Suukuwo 6:10 - Mandinka Bible

¹⁰ Jumaa le mu ñiŋ ti teŋ, meŋ ka muluŋ naŋ ko siiliŋ boo? A be ñiiñaariŋ ko karoo, a ka malamala ko tiloo, a la kuwo be warariŋ, a kaawakuuyaata ko kelediŋ kafoo niŋ ì la bandeeroo.

Suukuwo 6:10 ပူးပေါင်းရင်းမြစ်များ

Suukuwo 6:4

N kanuntewo, i be ñiiñaariŋ ne ko Tirisa saatewo, i ñiiñaata ko Yerusalaamu, i la kuwo be warariŋ, a kaawakuuyaata ko kelediŋ kafoo niŋ ì la bandeeroo.

Lankenemoo 12:1

Taamanseeri kaawakuuyaariŋo fintita saŋo santo. Ŋa musoo le je, meŋ be pareeriŋ niŋ tiloo la, karoo be a siŋolu koto, aduŋ looloo taŋ niŋ fula be a kuŋo to ko mansanaafoo.

Yuuba 31:26

Niŋ ŋa tiloo je mala kaŋ, aniŋ ŋa karoo je diyaariŋ tal,

Lankenemoo 22:5

Suutoo te soto la jee kotenke. Ì te suula la lampu maloo la, waraŋ tiloo la maloo, kaatu Maarii Alla le be ke la ì la maloo ti. Aduŋ ì be maraloo ke la le fo abadaa.

Lankenemoo 10:1

Bituŋ ŋa malaayika sembemaa baa doo je jii kaŋ ka bo saŋo santo. Minaayoo le ye a baloo muuri, kullimaaroo be a kunto. A ñaadaa be ko tiloo, a siŋolu be ko samasiŋ dimbaamaalu.

Efesusinkoolu 5:27

fo a si a parendi a faŋo ye kallankeeyaa* kono. A ye wo ke le, fo lanjuuroo, noroo waraŋ wo ñoŋ kuu siifaa doo te soto la a bala, bari a si seneyaa sootaaribaliyaa kono.

Matiyu 17:2

A muluŋo naata yelema ì ñaa la jee. A ñaadaa be malamala kaŋ ko tiloo, aduŋ a la duŋ feŋolu be ñeliñeli kaŋ ko maloo.

Yesaya 58:8

Niŋ ali ye wo kuwolu ke, ali la kiisoo be naa la le ko fanikewo. Ali be jaaraloo soto la katabake le. Ali la tiliŋo le be ali ñaatonkayaa la, nte Yaawe la kallankeeyaa* le ye ali kooma tankandi.

Suukuwo 3:6

Muŋ ne ka naa teŋ, ka bo naŋ keñewuloo* kono, ko siisii samasimmaa? A ka seera ko miiri* aniŋ cuuraayoo, ko juloolu la seerandi feŋ munkumaalu.

2 Samuweli 23:4

a ka muluŋ ne ko tiloo boo foloo soomandaa, niŋ saŋo maŋ tawali soto luŋo meŋ na, a ka faramansa ñaameŋ, niŋ samaa teyita, meŋ ka ñaamoolu fintindi naŋ bankoo kono.”

Lankenemoo 22:16

“Nte Yeesu le ye n na malaayikoo kii i kaŋ, ka ñiŋ kuwolu seedeyaa n na kafoolu ye taariŋ. Nte le bota Mansa Dawuda bala, aniŋ nte le mu Dawuda koomalankoo ti. Nte le mu Subaalooloo diimaa ti.”

Lankenemoo 21:23

Aduŋ saatewo ñiŋ maŋ suula tiloo waraŋ karoo la maloo la a kono, kaatu Alla la kallankeeyaa le mu a la maloo ti, aduŋ a la lampoo mu Saajiiriŋo le ti.

Roomankoolu 8:37

Bari ñiŋ kuwolu bee kono, ǹ na kuwo tambita noorilaalu faŋo la le, ka bo niŋ ate la, meŋ ye ǹ kanu.

Matiyu 13:43

Bituŋ moo tilindiŋolu si malamala ko tiloo ì Faamaa la mansabaayaa kono. Meŋ ye tuloo soto, a si a moyi.

Malaki 4:2

Bari alitolu mennu ye n too kuliyaa, wo luŋo la tiliŋo be bo la ali ye le ko tiloo, a maloo ye ali jaara. Ali si sawuŋ-sawuŋ kontaanoo kamma la ko niŋ i ye ninsiriŋo bula, a be taa daañinoo la.

Hoseya 6:5

Wo le ye a tinna ŋa n na annabiyomoolu kii naŋ ali kaŋ, ka kiitiyo niŋ yankankatoo bankee ali ye. N na kiitiyo fintita le ko tiloo.

Yesaya 63:1

Jumaa le mu ñiŋ ti, meŋ ka bo naŋ Bosira saatewo to Edomu bankoo kaŋ, a la dendikoo bee be tompiŋ-tompindiŋ niŋ feŋ wuleŋo la? Jumaa le mu ñiŋ ti, meŋ ye mansa dendikoo duŋ, a ka taama naŋ niŋ a semboo la? Yaawe* ko: “Nte le mu, n ka diyaamu niŋ tiliŋo siloo le la. Ŋa semboo soto le ka kiisandiroo ke.”

Suukuwo 8:5

Jumaa le ka naa teŋ, ka bo naŋ keñewuloo* kono, a be minindiŋ a jusukuŋo la? Musoo ko: Pomu suŋo koto, ŋa i kuniŋ jee le, i tiŋo ye i baamaa maa wo le to, i baamaa meŋ ye i wuluu, be nuŋ tiŋo to jee le.

Kuma Kotoomaalu 4:18

Moo tilindiŋo la siloo ka fanu le ko siilimboo meŋ ka fanu-fanu laalaa tiloo muumewo la.

Jabuuroolu 14:5

Wo to ì be tara la kijafara baa le kono, kaatu Alla be moolu le fee mennu tilinta a la karoo la.

Yuuba 11:17

Aduŋ i la baluwo kono, i si naa mala ko tiloo. I la baluwo diboo be ke la le komeŋ fanikee maloo.

Lankenemoo 1:16

A ye looloo woorowula le muta a bulubaa buloo kono. Hawusari* daa fuloo fintita naŋ a daa kono, aduŋ a ñaadaa be malamala kaŋ ne ko tilikuntee baa.

Suukuwo 1:15

Tooñaa, n kanuntewo, i ñiiñaata le, tooñaa, i ñiiñaata le, i ñaa be le ko puraa ñaa. Musoo ko: