Suukuwo 5:13 - Mandinka Bible

¹³ A kaaraa be le ko bambewo, seerandi feŋolu ka faliŋ daameŋ. A daaturoo be ko firi ñiimaa, a bee be sinandiŋ miiri tuloo la.

Suukuwo 5:13 ပူးပေါင်းရင်းမြစ်များ

Jabuuroolu 27:4

Kuu kiliŋ ŋa Yaawe daani wo le la, aduŋ m be wo le ñiniŋ kaŋ, ka tara sabatiriŋ a batudulaa buŋo kono m baluu tiloolu bee la, ka a la kallankeeyaa* fele, aniŋ ka bankeeroo ñiniŋ a batudulaa.

Jabuuroolu 45:2

Ite le mu kewolu kono kee ñiimaa ti, kuma ñiimaalu le ka bo i daa kono. Alla neemata i ma le fo fawu.

Jabuuroolu 45:3

Mansa kandaa, i la hawusaroo* siti i tewo la. I horomata le, aduŋ i kandaayaata.

Jabuuroolu 89:15

Seewoo be moolu le ye mennu ye i jayiñaa loŋ, mennu ka baluu ite Yaawe ñaatiliŋo maloo kono,

Suukuwo 1:10

Ñarandi feŋolu ye i tamadaa ñiiñandi, i kaŋo be ñarariŋ kantotaa ñiimaalu la.

Suukuwo 1:16

N jusukuŋo, tooñaa-tooñaa, i ñiiñaata, i beteyaata. Ñaama keroo le mu ǹ na laaraŋo ti.

Suukuwo 2:1

Nte mu firindiŋo doroŋ ne ti Saroni tundoo kaŋ, firi ñiimaa wulumbaŋo kono. Kewo ko:

Suukuwo 3:6

Muŋ ne ka naa teŋ, ka bo naŋ keñewuloo* kono, ko siisii samasimmaa? A ka seera ko miiri* aniŋ cuuraayoo, ko juloolu la seerandi feŋ munkumaalu.

Suukuwo 4:11

N na maañoo, i daaturoo be le ko liyo, i neŋo be timiyaariŋ ko liyo niŋ keekewo, i la sitifeŋolu ka seera ko Libanooni yiroolu.

Suukuwo 5:5

N wulita wo le ñaama ka bundaa yele n jusukuŋo ye, miiri tuloo be suleŋ na m buloo la, karabaanijiyo be tondi la m bulukondiŋolu la, sorondaŋo kaŋ.

Suukuwo 6:2

N jusukuŋo taata a la naakoo le to, seerandi feŋ bambewolu be daameŋ. A be a faŋ seewondi kaŋ a feŋ betoolu la, a be firi ñiimaalu kafu kaŋ ñoo ma.

Yesaya 50:4

Maarii Yaawe le ye n karandi m fokumoo la, fo n si moo bataariŋolu bambandi. Soomandaa-wo-soomandaa a ka n hamendi le, ka n lamoyi a be n karandi la meŋ na.

Yesaya 50:6

Ŋa n koo bondi moolu ye le mennu ka m buutee, n kaaraa moolu ye mennu ka m booraa saba. M maŋ n ñaadaa maabo ñaawaliroo niŋ daajii fayoo kamma.

Luka 4:22

Ì kaawata hiinakumoolu la, a ye mennu fo, ì bee ye a jayi. Ì ko, “Fo ñiŋ maŋ ke Yusufa dinkewo le ti baŋ?”

Lankenemoo 21:23

Aduŋ saatewo ñiŋ maŋ suula tiloo waraŋ karoo la maloo la a kono, kaatu Alla la kallankeeyaa le mu a la maloo ti, aduŋ a la lampoo mu Saajiiriŋo le ti.