Yankuba 3:13 - Mandinka Bible

¹³ Jumaa le ye ñaameŋo niŋ fahaamuroo soto alitolu kono? A maarii si a baluuñaa betoo yitandi niŋ a la kebaaroolu la, sooneeyaa kono, meŋ ka soto niŋ ñaameŋo la.

Yankuba 3:13 ပူးပေါင်းရင်းမြစ်များ

Kalatiyankoolu 5:23

sooneeyaa aniŋ faŋ mutoo. Luwaa te keriŋ, meŋ balanta ñiŋ kuwolu la.

Yankuba 3:17

Bari ñaameŋo meŋ bota Alla yaa, foloo-foloo a seneyaata le. Ate ñaameŋo mu kayiroo le ti, mooyaa aniŋ ŋaniya betoo. A be faariŋ balafaa le la, a ka kebaara betoolu diŋ, aduŋ faasaaroo niŋ bunaafayiyaa te jee.

Matiyu 5:5

“Barakoo be moolu ye, mennu ye i fammajii, kaatu ì be duniyaa keetaa la le.

Kolosankoolu 3:12

Wo to, alitolu mennu mu Alla la tomboŋ moo senuŋolu niŋ kanuntewolu ti, ali ali la daajika kutoo duŋ, meŋ mu balafaa ti, mooyaa, fammajiyo, sooneeyaa aniŋ muñoo.

1 Pita 2:12

Ali tu daajika betoo yitandi la Alla lombaloolu kono. Ì ka ali tuumi le ko, ali mu kuu kuruŋ kelaalu le ti, bari niŋ ì ye ali la kebaara betoolu je, ì fanaa si Alla jayi a la naa luŋo la.

Titus 3:2

Ì kana kuma jawoo fo moo-wo-moo ma, waraŋ ka sonka, bari ì si sooneeyaa, aniŋ ka hadamayaa yitandi moolu bee la.

2 Timoti 2:25

Moolu mennu balanta a ma, a ñanta ì la boyidaa yitandi la ì la mooyaa le kono. Tumandoo Alla si siloo dii wolu la le ka tuubi fo ì si naa tooñaa loŋ,

Filipinkoolu 1:27

N na kuwo be labaŋ na ñaa-wo-ñaa, ali maañaa si jari Kiristu la kibaari betoo la. Wo to, fo m be naa ali je la ñaa niŋ ñaa le la baŋ, waraŋ fo m be tu la ali la kuwo le moyi la, m be a moyi la le ko, ali loota bambandinke ŋaniya kiliŋ ne la, noora kiliŋo kono, ka loo ñoo ye lannoo dookuwo kono, kibaari betoo ye.

1 Timoti 6:11

Bari ite meŋ mu Alla la moo ti, bori ñiŋ kuwolu ma. I si hame tiliŋo la, Alla ñaasilaŋo, lannoo, kanoo, wakiiloo aniŋ mooyaa.

Yankuba 2:18

Bari saayiŋ moo doo si a fo noo ko, “Ite ye lannoo le soto, nte ye kebaaroolu le soto.” M be wo maarii jaabi la le ko, “I la lannoo meŋ maŋ kebaaroolu soto, a yitandi n na. Wo koolaa, m fanaa be n na lannoo yitandi la i la le, ka bo niŋ n na kebaaroolu la.”

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

Yankuba 1:21

Wo kamma la, ali fata kuu nooriŋolu bee la, aniŋ kuruŋyaa siifaa bee. Ali soŋ Alla la kumoo ma, sooneeyaa bee kono. Wo mu kumoo le ti, meŋ fiita ali sondomoolu kono, aniŋ meŋ si ali kiisandi noo.

Kawandilaa 8:1

Tooñaa-tooñaa, jumaa le mu moo ñaamendiŋo ti? Jumaa le ka kuwolu laañaa loŋ? Wo le mu moo ti, ñaameŋo ye meŋ ñaadaa malamalandi, a ñaatoŋo diyaata.

Jabuuroolu 107:43

Moo-wo-moo ñaamenta, a si a hakiloo tu ñiŋ kuwolu to, ka i miira Yaawe la kanu bambaloo la.

1 Timoti 4:12

Kana soŋ, moo-wo-moo ye jutu i la, i la dindiŋyaa kaŋ. Bari i si ke misaaloo ti lannamoolu ye kumoolu to, maañaa, kanoo, lannoo aniŋ seneyaa.

2 Korintinkoolu 10:1

Nte Pawulu be ali daani kaŋ ka bo niŋ Kiristu* la mooyaa la, aniŋ a la tenkuŋo. Doolu ka a fo le ko, n ka jooteeyaa le, niŋ m be ali kono, bari n ka fatiyaa le, niŋ n te ali kono.

Matiyu 11:29

Ali n na yookoo* duni aniŋ ali kuwolu karaŋ m bulu, kaatu ŋa tenkuŋo niŋ fammajiyo soto n sondomoo kono le, aduŋ ali niyolu be dahaa la le.

Yankuba 3:1

M baadiŋolu*, ali moo jamaa kana ke karandirilaalu ti, baawo ali ye a loŋ ne ko, ntolu mennu ka karandiroo ke, ǹ na kiitiyo le be koleyaa la ka tambi moo doolu la.

Efesusinkoolu 4:2

Ali si baluu fammajiyo kono, mooyaa aniŋ sooneeyaa, aduŋ ali si muña ñoo ye kanoo kono.

