Suukuwo 5:1 - Mandinka Bible

¹ M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

Suukuwo 5:1 ပူးပေါင်းရင်းမြစ်များ

1 Musa 37:25

Bituŋ ì taata sii ka domoroo ke. Kabiriŋ ì ye ì kuŋolu wulindi santo, ì ye juloolu je, Isimayila koomalankoolu. Ì ka naa ka bo Kileyadi ka taa Misira, ì niŋ ì la ñonkomoolu, ì la marisandiisoolu be laariŋ mennu koo to.

Jabuuroolu 147:11

Bari Yaawe ka kontaani moolu le la kuwo la, mennu ye a kuliyaa, mennu be jikiriŋ a la kanu bambaloo la.

Jabuuroolu 16:3

Lannamoolu mennu be bankoo kaŋ, wolu le foroyaata. Ì la kuwo ka n seewoo le.

Kuma Kotoomaalu 24:13

N diŋo, liyo miŋ, kaatu a beteyaata le, liyo meŋ bota kaañoo bala, be diyaa la i ye le.

Kuma Kotoomaalu 9:5

Ali naa domoroo la, ali ye n na wayini diyaariŋo miŋ.

Kawandilaa 2:5

Ŋa naakoolu niŋ kunkoolu sene le ka yiri dinnaa siifaa bee fii ì kono.

Suukuwo 1:13

N jusukuŋo ka munta n sunjoolu teema le ko miiri* munku fudoo, meŋ ka seera.

Suukuwo 4:16

Foño, wuli naŋ maraa karoo la, foño, wuli naŋ bulubaa karoo la, ali fee naŋ n na naakoo kono, seerandi feŋolu seeroo ye janjaŋ. N kanuntewo ye naa a la naakoo kono, a ye a yiridiŋ betoolu domo.

Suukuwo 4:8

N na maañoo, bo naŋ Libanooni, i ye naa n kaŋ. Bo naŋ Libanooni konkoolu to, i ye naa n kaŋ. Jii naŋ Amana Konkoo turoo to, jii naŋ Seniri niŋ Herimoni* Konkoolu to. Bo jatoolu la koloolu to, bo naŋ ñunkoolu to, soloolu be daameŋ.

Suukuwo 6:11

N taata naakoo to, alimondi* yiroolu be daameŋ, ka a juubee fo yiroolu be firi kaŋ wulumbaŋo to le, fo wayini* yiroolu be soroŋ kaŋ ne, aniŋ fo roomaani yiroolu ye firoo dati le.

Suukuwo 6:2

N jusukuŋo taata a la naakoo le to, seerandi feŋ bambewolu be daameŋ. A be a faŋ seewondi kaŋ a feŋ betoolu la, a be firi ñiimaalu kafu kaŋ ñoo ma.

Suukuwo 8:1

A ka munta m fee, i ye ke n kotookewo ti, meŋ suusuuta m baamaa sunjoo to. I si a je, niŋ n niŋ i benta mbeedoo kaŋ, n si i sumbu, moo te n jalayi la.

Suukuwo 8:13

N kanuntewo, meŋ be sabatiriŋ naakoo kono, diyaamu n ye, n kafuñoolu be i lamoyi kaŋ ne. Musoo ko:

Yesaya 23:18

Bari a tinewo niŋ a nafaa be landi la Yaawe le ye kara la. Ì te tara la maaboriŋ waraŋ ka nukuŋ. A la tinewo be tara la moolu le ye mennu ka baturoo ke Yaawe ñaatiliŋo la, ka domori jamaa niŋ sitifeŋ ñiimaa soto.

Yesaya 5:1

M be suukuwo laa la n kanuntewo ye le, a la wayini* yiri kankaŋo la kuwo kamma la: N kanuntewo ye yiri kankaŋo le soto konko daala, daameŋ ye jambandoo soto.

Yesaya 51:3

Tooñaa-tooñaa, Yaawe be Siyoninkoolu* sabarindi la le, aduŋ a be balafaa soto la ì ye le, ì la saatewo tumbunta ñaameŋ. A be ì la wuloo ke la le ko Edeni naakoo, ì la keñewuloo* ye ke ko Yaawe la naakoo. Ì be seewoo niŋ kontaanoo soto la jee le, ì ye Alla tentu niŋ suukuulaa la.

