Yankuba 2:13 - Mandinka Bible

¹³ Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

Yankuba 2:13 ပူးပေါင်းရင်းမြစ်များ

Matiyu 5:7

“Barakoo be moolu ye, mennu ye balafaa soto, kaatu balafaa le be yitandi la ì la.

Matiyu 6:15

Bari niŋ ali maŋ yamfa moolu la junuboolu la, wo to ali Faamaa fanaa te yamfa la ali la junuboolu la.

Kuma Kotoomaalu 21:13

Niŋ moo ye a tuloo kaasi fuwaaroo woosii kaŋo la, a fanaa be woosii la le, aduŋ moo te a danku la.

Luka 6:37

“Ali kana moolu kiitindi fo ali fanaa kana kiitindi. Ali kana a fo, moo si halaki, fo ali fanaa kana halaki. Ali yamfa moolu ye, ali fanaa si yamfoo soto.

Jabuuroolu 18:25

Moo tilindiŋolu, i ka i la tiliŋo yitandi wolu le la. Moo meŋ kendeyaata baake, i ka kendeyaa wo le fee.

Mika 7:18

Alla koteŋ ne be keriŋ baŋ ko ite? Ite le ka junuboolu kafari i la moolu ye, mennu tuta baluuriŋ, ite le ka yamfa ì la sookiri kuwolu la. I la kamfaa buka tu fo abadaa, i ka lafi le ka tara hiinanteeyaariŋ doroŋ.

Jabuuroolu 85:10

Alla la kanu bambaloo niŋ tooñaa be beŋ na le, tiliŋo niŋ kayiroo ye ñoo sumbu.

Yeremiya 9:24

Niŋ meŋ be kibiri la, a si kibiri ñiŋ na ko, a ye nte Yaawe* la kuwo fahaamu le ka n loŋ, ka ñiŋ loŋ ko, nte le mu Yaawe ti, n ka taama kanu bambaloo le la, nte le ka kiitiyo teyi, aniŋ ka tiliŋo taamandi duniyaa kono, aduŋ wolu le mu kuwolu ti mennu ka n seewoo.” Yaawe le ye a fo.

Kiitindirilaalu 1:7

Bituŋ Adoni-Beseki kumata ko, “Alla ka juloo le joo n to. Mansakee taŋ woorowula nene tarata m fanaa koto le, ŋa mennu bulukumbaalu niŋ ì sinkumbaalu kuntu. Ì ka tara domoritoo sikoo le la n na taabuloo koto.” Bituŋ ì ye a samba naŋ Yerusalaamu, a faata wo le to.

Esekiyeli 33:11

Wo to, ite hadamadiŋo, a fo ì ye ko, a be koyiriŋ ñaameŋ ko nte Yaawe i Maariyo be baluuriŋ ne: Nte buka kontaani moo kuruŋo la saayaa la, bari n ka kontaani ñiŋ ne la, a ye a koo dii a la kuu jawu kewo la, a ye baluu. Banisirayilankoolu, muŋ ne ye a tinna, ali lafita ka faa? Ali ali koo dii ali la kuu jawu kewo la, ali ye baluu.” Maarii Yaawe le ye a fo.

1 Musa 42:21

Ì ko ñoo ye ko, “Tooñaa-tooñaa, ñiŋ mu jaraboo le ti ǹ kaŋ, ŋà meŋ ke ǹ doomaa Yusufa la. A la bataa waatoo, a be yamfoo daani kaŋ m̀ bulu tuma meŋ, m̀ maŋ a danku. Wo le ye a tinna ñiŋ bataa naata ǹ kaŋ.”

Yankuba 5:4

A juubee, lebereesoolu mennu ye katiroo ke ali la kunkoolu to, ali ye ì la jooroo meŋ nakari tapaleeyaa kono, wo kumboota baake le, aduŋ lebereesoolu la kumboo kaŋolu futata Alihawaa Maariyo* ma le.

Luka 16:25

Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

2 Taarika 28:11

Saayiŋ ali i lamoyi, ali ye ñiŋ moolu mennu muta ali baadiŋolu kono, ali ì bula, ì ye seyi. Niŋ wo nte, Yaawe la kamfaa baa be jii la naŋ ali kaŋ ne.”

Kuma Kotoomaalu 22:16

Moo-wo-moo ka fuwaaroo mantoora, ka a la naafuloo buyindi, aniŋ meŋ ka soorifeŋo dii fankamaalu la, bee be labaŋ na fuwaareyaa le la.

Yankuba 3:17

Bari ñaameŋo meŋ bota Alla yaa, foloo-foloo a seneyaata le. Ate ñaameŋo mu kayiroo le ti, mooyaa aniŋ ŋaniya betoo. A be faariŋ balafaa le la, a ka kebaara betoolu diŋ, aduŋ faasaaroo niŋ bunaafayiyaa te jee.

Kiitindirilaalu 5:27

A bidibidita a siŋo koto, a ye i laa ka i jaŋ. A bidibidita a siŋo le koto, a ye i laa ka i tiliŋ. A bidibidita daameŋ, a ye i laa jee le to, a kasaarata.