Yankuba 1:19 - Mandinka Bible

¹⁹ M baadiŋ kanuntewolu, ali ñiŋ loŋ ko, ali moo-wo-moo ñanta tariyaa la le ka lamoyiroo ke, bari ali si naafa ka diyaamu. Ali jusoo kana sutiyaa,

Yankuba 1:19 ပူးပေါင်းရင်းမြစ်များ

Kuma Kotoomaalu 17:27

Moo meŋ ka a fokumoo keseŋ, a mu londitiyo le ti, aduŋ moo meŋ na kamfaa maŋ tariyaa, wo ka fahaamuroo ke le.

Kuma Kotoomaalu 21:23

Moo meŋ ka a fokumoo loŋ, a ka a neŋo mara, a ka a faŋo tanka maasiiba kuwo ma le.

Kuma Kotoomaalu 14:29

Moo meŋ ka kamfaa juuna, a ka a la kuntaŋyaa le yitandi, bari moo meŋ buka kamfaa juuna ka ke fahaamurulaa baa le ti.

Kuma Kotoomaalu 10:19

Niŋ i daa siyaata, junuboo buka foo i la kumoo kono, bari moo meŋ ka a neŋo mara, wo ñaamenta le.

Kuma Kotoomaalu 18:13

Moo meŋ ka jaabiroo ke a maŋ i lamoyi, wo mu wo maarii la tooleeyaa niŋ a la maloo le ti.

Kuma Kotoomaalu 13:3

Moo meŋ ka a fokumoo loŋ, ka a niyo le tankandi, bari moo meŋ ka kumoo fo a kuŋ fee, ka kasaara le.

Kuma Kotoomaalu 16:32

Ka ke muñalaa ti, le fisiyaata ka ke kelejawaroo ti, moo meŋ ka a jusoo ñabu, wo le fisiyaata saatee taalaa ti.

Efesusinkoolu 4:26

Ali la kamfaa kono, ali kana junuboo ke. Ali la kamfaa kana tara ali kono fo tiloo ye boyi.

Kuma Kotoomaalu 15:18

Jusu tariyaa ka sonkoo le wulindi, bari moo sooneeyaariŋo ka sonkoo daa faa le.

Kolosankoolu 3:8

Bari saayiŋ, ali ñiŋ kuwolu bee bula, mennu be ko kamfaa, jusuboo, kuruŋyaa, aniŋ tooñeeroo. Aduŋ kuma nooriŋo kana bo ali daa kono.

Efesusinkoolu 4:31

Ali niikuyaa bee bula, kamfaa, jusuboo, kawuyeeyaa, tooñeeri kumoolu aniŋ kuruŋyaa kuwolu bee.

Kuma Kotoomaalu 18:21

Niŋ i ye kumoo fo, a si ke noo kuma kendoo ti le, waraŋ moofaa kuwo. Wo to niŋ i fokumoo ye a tinna i ye kuu soto, i ñanta soŋ na a la le.

Kolosankoolu 3:15

Aduŋ ali si Kiristu la kayiroo bula, a ye ali sondomoolu mara. Tooñaa, ali kumandita wo kayiroo le to ka ke balajaata kiliŋ ti. Ali tenturoo dii niŋ ali sondomoo bee la.

Kuma Kotoomaalu 19:11

Hakilimaa buka kamfaa juuna, aduŋ a ka horomoo soto le, ka a ñaa kaasi, niŋ i ye kuu ke a la.

Kuma Kotoomaalu 15:2

Moo ñaamendiŋo la kumoo ka londoo la kuwo diyandi moolu ye le, bari toolewo daakumoo ka ke kuu kuntaŋo doroŋ ne ti.

Kuma Kotoomaalu 25:28

Komeŋ ì ye saatewo meŋ sansaŋolu boyi, wo le mu moo ti, meŋ buka a faŋo muta noo.

Kuma Kotoomaalu 14:17

Moo meŋ kamfaa tariyaata, a ka kuu fuuriŋolu le ke. Moolu ka feere jawu sitilaa koŋ ne.

