Suukuwo 5:15 - Mandinka Bible

¹⁵ A siŋolu be le ko bere samasiŋ ñiimaa, meŋ be looriŋ sani looraŋo kaŋ. A alihaaloo be le ko Libanooni Konkoo, a be bambandiŋ ko sedari* yiroo.

Suukuwo 5:15 ပူးပေါင်းရင်းမြစ်များ

1 Mansoolu 4:33

A ye bankoo faliŋ feŋolu la kuwo diyaamu le nuŋ, ka bo sedari* yiroo la meŋ be Libanooni ka taa fo siisiliŋñaamoo meŋ ka faliŋ tata sansaŋo faroo kono. A ye daafeŋolu la kuwo fo le, kunoolu, kuruntu feŋolu, aniŋ ñewolu.

1 Timoti 3:16

A koyita le ko, ǹ na lannoo kulloo warata le: A naata hadamadiŋyaa le kono, a la tiliŋo yitandita ka bo niŋ Noora Kuliŋo le la. Malaayikoolu le ye a je, a la kuwo kawandita nasiyoŋolu kono. Lannoo keta a la kuwo to ñiŋ duniyaa kono, a wulindita ka taa santo, kallankeeyaa* kono.

Kiilaalu 2:28

I ka baluwo siloolu le yitandi n na, i be m fandi la niŋ seewoo la i ñaa la.’

Matiyu 28:3

A ka malamala le ko saŋ ŋalasoo, aduŋ a la duŋ feŋolu be koyiriŋ ne ko perekaanoo.

Matiyu 17:2

A muluŋo naata yelema ì ñaa la jee. A ñaadaa be malamala kaŋ ko tiloo, aduŋ a la duŋ feŋolu be ñeliñeli kaŋ ko maloo.

Jakariya 9:17

A si ke kuu bete ti, aniŋ kuu ñiimaa. Bankoo siimaŋo niŋ a wayini* kutoo, si a fondinkewolu bambandi, a ye ì yiriwandi.

Hoseya 14:7

Ì be sii la n dubeŋo koto le kotenke, ì be siimaŋ kesoo fii la le kotenke, ì be yiriwaa la le ko wayini* yiroo, ì ye daraja ko Libanooni wayinoo.

Suukuwo 7:4

I kaŋo be jaŋayaariŋ ko tatoo, ì ye meŋ ñarandi samañiŋo la. I ñaalu ka malamala ko Hesiboni daloolu, mennu be dundaŋ daa to, ì ka dundaŋ daa meŋ kili Bati-Rabimu la. I nunkaloo be looriŋ ne ko Libanooni tatoo, meŋ ñaa be tilindiŋ Damasiku la.

Suukuwo 4:11

N na maañoo, i daaturoo be le ko liyo, i neŋo be timiyaariŋ ko liyo niŋ keekewo, i la sitifeŋolu ka seera ko Libanooni yiroolu.

Suukuwo 2:14

I be n ye le ko puraa, meŋ be maaboriŋ bere konkoo to, a be bitiriŋ berehuwo kono. Soŋ ŋa i ñaadaa je, ŋa i kaŋo moyi, kaatu i kaŋo diyaata le, i alihaaloo ñiiñaata.

Jabuuroolu 92:12

Moo tilindiŋolu be yiriwaa la le komeŋ teŋ suŋo, ì ye faliŋ komeŋ Libanooni sedari* yiroolu.

Kiitindirilaalu 13:6

Bituŋ musoo ñiŋ naata a fo a keemaa ye ko, “Alla la moo le naata n kaŋ, bari a muluŋo be le ko Alla la malaayikoo. A silaŋñaa warata baake le. M maŋ a ñininkaa noo, a bota naŋ daameŋ, aduŋ a fanaa maŋ a too fo n ye.

2 Musa 26:19

Kodiforo looraŋ taŋ naani le ñanta tara la a koto, looraŋ fula ye tara kaadari-wo-kaadari koto, ka pikaloolu dundi ì kono.

Jabuuroolu 80:10

A dubeŋo ye konkoolu muuri le, a buloolu ye sedari* yiri baalu muuri.

Esekiyeli 17:23

M be a tutu la Banisirayila konko jaŋ baa le kaŋ, yiribuloolu ye soroŋ a bala, a ye diŋ, a ye ke sedari yiri kekuuriŋo ti. Kunu siifaa jamaa le be ñaŋo laa la a kaŋ santo, ì ye dinkiraa soto a yiribulu dubeŋo koto.

Esekiyeli 31:8

Hani sedari yiroolu mennu be Alla la naakoo kono niŋ a te laa noo la. A niŋ junipa yiroolu buloolu faŋolu te laa noo la. Hani arimoni yiribuloolu faŋolu la ñiiñaa maŋ a sii. Yiri te Alla la naakoo kono a niŋ meŋ si muluŋ.

Jabuuroolu 92:13

Ì be tara la tuturiŋ Yaawe batudulaa le kono, ka yiriwaa ǹ na Alla la luwo to.

Niikuyaa Suukuwolu 4:7

Hee, Yerusalaamu maralilaalu la seneyaa mulunta le ko perekaanoo, ka tambi hani keekewo la, ì jaatoolu be bambandiŋ ko beroo, ì muluŋo be ñiiñaariŋ ko safiiri beroo.