ tiliŋo tinewo le ti wolu ye.

Yankuba 1:20

kaatu hadamadiŋo la kamfaa buka kuu saabu, meŋ tilinta Alla ñaatiliŋo la.