Matiyu 5:22

Bari saayiŋ m be fo la alitolu ye, moo-wo-moo meŋ kamfaata a baadiŋo* kamma, wo maarii ñanta kiitindi la le. Aduŋ moo-wo-moo meŋ ye a baadiŋo neŋ, wo maarii ñanta taa la luwaa ñaatiliŋo la le. Aduŋ moo-wo-moo meŋ ko a baadiŋo ye ko, ‘Ite toolee’, wo maarii ñanta duŋ na Jahannaba dimbaa kono le.

Kuma Kotoomaalu 17:14

Sonka wulindoo ka munta le ko, niŋ ì ye balaŋo sapoo bo, wo to kuwo daa faa, janniŋ sonkoo ka wuli.

Yankuba 1:26

Niŋ moo-wo-moo ye a faŋo muta diina moo ti, bari a buka a neŋo mara noo, a ka a faŋo le neenee, aduŋ a la Alla batoo maŋ jari feŋ na.

1 Tesalonikankoolu 2:13

M̀ fanaa ka tu Alla tentu la le ko, biriŋ ali ye Alla la kumoo moyi ntolu la, ali maŋ a muta ko hadamadiŋ kumoo, bari ali ye a muta le ko Alla la kumoo. Tooñaa, a mu wo le ti, aduŋ a ka dookuwo fanaa ke alitolu Yeesu noomalankoolu kono le.

Nehemiya 9:17

Ì balanta le, ì ñinata i ye kaawakuwolu mennu ke ì ye. Ì la kanjaa kaŋ, ì ye ñaatonkoo tomboŋ, ka ì murundi ì la joŋyaa kono Misira. Bari ite mu Alla le ti, meŋ ka tu yamfa la, i hiinanteeyaata, i balafaa warata, i buka kamfaa juuna, aduŋ dandulaa te i la kanu bambaloo la. Wo kamma la i maŋ i koo dii ì la,

Kiilaalu 17:11

Bereya Yahuudoolu le daajikoo beteyaata Tesalonika Yahuudoolu ti, kaatu ì ye ñiŋ kumoo muta niŋ hame baa le la. Luŋ-wo-luŋ ì ka a kisikisi le, fo ñiŋ kumoo niŋ Kitaabu Senuŋolu taata ñoo la le.

Luka 19:48

Hani wo, ì maŋ siloo soto noo ka a ke, kaatu moolu bee be i lamoyi kaŋ kendeke a la kumoolu la le.

Maaka 2:2

Wo to le jee faata moolu la fo kenoo maŋ soto hani bundaa to. Bituŋ a ye Alla la kumoo kawandi ì ye.

Kuma Kotoomaalu 19:19

Fitinamoo ka fitinoo nafaa je le, niŋ i ye a tankandi, i be tu la a ke la le.

Kiilaalu 10:33

Wo le ye a tinna ŋa kiilaalu kii i kaŋ wo loodulaa to, aduŋ i la naa keta kuu bete baa le ti. Saayiŋ, ntolu bee be jaŋ Alla ñaatiliŋo la ka kumoolu bee moyi, Alla ye i yaamari ka mennu fo.”

Kiilaalu 2:42

Yeesu la kafoo tententa kiilaalu la karandiroo niŋ kafuñooyaa kono. Ì ka domoroo niŋ duwaa ke ñoo kaŋ.

Luka 15:1

Bituŋ duwaañoolu niŋ junubelaalu naata Yeesu daala ka a lamoyi.

Nehemiya 9:3

Ì be daameŋ, ì loota wo le to ka karaŋo ke ka bo Yaawe*, ì la Alla la Luwaa Kitaaboo* kono. Ì ye tiloo waati saba le ke karaŋo la, bituŋ waati saba doo, ì ye wo ke ì la junuboolu yitandoo le ti, aniŋ ka Yaawe, ì la Alla batu.

