Suukuwo 5:16 - Mandinka Bible

¹⁶ A daakumoo diyaata, a la kuwo bee le ye n ñaabo. Yerusalaamu dimmusuriŋolu, n jusukuŋo be teŋ ne, ate le mu n teerimaa ti.

Suukuwo 5:16 ပူးပေါင်းရင်းမြစ်များ

Jabuuroolu 45:2

Ite le mu kewolu kono kee ñiimaa ti, kuma ñiimaalu le ka bo i daa kono. Alla neemata i ma le fo fawu.

Suukuwo 7:9

i la sumburoo ye ke ko wayini diimaa. Musoo ko: Ñiŋ wayinoo ye futa n kanuntewo ma, a ye bori naŋ a ñiŋo niŋ a daafaroo la.

Yankuba 4:4

Alitolu fisiriwallewolu! Fo ali maŋ a loŋ ko, ñiŋ duniyaa teeriyaa mu Alla konnanteeyaa le ti? Wo to, moo-wo-moo ye a faŋo ke ñiŋ duniyaa teeroo ti, wo maarii ye a faŋo ke Alla konnantewo le ti.

Yankuba 2:23

Ka bo wo siloo le la, Kitaabu Senuŋo la kumoo timmata meŋ ko, “Iburayima laata Alla la le, aduŋ a la wo lannoo le naata a ke moo tilindiŋo ti Alla ñaa koto.” Bituŋ a naata kumandi “Alla teeroo” la.

Filipinkoolu 3:8

Tooñaa, nte ye feŋo bee muta bonoo le ti, kaatu ka Kiristu Yeesu loŋ, m Maariyo, wo le nafaa warata ka tambi feŋo bee la. Ate le la kuwo kamma la, m bonota feŋolu bee la. Ŋa wolu bee muta suntukuŋo le ti, fo n si Kiristu soto,

Kalatiyankoolu 2:20

Wo to n niŋ Kiristu pempenta yiribantambiloo bala le. A maŋ ke ko, nte faŋo le be baluuriŋ, bari Kiristu le be baluuriŋ n kono. M be baluwo meŋ to saayiŋ, wo baluwo be looriŋ lannoo le kaŋ ŋa meŋ soto Alla Dinkewo* la, meŋ ye n kanu, aniŋ a ye a niyo laa n ye.

Hoseya 3:1

Yaawe* ko n ye kotenke ko, “Taa, i ye musoo kanu meŋ mu jeenelaa ti, a ye tuluŋñoo soto. A kanu ko nte Yaawe ye Banisirayilankoolu kanu ñaameŋ, ì ka bula alla koteŋolu nooma ñaa-wo-ñaa, ì ka wayini* yiridiŋ jaaroo bo ì ye sadaa* ti.”

Yeremiya 15:16

Ŋa i la kumoo kiliŋ-kiliŋ tomboŋ ne, ŋa a ke ko n na domoroo, aduŋ i la kumakaŋolu keta n ye seewoo le ti, aniŋ jusulaa. Hee Yaawe Alihawaa Maariyo*, i tooyaa le be n kunna.

Yeremiya 3:20

Bari hanii, ko musoo meŋ muritita a keemaa ma, i muritita nte ma wo le ñaama, ite Banisirayila.” Yaawe le ye a fo.

Suukuwo 6:3

Nte mu n jusukuŋo taa le ti, n jusukuŋo mu n taa ti, a ka a la saajiyolu daañini firi ñiimaalu le kono. Kewo ko:

Suukuwo 2:16

N jusukuŋo mu n taa le ti, nte fanaa mu a taa ti. A ka a faŋ seewondi firi ñiimaalu le kono.

Suukuwo 2:3

Ko pomu suŋo, wuloo yiroolu teema, n jusukuŋo be kewolu kono wo le ñaama. N niŋ seewoo le ka sii a dubeŋo koto, a diŋo ka timiyaa n kaŋo kono.

Suukuwo 2:1

Nte mu firindiŋo doroŋ ne ti Saroni tundoo kaŋ, firi ñiimaa wulumbaŋo kono. Kewo ko:

Suukuwo 1:16

N jusukuŋo, tooñaa-tooñaa, i ñiiñaata, i beteyaata. Ñaama keroo le mu ǹ na laaraŋo ti.

Suukuwo 1:2

N sumbu, n sumbu i daa la! I la kanoo le diyaata wayinoo* ti.

Jabuuroolu 148:13

Daaroo bee, ali Yaawe jayi a too la, kaatu a too le warata doo koteŋolu bee ti. A la kallankeeyaa* le tambita feŋo bee la, biriŋ bankoo kaŋ fo saŋo ye santo la.

Jabuuroolu 119:103

I la kumoolu diyaata nte ye le famfaŋ. Itolu le diyaata ka tambi liyo la.

Jabuuroolu 89:6

Kiliŋ te saŋo santo meŋ ka munta ko ite. Kiliŋ te sembetiyolu kono meŋ niŋ i si kaañaŋ noo.

Jabuuroolu 19:10

Itolu le mu ñaanitaa ti ka tambi sanoo la, hani saniforoo. Itolu le diyaata ka tambi liyo la, meŋ ka suleŋ lii kaañoo bala.

2 Samuweli 1:23

Sawulu niŋ Yonatani ye ñoo kanu, aduŋ ì diyaata baluwo to, hani saayaa to, ì maŋ talaa. Ì be tariyaariŋ ne ko saŋ ŋalasoo, aduŋ itolu le bambanta jatoolu ti.

Suukuwo 1:5

Alitolu Yerusalaamu dimmusuriŋolu! M balafatoo finta le, bari n ñiiñaata, m be findiŋ ne ko Kedari tiriliisoo*, m be ñiiñaariŋ ko Sulemani la ridoo.

Suukuwo 4:3

I daaturoo la wulewo ñiiñaata ñaameŋ, i daa be kekuuriŋ. I kenteŋo ka muluŋ ne ko roomaani* yiridiŋ talantewo i la kuŋ bitiraŋo koto.