Suukuwo 8:11 - Mandinka Bible

¹¹ Wayini yiri kankaŋ ne be nuŋ Sulemani bulu, a be nuŋ Baali-Hamoni maafaŋo le la. A ye a dii kantarilaalu la, i meŋ-wo-meŋ ñanta kodiforo kuntu wuli kiliŋ ne naati la, a yiridiŋolu to, katiri waatoo.

Suukuwo 8:11 ပူးပေါင်းရင်းမြစ်များ

Kawandilaa 2:4

N naata dookuu baalu ke: Ŋa buŋolu loo m faŋo ye, ŋa wayini yiri kankaŋolu sene.

Yesaya 7:23

“Niŋ wo waatoo siita, wayini* yiri kankaŋ ñiimaalu mennu, meŋ-wo-meŋ ka wayini yiri wuli kiliŋ soto nuŋ, aduŋ a meŋ-wo-meŋ jarita kodiforo kuntu wuli kiliŋ na, a bee be ke la ŋaniŋ sutoo le ti.

Maaka 12:1

Bituŋ Yeesu ye a dati ka diyaamu ì ye niŋ mansaaloolu la. A ko, “Kewo doo le ye wayini* yiri kankaŋo bo, a ye sansaŋo miniŋ a la, aniŋ a ye dinkoo siŋ jee ka a ke wayini yiridinjii bitidulaa ti. Bituŋ a ye kantaridulaa tatoo fanaa loo jee. Wo to le a ye a luwaasi moo doolu ma, a taata manee.

Suukuwo 7:12

Ŋà sori juuna yiri kankaŋo to, ka a juubee, fo wayini yiroolu be sorondiŋ ne, fo a firoolu be yele kaŋ ne, fo roomaani* yiroolu ye a dati le ka firi. Jee to, m be n na kanoo dii la i la le.

Suukuwo 1:6

Ali kana ali ñaa loo n kaŋ n jaatoo la fiŋo kaŋ, tiloo le ye m findi. M baamaa dinkewolu kamfaata n kamma, ì ye n ke wayini yiri kankaŋolu kantalaa ti, m fansuŋ kankaŋo, m maŋ wo kanta noo.

1 Musa 20:16

Bituŋ a ko Saara ye ko, “M be kodiforo kuntu wuli kiliŋ dii la i baarinkewo la. Wo le be a koyindi la i la moolu bee ñaa la ko, i maŋ kuu ke. I la horomoo si tu i kaŋ ko i maŋ kuu ke.”

Suukuwo 2:3

Ko pomu suŋo, wuloo yiroolu teema, n jusukuŋo be kewolu kono wo le ñaama. N niŋ seewoo le ka sii a dubeŋo koto, a diŋo ka timiyaa n kaŋo kono.

Suukuwo 8:12

Sulemani, kantarilaa keme fula ye tara i bulu, i ye i la kodiforo kuntu wuli kiliŋo taa, bari m fanaa la yiri kankaŋo, n halaaloo, wo mu n taa le ti.