1 Yohana 2:21

M maŋ ñiŋ safee ali ye ko ali maŋ tooñaa loŋ, bari ko ali ye tooñaa loŋ ne, aduŋ ali ye a loŋ ko, faniyaa buka bo tooñaa kono.

Kiilaalu 13:48

Kabiriŋ moolu mennu maŋ ke Yahuudoolu ti ye ñiŋ moyi, ì seewoota, aduŋ ì ye Alla la kumoo jayi. Moo jamaa laata, mennu tombonta badaa-badaa baluwo ye.

Maaka 12:37

“Dawuda faŋo ye a kumandi a Maariyo la. Wo to a si ke noo a dinkewo ti ñaadii le?” Wo kafu baa ye Yeesu lamoyi jusulaa le kono.

Nehemiya 8:18

Luŋ-wo-luŋ, ka bo tili foloo ka taa fo tili labaŋo, Esira ka Alla la Luwaa Kitaaboo doo karaŋ moolu ye le. Bituŋ tili seyinjaŋo la, moolu bee benta ka baturoo ke, ko luwaa ye a fo ñaameŋ.

4 Musa 22:27

Biriŋ faloo ye Yaawe la malaayikoo je, a ye i laa Balaamu fee. Balaamu naata kamfaa baake, a ye a lipa a la dokoo la.

Kuma Kotoomaalu 29:20

Fo i ye moo le je meŋ ka korontotoo diyaamoo ke? Jiki baa ka tara toolewo le ye ate ti.

Kiilaalu 1:15

Wo luŋolu kono le, Pita loota kafoo teema, meŋ si taa fo Yeesu noomalanka keme niŋ muwaŋ maafaŋo la. A ko ì ye ko,

Yankuba 1:2

M baadiŋolu*, niŋ bataa kuu siifaa jamaa ka laa ali kaŋ, ali si ì bee muta seewoo kuwo ti,

Yankuba 1:16

M baadiŋ kanuntewolu, ali kana soŋ, ì ye ali neenee!

Yankuba 2:1

M baadiŋolu*, baawo ali laata m̀ Maarii Yeesu Kiristu* la, kallankeeyaa* mu meŋ taa ti, wo to ali kana moo-wo-moo faasaa.

Yankuba 2:5

M baadiŋ kanuntewolu, ali i lamoyi! Fo Alla le maŋ moolu tomboŋ baŋ, mennu fuwaareyaata ñiŋ duniyaa kono, fo ì si fanka lannoo kono, aniŋ ì ye wo mansabaayaa keetaa, a ye meŋ laahidi moolu ye, mennu ye a kanu?

Yankuba 3:10

Jayiroo niŋ dankaroo ka bo daa kiliŋo kono! M baadiŋolu, wo maŋ ñaŋ na ke la muumeeke.

Yankuba 4:11

Baadiŋolu*, ali kana kuma jawoo fo ñoo ma. Moo meŋ ka kuma jawoo fo a baadiŋo ma, waraŋ a ka a baadiŋo kiitindi, wo maarii ka kuma jawoo fo Luwaa le ma, aduŋ a ka Luwaa le kiitindi. Bari niŋ meŋ ye Luwaa kiitindi, wo maarii maŋ ke Luwaa mutalaa ti, bari a kiitindilaa.

Yankuba 5:12

M baadiŋolu, meŋ kummaayaata kuwolu bee ti, ali kana i kali muumeeke. Ali kana i kali Arijana la, duniyaa, waraŋ feŋ-wo-feŋ na. Bari ali la “Haa” si ke “Haa” ti, ali la “Hanii” ye ke “Hanii” ti, fo ali kana bula halakoo kono.

Yankuba 5:19

M baadiŋolu, niŋ moo-wo-moo filita ali kono ka bo tooñaa siloo kaŋ, moo doo naata a murundi naŋ tooñaa siloo kaŋ,

Yuuba 32:16

Fo nte ñanta tara la ì batu kaŋ ne baŋ, niŋ ì be deyiriŋ, ì maŋ kuma fo, ì be looriŋ, ì maŋ jaabiri kuma soto noo?