Suukuwo 8:10 - Mandinka Bible

¹⁰ M mu tata sansaŋo le ti, n sunjoolu be ko tata jaŋo, n keta n jusukuŋo ñaa koto kayiroo naatilaa ti. Kewo ko:

Suukuwo 8:10 ပူးပေါင်းရင်းမြစ်များ

Luka 1:30

Wo to le malaayikoo ko a ye ko, “Mariyaama, kana sila! Alla neemata i ma le.

Esekiyeli 16:7

Bituŋ ŋa i balundi ko fiifeŋo meŋ be kunkoo kono. I menta, i ñiiñaata komeŋ luuluwo. I tiyo falinta, i karoo faata, hani wo i kenseŋo le mu, feŋ te i bala.

Yesaya 60:10

“Siyoni, tumarankewolu be i la tata sansaŋolu lookuu la le, ì la mansoolu be dookuwo ke la i ye le. Ŋa i jarabi kamfaa kono ñaa-wo-ñaa, bari m be i maakoyi la le, ka balafaa yitandi i la.

1 Timoti 1:16

Bari balafaa diita n na ñiŋ daliiloo le kamma la, fo Yeesu Kiristu si a la muñoo bee yitandi nte kono, junubelaalu bee kuntonkoo, aduŋ n na kuwo si ke misaaloo ti moolu bee ye, mennu be naa laa la ate la ka badaa-badaa baluwo soto.

Suukuwo 4:5

I sunjoolu be looriŋ ne pet, ì be ñiiñaariŋ ko minandiŋ fula be daañinoo la firi ñiimaalu kono.

Kuma Kotoomaalu 3:4

Wo to le i be maakoyiroo niŋ too diyaa soto la, Alla niŋ moolu la karoo la.

1 Musa 6:8

Bari Nuha naata hiinoo soto ka bo Yaawe la karoo la.

Efesusinkoolu 1:8

A ye hiinoo meŋ boŋ ǹ kaŋ, a maŋ dasa. A ye ǹ londi ñaameŋo niŋ fahaamuroo bee le la,

Efesusinkoolu 1:6

fo ǹ si a jayi a la hiinoo la meŋ kallankeeyaata*, a ye meŋ dii ǹ na ka bo niŋ a Kanu Dinkewo la.

Suukuwo 8:11

Wayini yiri kankaŋ ne be nuŋ Sulemani bulu, a be nuŋ Baali-Hamoni maafaŋo le la. A ye a dii kantarilaalu la, i meŋ-wo-meŋ ñanta kodiforo kuntu wuli kiliŋ ne naati la, a yiridiŋolu to, katiri waatoo.

Suukuwo 4:4

I kaŋo be jaŋayaariŋ ko Dawuda la tatoo, i kaŋ nomboolu be jonkiriŋ ñoo kaŋ. Kantotaalu be ñatariŋ a bala, ì bee be ñiiñaariŋ ko kelejawaroolu la koteeroo*.