Yankuba 2:15 - Mandinka Bible

¹⁵ Niŋ baadiŋo, musoo waraŋ kewo, maŋ sitifeŋolu soto, a dasata a la domoroo la,

Yankuba 2:15 ပူးပေါင်းရင်းမြစ်များ

Luka 3:11

A ye ì jaabi ko, “Meŋ ye dendika fula soto, a si kiliŋo dii doo la, meŋ maŋ feŋ soto. Moo meŋ ye domori feŋolu soto, a ñanta a ke la wo le ñaama.”

Yesaya 58:7

Ali niŋ konkotoolu ye ali la domoroolu talaa, ali ye ali la koridaalu yele fuwaaroolu ye, mennu maŋ yaa soto. Ali dendikoolu dii moolu la, mennu maŋ feŋ soto ì be meŋ duŋ na, aduŋ ali kana balaŋ ka ali fansuŋ baadiŋolu maakoyi.

Yankuba 2:5

M baadiŋ kanuntewolu, ali i lamoyi! Fo Alla le maŋ moolu tomboŋ baŋ, mennu fuwaareyaata ñiŋ duniyaa kono, fo ì si fanka lannoo kono, aniŋ ì ye wo mansabaayaa keetaa, a ye meŋ laahidi moolu ye, mennu ye a kanu?

Yesaya 58:10

ali ye domoroo dii konkotoolu la, ali ye moo mantoorariŋolu suula kuwolu ke ì ye, wo to ali la maloo be bo la naŋ diboo le kono, ali la suutoo ye ke ali ye ko tilibuloo.

Hiburunkoolu 11:37

Ì ye ì doolu kurulabuŋ, ì ye doolu fara fula ti, ì ye doolu faa niŋ hawusaroolu la. Ì doolu ka taama ka taa dulaalu to taariŋ, aduŋ ì tarata feetoofatariŋ saajiikuloolu niŋ baakuloolu doroŋ ne la, fuwaareyaa, bataa aniŋ tooroolu kono.

Maaka 14:7

Baawo fuwaaroolu be tara la ali fee le waati-wo-waati, wo to ali si kuu kendoo ke noo ì ye le waatoo bee la, ali lafita a la ñaameŋ. Bari nte te tara la ali fee waati-wo-waati.

Esekiyeli 18:7

aduŋ a buka moo toora, bari a ka feŋolu murundi le, a ye mennu taa sankayaaraŋo ti, a buka suuñaaroo ke, bari a ka a la domoroo dii konkotoolu la le, a ka fuwaaroolu feetoofata,

Kiilaalu 9:29

A diyaamuta Yahuudoolu fanaa ye, mennu ka Jirisi kaŋo fo, a niŋ ì ye ñoo soosoo. Wolu ye feeroolu siti ka a faa.

1 Yohana 3:17

Moo meŋ ye a la suulafeŋolu soto ñiŋ duniyaa kono, aduŋ a ye a baadiŋo je suuloo kono, bari a maŋ balafaa soto a ye, Alla la kanoo be sabati la wo maarii kono ñaadii le?