Suukuwo 7:4 - Mandinka Bible

⁴ I kaŋo be jaŋayaariŋ ko tatoo, ì ye meŋ ñarandi samañiŋo la. I ñaalu ka malamala ko Hesiboni daloolu, mennu be dundaŋ daa to, ì ka dundaŋ daa meŋ kili Bati-Rabimu la. I nunkaloo be looriŋ ne ko Libanooni tatoo, meŋ ñaa be tilindiŋ Damasiku la.

Suukuwo 7:4 ပူးပေါင်းရင်းမြစ်များ

Suukuwo 4:4

I kaŋo be jaŋayaariŋ ko Dawuda la tatoo, i kaŋ nomboolu be jonkiriŋ ñoo kaŋ. Kantotaalu be ñatariŋ a bala, ì bee be ñiiñaariŋ ko kelejawaroolu la koteeroo*.

Jabuuroolu 144:12

Allamaa ǹ dinkewolu ye ke ì la fondinkeeyaa kono komeŋ yiri mendiŋolu. Allamaa ǹ dimmusoolu ye ke komeŋ samasiŋ ñiimaalu mennu ka tara mansabuŋo tonkoŋolu la, ka a muta.

Hiburunkoolu 5:14

Bari domori bambandiŋo mu moo mendiŋolu le taa ti. Ka bo niŋ nindiroo le la, wo moolu naata fahaamuroo soto ka kuu betoo niŋ kuu jawoo bo ñoo to.

Yesaya 54:4

“Kana sila, kaatu i te duŋ na malu kuwo kono. Kana jikilateyi, kaatu i te dooyaa soto la. I be ñina la maloo la le, meŋ keta i la i fondinkeemaa, aduŋ i hakiloo te bula la maloo la, biriŋ i keta furuyaamusoo ti.

Suukuwo 6:5

I ñaa bo looriŋ n kaŋ, a ye n kalaŋo bondi n kono le. I kuntiñoo be le ko, niŋ baa koorewo niŋ boroo be Kileyadi Konkoo jii kaŋ.

Suukuwo 4:1

N kanuntewo, i ñiiñaata ñaameŋ, i ñiiñaabaata le. I ñaa be le ko puraa ñaa, i la kuŋ bitiraŋo koto. I kuntiñoo be le ko niŋ baa koorewo niŋ boroo be Kileyadi Konkoo jii kaŋ.

Suukuwo 1:10

Ñarandi feŋolu ye i tamadaa ñiiñandi, i kaŋo be ñarariŋ kantotaa ñiimaalu la.

Jabuuroolu 45:8

I la dendika baalu bee seerandita niŋ seerandi feŋolu le la. Kontiŋ kosilaalu ka i seewondi mansabuŋolu le kono, mennu kono ñarandita niŋ samañiŋolu la.

2 Taarika 8:6

A ye Baalati fanaa tata ka taa saatewolu to, daamennu mu a la maaboridulaalu ti, a la neesareetoolu niŋ a la suwoolu be daameŋ. Sulemani ye feŋ-wo-feŋ hame ka a loo, a ye a loo Yerusalaamu kono le, Libanooni, aniŋ bankoolu bee kaŋ mennu be a la maraloo koto.

1 Mansoolu 22:39

Ahabu la mansayaa kuu koteŋolu, ka taa a ye kuwolu mennu bee ke, a ye mansasuwo meŋ loo ka a kono laa niŋ samañiŋolu la, a ye saatewolu mennu tata, wo kuwolu safeeta Banisirayila Mansoolu la Taarika Kitaaboo le kono.

1 Mansoolu 10:22

A ye safaari kuluŋolu le soto nuŋ baa to, aniŋ Hiramu la kuluŋolu kafuriŋo. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

1 Mansoolu 10:18

Mansa Sulemani ye mansasiiraŋo dadaa meŋ laata niŋ samañiŋo niŋ saniforoo la.

1 Mansoolu 9:19

aniŋ a faŋo la maaboridulaa saatewolu niŋ a la neesareetoolu be saatewolu mennu to, ka taa a la suwoolu be saatewolu mennu fanaa to. Sulemani ye feŋ-wo-feŋ hame ka a loo, a ye a loo Yerusalaamu kono le, Libanooni, aniŋ bankoolu bee kaŋ mennu be a la maraloo koto.

1 Mansoolu 7:2

A ye buŋ baa loo, ì ka meŋ kumandi Libanooni Sutoo Buŋo la. A karoo la jamfoo mu simfaañaa keme niŋ taŋ luulu le ti, a konoo la fanoo mu simfaañaa taŋ woorowula niŋ luulu le ti, a loo la jamfoo mu nonkonkatiñaa taŋ saba le ti. Ñiŋ buŋo loota sedari samasiŋ borindi naani le kaŋ, aduŋ sedari* bilii teleŋolu tarata laariŋ ñiŋ samasiŋolu le kaŋ.

2 Samuweli 8:6

A ye daakaalu loo Aramunkoolu la mansamarali bankoo kaŋ, meŋ na kundaa baa mu Damasiku ti, aduŋ Aramunkoolu sonta a ma, ì ka naamoo joo a yaa. Dawuda taata daa-wo-daa, Yaawe* ka a ke le, a ye nooroo ke.

1 Musa 15:2

Bari Iburama ko a ye le ko, “M Maarii Yaawe, ite be muŋ ne dii la nte la, baawo nte be faa la dintaŋyaa le kono? Eliyesa Damasikunkoo, wo le be nte keetaa la n na sotofeŋolu to.

Suukuwo 4:5

I sunjoolu be looriŋ ne pet, ì be ñiiñaariŋ ko minandiŋ fula be daañinoo la firi ñiimaalu kono.