4 N kanuntewo, i be ñiiñaariŋ ne ko Tirisa saatewo, i ñiiñaata ko Yerusalaamu, i la kuwo be warariŋ, a kaawakuuyaata ko kelediŋ kafoo niŋ ì la bandeeroo.
Asa la mansayaa sanji sabanjaŋo Yahuuda bankoo kaŋ, wo saŋo le mu Ahiya dinkewo Baasa keta Banisirayila mansa ti. A ye maraloo ke Tirisa saatewo le kono, aduŋ a mansayaata le fo sanji muwaŋ niŋ naani.
Siyoni* Konkoo niŋ a la ñiiñaa, aniŋ a la jaŋayaa, a mu duniyaa banku moolu bee ye seewoo le ti. Siyoni Konkoo, konko senuŋo, mu Mansa Baa la saatewo le ti.
I be n ye le ko puraa, meŋ be maaboriŋ bere konkoo to, a be bitiriŋ berehuwo kono. Soŋ ŋa i ñaadaa je, ŋa i kaŋo moyi, kaatu i kaŋo diyaata le, i alihaaloo ñiiñaata.
M be siinoo kaŋ, bari n hakiloo maŋ tenkuŋ. I lamoyi baŋ, n jusukuŋo le be konkondiroo la. Kewo ko: M baarimmusu, n kanuntewo, bundaa yele n ye, n na puraariŋo, n na musu timmariŋo. N kuŋo bee sinanta tuutuwo la le, suuto komboo ye n kuntiñoo bee sinandi. Musoo ko:
Jumaa le mu ñiŋ ti teŋ, meŋ ka muluŋ naŋ ko siiliŋ boo? A be ñiiñaariŋ ko karoo, a ka malamala ko tiloo, a la kuwo be warariŋ, a kaawakuuyaata ko kelediŋ kafoo niŋ ì la bandeeroo.
Ŋa a je, mennu ka tambi siloo kaŋ ka buloo kosi i ma le, ì ka ciipuroo ke ka ì kuŋo jiijaa, ka Dimmusuriŋ Yerusalaamu ñaawali ko, “Fo ñiŋ ne maŋ ke saatewo ti ì ka a fo meŋ na, a la ñiiñaa timmata, a ka bankoolu bee seewoo le?”
Duniyaa bankoolu bee be beŋ na ñoo kaŋ Yerusalaamu kamma le. Wo luŋo la, m be Yerusalaamu ke la ì bee ye bere sinkitaŋ baa le ti, meŋ-wo-meŋ ye a wulindi, si a faŋ barama jawuke.”
Ntolu la kelejooraŋolu maŋ ke ñiŋ duniyaa kelejooraŋolu ti, bari ŋà Alla la sembe baa le soto ka tata bambandiŋolu kasaara. Ǹ ka moolu la soosooroolu tiñaa le,
fo a si a parendi a faŋo ye kallankeeyaa* kono. A ye wo ke le, fo lanjuuroo, noroo waraŋ wo ñoŋ kuu siifaa doo te soto la a bala, bari a si seneyaa sootaaribaliyaa kono.
Wo to le ŋa saatee senuŋo je, meŋ mu Yerusalaamu kutoo ti. A be jii kaŋ ka bo Alla yaa, Arijana kono. A parendita ko maañoo, meŋ ñarandita a keemaa ye.