Yesaya 53:11

A la mantooroo jeriŋ koolaa, a be tara la mala baa le kono, a ye wasa. N na dookuulaa tilindiŋo, ka bo niŋ a la londoo la, moo jamaa si ke moo tilindiŋo ti, kaatu a be ì la junuboo bee dunoo taa la le.

Yesaya 58:11

Waati-wo-waati nte Yaawe le be ali ñaatonkayaa la. M be ali suula kuwolu ke la ali ye banku jaaroo kaŋ ne, fo ali ye wasa. M be ali kuloolu bambandi la le. Ali be muluŋ na le ko naakoo meŋ ye jiyo soto kendeke, waraŋ woyoo meŋ nene buka jaa.

Yesaya 61:11

Saayiŋ m Maarii Yaawe be a ke la le, tiliŋo niŋ jayiroo ye naa bankoolu bee kaŋ, ko fiifeŋ kesoolu ka faliŋ naakoo kono ñaameŋ, aniŋ ko bankoo ka fiifeŋ mereŋo so semboo la ñaameŋ.

Yesaya 65:13

Saayiŋ Maarii Yaawe ye ñiŋ ne fo ko: “N na dookuulaalu be domoroo ke la le, bari alitolu be konko la le. N na dookuulaalu be i miŋ na le, bari mindoo be alitolu muta la le. N na dookuulaalu be seewoo la le, bari alitolu be duŋ na maloo le kono.

Yesaya 66:14

Niŋ ali ye ñiŋ je, ali be seewoo soto la ali sondomoo kono le, aduŋ ali be wulikuu la le ko ñaamoo, Yaawe la dookuulaalu be a semboo je la le, bari a be a la kamfaa yitandi la a jawoolu le la.

Matiyu 25:40

Bituŋ mansakewo si naa ì jaabi ko, ‘Tooñaa, m be a fo la ali ye, ali ye kuu-wo-kuu meŋ ke n ñiŋ baadiŋ kiliŋ ye, hani meŋ na kuwo dooyaata ì bee kono, ali ye a ke nte le ye.’

Luka 12:4

“N teeroolu, m be a fo la ali ye, ali kana sila moolu la, mennu si balajaatoo faa noo, bari wo koolaa ì buka naa kuu koteŋ ke noo.

Yohana 3:29

Moo meŋ ye maañoo soto, wo le mu maañootiyo ti. Maañootiyo teerimaa ka loo le, a ye a lamoyi, aduŋ a ka jusulaa baake le, niŋ a ye maañootiyo kaŋo moyi. Ñiŋ ne mu nte la seewoo ti, meŋ timmata saayiŋ.

Kiilaalu 11:29

Wo to le Yeesu noomalankoolu naata kambeŋ ñiŋ na ko, itolu meŋ-wo-meŋ na sotoo kaañanta meŋ fee, ì si wo ke deemaaroo ti baadiŋolu* ye, mennu be sabatiriŋ Yudeya.

Efesusinkoolu 5:18

Aduŋ ali kana siira doloo la, meŋ ka fankeñaa lombaliyaa saabu ka kuu nooriŋolu ke, bari ali si faa niŋ Noora Kuliŋo la.

Lankenemoo 22:17

Noora Kuliŋo niŋ maañoo ko, “Naa!” Aduŋ meŋ ye ñiŋ moyi, wo si a fo ko, “Naa!” Mindoo be meŋ na, a si naa, aduŋ moo meŋ hameta, wo si baluwo jiyo taa, joori te meŋ to.

Kiitindirilaalu 14:11

Kabiriŋ Filisitinkoolu ye a je, ì ye kambaane taŋ saba tomboŋ ka kafu a fee a la futuusiti juuraloo to.

Kiitindirilaalu 14:20

Ì naata Samuuda la musoo niilaa ka a dii kambaane doo la, a niŋ meŋ ye a la futuusiti juuraloo kidimandi.