Suukuwo 3:2 - Mandinka Bible

² N ko m faŋ ye ko, “M be wuli la le saayiŋ, ŋa saatewo yaayi, mbeedoolu kaŋ, aniŋ bendulaalu to taariŋ, ka n kanuntewo ñini.” Ŋa a ñini, bari m maŋ a je.

Suukuwo 3:2 ပူးပေါင်းရင်းမြစ်များ

Efesusinkoolu 5:14

aduŋ feŋ-wo-feŋ meŋ jeta maloo kono, wo fanaa keta maloo le ti. Wo kamma la, a fota le ko: “Ite siinoolaa, kuniŋ i ye wuli saayaa kono, aduŋ Kiristu be a la maloo mala la i kaŋ ne.”

1 Korintinkoolu 15:34

Ali hakilintaŋyaa bula, aniŋ ali kana junuboo ke kotenke. Alitolu doolu maŋ feŋ loŋ Alla la kuwo to. Ŋa ñiŋ fo le, fo ali si malu.

Roomankoolu 13:11

Ali ye waatoo loŋ ne fanaa, m̀ be meŋ kono. Waatoo naata le fo ali si kuniŋ ali la siinoo kono, kaatu ǹ na kiisoo sutiyaata ǹ na le saayiŋ ka tambi wo waatoo la, ŋà lannoo soto meŋ na.

Yohana 1:6

Kee doo le sotota nuŋ, Alla ye meŋ kii. A too mu Yaayaa le ti.

Yeremiya 5:1

Yaawe* ko: “Ali Yerusalaamu mbeedoolu muruŋ-muruŋ baŋ, ka juubeeroo ke, ali ye i miira. Ali ñinindiroo ke a bantabaalu to, fo ali be moo le je la meŋ ka taama tiliŋo kono, aniŋ ka foroyaa tooñaa kaŋ. Niŋ wo sotota, n si yamfa saatewo ye.

Yesaya 64:7

Moo buka i too kumandi waraŋ ka a fo i ye a maakoyi, kaatu i ye i koo dii ǹ na le. I ye m̀ bula fo ǹ na junuboolu ye ǹ kasaara.

Suukuwo 5:5

N wulita wo le ñaama ka bundaa yele n jusukuŋo ye, miiri tuloo be suleŋ na m buloo la, karabaanijiyo be tondi la m bulukondiŋolu la, sorondaŋo kaŋ.

Kuma Kotoomaalu 8:34

Seewoo be moo ye, meŋ ka i lamoyi n na, aniŋ meŋ ka m fintitoo kanta luŋ-wo-luŋ, a ka n duntoo batu.

Suukuwo 3:3

N niŋ saatee kantalaalu benta, biriŋ ì be saatee muruŋ-muruŋo la, ŋa ì ñininkaa ko, “Ali maŋ n kanuntewo je n ye baŋ?”

Suukuwo 1:7

N jusukuŋo, a fo n ye, i ka i la saajiyolu kanta daameŋ, ì ka i foñondiŋ daameŋ tilikuntewo. M maŋ lafi ka n ñaadaa muuri ko cakoo, ka i ñini i mooñoo kantarilaalu la saajii koorewolu kono. Kewo ko: