Suukuwo 6:11 - Mandinka Bible

¹¹ N taata naakoo to, alimondi* yiroolu be daameŋ, ka a juubee fo yiroolu be firi kaŋ wulumbaŋo to le, fo wayini* yiroolu be soroŋ kaŋ ne, aniŋ fo roomaani yiroolu ye firoo dati le.

Suukuwo 6:11 ပူးပေါင်းရင်းမြစ်များ

Suukuwo 7:12

Ŋà sori juuna yiri kankaŋo to, ka a juubee, fo wayini yiroolu be sorondiŋ ne, fo a firoolu be yele kaŋ ne, fo roomaani* yiroolu ye a dati le ka firi. Jee to, m be n na kanoo dii la i la le.

Kiilaalu 15:36

Tili dantaŋ koolaa, Pawulu ko Barinabas ye ko, “Ŋà muru ka baadiŋolu kumpabo saatewolu bee kono, ŋà Maariyo la kumoo kawandi daamennu to ka a je, ì be ñaameŋ.”

Maaka 11:13

Kabiriŋ a ye sooto suŋo niŋ a jamboolu hayinaŋ, a taata ka a juubee, fo diŋolu be a bala le. A futata a ma waatoo meŋ na, a maŋ diŋ tara a bala fo jamboolu doroŋ, kaatu a maŋ ke sootoolu la diŋ waatoo ti.

Suukuwo 6:2

N jusukuŋo taata a la naakoo le to, seerandi feŋ bambewolu be daameŋ. A be a faŋ seewondi kaŋ a feŋ betoolu la, a be firi ñiimaalu kafu kaŋ ñoo ma.

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

1 Musa 2:9

Bankoo ñiŋ kaŋ, Yaawe Alla naata yiri ñiimaa siifaa bee falindi a kaŋ, ì niŋ ì diŋ diimaalu. Naakoo ñiŋ teema, yiroo doo le be looriŋ jee, meŋ ka baluwo dii, aniŋ yiroo doo fanaa, meŋ ka kuu jawoo niŋ kuu betoo londoo dii.

Yohana 15:16

Alitolu maŋ nte tomboŋ, bari nte le ye alitolu tomboŋ. Ŋa ali tomboŋ ne, fo ali si taa ka diŋ ko yiroo, aduŋ ali la diŋolu si tu jee, ì kana tiñaa. Wo to le, niŋ ali ye m Faamaa daani feŋ-wo-feŋ na nte too la, a be a dii la ali la.

Luka 13:7

Wo to le a ko kankaŋ dookuulaa ye ko, ‘A juubee, n ka naa jaŋ fo sanji saba ka diŋo ñini ñiŋ sooto suŋo bala, bari m buka hani kiliŋ soto. A kuntu! Muŋ ne ye a tinna a ñanta bankoo nafaa soto la?’

1 Musa 40:10

wayini yiroo ñiŋ, a ye bulu saba le soto. Kabiriŋ a ye soroŋ kutoo ke doroŋ, firoolu naata. Bituŋ firoolu ñinnu naata ke diŋolu ti. Wo diŋolu naata moo.

Suukuwo 6:12

Janniŋ n ka kuu kalamuta, seewoo ye m futufaa, ko meŋ be siiriŋ mansariŋo fee a la sareetoo kaŋ. Musoolu ko:

Suukuwo 7:13

Mandarake firoolu be seera diimaa dii kaŋ, yiridiŋ diimaalu siifaa bee le be ǹ na bundaa to, biriŋ a kotoomaa fo a kutamaa, ŋa mennu maabo i ye, n jusukuŋo.