Suukuwo 7:13 - Mandinka Bible

¹³ Mandarake firoolu be seera diimaa dii kaŋ, yiridiŋ diimaalu siifaa bee le be ǹ na bundaa to, biriŋ a kotoomaa fo a kutamaa, ŋa mennu maabo i ye, n jusukuŋo.

Suukuwo 7:13 ပူးပေါင်းရင်းမြစ်များ

1 Musa 30:14

Wiiti* sanjaanoo waatoo la, Rubeni taata wuloo kono, a ye mandarake diŋolu je. Bituŋ a ye ì samba naŋ a baamaa Leya ye. Bituŋ Raheli naata a fo Leya ye ko, “N so i diŋo la mandarake doo la.”

Matiyu 13:52

Bituŋ a ko ì ye ko, “Luwaa karammoo-wo-Luwaa karammoo* meŋ keta Arijana mansabaayaa la saayiboo ti, a ka munta le ko koridaatiyo, meŋ ka feŋ kutoolu niŋ feŋ kotoolu fintindi ka bo a la maaboridulaa.”

1 Pita 4:11

Moo meŋ ka kawandoo ke, a si a ke ko, a ka Alla faŋo la kumoolu le kawandi. Meŋ ka maakoyiri dookuwo ke, a si a ke niŋ semboo bee la, Alla ye meŋ dii a la, fo Alla si horoma kuu-wo-kuu to, ka bo niŋ Yeesu Kiristu la. Semboo niŋ waroo aniŋ maraloo bee be ate le ye, fo abadaa. Amiin.

Kolosankoolu 3:17

Aduŋ niŋ ali be kuu-wo-kuu ke la, fo diyaamoo kono waraŋ kebaaroo to, ali si a bee ke Maarii Yeesu too la, aduŋ ali si tenturoo dii Alla la, m̀ Faamaa, ka bo niŋ ate la.

Filipinkoolu 1:11

Ali si faa niŋ tiliŋo la, meŋ ka daajika betoo saabu, ka bo niŋ Yeesu Kiristu la, Alla la horomoo niŋ jayiroo ye.

Efesusinkoolu 5:9

Kaatu kuwolu, maloo ka mennu diŋ, ì ka je beteyaa, tiliŋo aniŋ tooñaa le kono.

1 Korintinkoolu 16:2

Alitolu meŋ-wo-meŋ ñanta kodoo landi la kara la le, lookuŋ-wo-lookuŋ tili foloo, ko ali la sotoo be ñaameŋ. Ñiŋ kodoo ñanta maabo la le, fo niŋ n naata, bulufayiñookaŋ te ke la.

1 Korintinkoolu 2:9

Bari ko a be safeeriŋ ñaameŋ: “Ñaa nene maŋ meŋ je, tuloo nene maŋ a moyi, aduŋ hadamadiŋ hakiloo nene maŋ a miira, Alla ye wo le parendi moolu ye, mennu ye a kanu.”

Yohana 15:8

Niŋ ali ka diŋ jamaa diŋ, m Faamaa la semboo niŋ waroo be yitandi la le ka bo niŋ wo la. Wo to ali ye a yitandi le ko, ali mu n na saayiboolu le ti.

Matiyu 25:40

Bituŋ mansakewo si naa ì jaabi ko, ‘Tooñaa, m be a fo la ali ye, ali ye kuu-wo-kuu meŋ ke n ñiŋ baadiŋ kiliŋ ye, hani meŋ na kuwo dooyaata ì bee kono, ali ye a ke nte le ye.’

Yesaya 23:18

Bari a tinewo niŋ a nafaa be landi la Yaawe le ye kara la. Ì te tara la maaboriŋ waraŋ ka nukuŋ. A la tinewo be tara la moolu le ye mennu ka baturoo ke Yaawe ñaatiliŋo la, ka domori jamaa niŋ sitifeŋ ñiimaa soto.

Suukuwo 4:16

Foño, wuli naŋ maraa karoo la, foño, wuli naŋ bulubaa karoo la, ali fee naŋ n na naakoo kono, seerandi feŋolu seeroo ye janjaŋ. N kanuntewo ye naa a la naakoo kono, a ye a yiridiŋ betoolu domo.

Suukuwo 4:13

I mu naakoo le ti, roomaani* yiroolu ka faliŋ daameŋ, ì niŋ ì diŋ diimaalu. Fudani firoolu niŋ fiifeŋ seeralaalu buka foo jee,

Suukuwo 2:3

Ko pomu suŋo, wuloo yiroolu teema, n jusukuŋo be kewolu kono wo le ñaama. N niŋ seewoo le ka sii a dubeŋo koto, a diŋo ka timiyaa n kaŋo kono.

Suukuwo 8:1

A ka munta m fee, i ye ke n kotookewo ti, meŋ suusuuta m baamaa sunjoo to. I si a je, niŋ n niŋ i benta mbeedoo kaŋ, n si i sumbu, moo te n jalayi la.

Suukuwo 6:11

N taata naakoo to, alimondi* yiroolu be daameŋ, ka a juubee fo yiroolu be firi kaŋ wulumbaŋo to le, fo wayini* yiroolu be soroŋ kaŋ ne, aniŋ fo roomaani yiroolu ye firoo dati le.