Kalatiyankoolu 6:4

Wo kamma la, moo-wo-moo si a faŋo la kebaaroolu koroosi. Bituŋ a si naa kibiri a faŋo doroŋ na kuwo la, a kana a faŋo niŋ a siiñoo la kuwo tembe,

Kalatiyankoolu 6:1

Baadiŋolu*, niŋ moo-wo-moo jeta ali kono junube kewo la, alitolu mennu be Nooroo la siloo kaŋ, ali si a kuluu, bari ali si a ke mooyaa kono. Ali ali hakiloo tu fo ali faŋolu kana boyi marisa kuwo kono.

2 Korintinkoolu 8:24

Wo kamma la, ali ali la kanoo yitandi ì la, Yeesu la kafoolu ñaatiliŋo la. Ali a yitandi ì la ko, ŋà meŋ kibiri alitolu la kuwo to ì ye, wo maŋ ke kenseŋ ti.

Daniyeli 2:21

Ate le ka waatoolu niŋ jamaanoolu yelemandi, ate le ka mansoolu londi, aduŋ ate le ka ì bondi. Ate le ka ñaameŋo dii, aniŋ londoo.

Matiyu 21:5

“A fo Dimmusuriŋ* Siyoni* ye ko, a juubee, i la mansakewo be naa kaŋ i kaŋ ne! A fammajiiriŋo be seleriŋ faloo le kaŋ, aduŋ falindiŋo, falimusoo diŋo.”

Sefaniya 2:3

Alitolu fammajiilaalu mennu be bankoo kaŋ, ali ka Yaawe la yaamaroolu nooma, ali tenteŋ ka Yaawe la kuwo ñiniŋ. Ali tu hameriŋ ka bula tiliŋo nooma, a niŋ fammajiyo. Fo tumandoo niŋ Yaawe la ñiŋ kamfaa luŋo siita, ali si tu tankoo kono.

Yeremiya 9:12

Jumaa le la ñaameŋo ye a sii ka ñiŋ kuwo bee fahaamu, Yaawe ye a fo jumaa le ye, fo a maarii si a fataŋ-fansi moolu ye? Muŋ ne ye a tinna bankoo bee tumbunta fereŋ, a kenseŋyaata ko keñewuloo, aduŋ moo le faŋo buka tambi niŋ jee la?

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Jabuuroolu 149:4

Yaawe ka kontaani a la moolu la kuwo la le. A ka horomoo dii fammajiilaalu la le ka bo niŋ nooroo la ì jawoolu kaŋ.

Yuuba 28:28

Bituŋ a naata a fo hadamadiŋolu ye ko, “Tooñaa-tooñaa, nte Maariyo ñaasilaŋo, wo le mu ñaameŋo ti, aniŋ ka fata kuu jawu kewo ma, wo le mu fahaamuroo ti.”

4 Musa 12:3

Musa mu fammajiilaa baa le ti. A ye a faŋ jii le ka tambi moo-wo-moo la ñiŋ duniyaa kono.

1 Pita 3:4

bari ali la ñiiñaa si bo niŋ ñarandi kuwolu la, mennu be maaboriŋ ali sondomoo kono, aduŋ ì te kasaara la. Tenkuŋo niŋ mooyaa le mu naafuloo ti, meŋ kummaayaata Alla ñaatiliŋo la.

1 Korintinkoolu 6:5

Ŋa ñiŋ fo le, fo ali si malu. Fo hani moo kiliŋ te alitolu kono, meŋ hakiloo yiriwaata ka kiitiyo kuntu baadiŋolu* teema?

Matiyu 7:24

“Wo kamma la, moo-wo-moo meŋ ye n na ñiŋ kumoolu moyi, aduŋ a ye ì muta, wo ka munta le ko kee ñaamendiŋo, meŋ ye a la buŋo loo beroo kaŋ.

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Yesaya 60:6

Ñonkome koorewolu be i la bankoo bee beŋ na le, Midiyani niŋ Efa ñonkomoolu, ì niŋ ì la marisandiisoolu. Sebankoolu be naa le, ì niŋ sanoo niŋ cuuraayoo, aduŋ ì be tara la nte Yaawe too kankulaa la le, ka a jayi.

Kawandilaa 8:5

Moo-wo-moo ka bula a la yaamaroolu nooma, tana buka wo maarii soto. Moo ñaamendiŋo le ka a waatoo loŋ, aniŋ a keñaa.

Jabuuroolu 45:4

I la kandaayaa kaŋ, i la taamaraŋ suwoo borindi ka nooroo ke, ka tooñaa, fammajiyo, aniŋ tiliŋo taamandi. I be kuu baalu ke la i semboo le la.

Jabuuroolu 25:9

A ka fammajiilaalu kanda tiliŋo le kono, aduŋ a ka ì karandi a la siloo la le.

Hiburunkoolu 13:5

Ali si fata kodilandiyaa la ali la baluwo kono, ali ye wasa feŋo to, ali ye meŋ soto. Kaatu Alla la kumoo be safeeriŋ ne ko: “N nene te bo la i koto, sako n si i bula i faŋ ye.”

Yesaya 29:19

Yaawe be moo toorariŋolu kontaanindi la le kotenke, aduŋ fentaŋolu be seewoo la Banisirayila la Senuŋ Baa la kuwo to le.

1 Pita 1:15

Wo noo to, ali si seneyaa ali maañaa bee to ko ate, meŋ ye ali kumandi, seneyaata ñaameŋ.

Jabuuroolu 122:8

M baadiŋolu niŋ n kafuñoolu la kuwo kamma la, m be a fo la Yerusalaamu ye ko, “Kayiroo ye tara i kono.”