Suukuwo 2:14 - Mandinka Bible

¹⁴ I be n ye le ko puraa, meŋ be maaboriŋ bere konkoo to, a be bitiriŋ berehuwo kono. Soŋ ŋa i ñaadaa je, ŋa i kaŋo moyi, kaatu i kaŋo diyaata le, i alihaaloo ñiiñaata.

Suukuwo 2:14 ပူးပေါင်းရင်းမြစ်များ

Suukuwo 1:5

Alitolu Yerusalaamu dimmusuriŋolu! M balafatoo finta le, bari n ñiiñaata, m be findiŋ ne ko Kedari tiriliisoo*, m be ñiiñaariŋ ko Sulemani la ridoo.

Suukuwo 8:13

N kanuntewo, meŋ be sabatiriŋ naakoo kono, diyaamu n ye, n kafuñoolu be i lamoyi kaŋ ne. Musoo ko:

Suukuwo 5:2

M be siinoo kaŋ, bari n hakiloo maŋ tenkuŋ. I lamoyi baŋ, n jusukuŋo le be konkondiroo la. Kewo ko: M baarimmusu, n kanuntewo, bundaa yele n ye, n na puraariŋo, n na musu timmariŋo. N kuŋo bee sinanta tuutuwo la le, suuto komboo ye n kuntiñoo bee sinandi. Musoo ko:

2 Musa 3:6

Bituŋ a ko, “Nte le mu i mumuñolu la Alla ti, Iburayima la Alla, Isiyaaka la Alla, aniŋ Yaakuba la Alla.” Biriŋ wo to, Musa ye a ñaadaa muuri, kaatu a silata le, ka Alla juubee.

Lankenemoo 5:8

Kabiriŋ Saajiiriŋo ye a taa, wo daafeŋ baluuriŋ naanoo niŋ wo alifaa muwaŋ niŋ naanoo sujudita a ñaatiliŋo la, ì meŋ-wo-meŋ niŋ kontiŋo aniŋ sani booloolu, mennu be faariŋ cuuraayoo la. Wo cuuraayoo mu Alla la moo senuŋolu la duwaa le ti.

Hiburunkoolu 4:16

Wo to, ali ŋà fatiyaa ka sutiyaa Alla hiinantewo la mansasiiraŋo ma, fo ǹ si balafaa niŋ hiinoo soto ǹ na maakoyiroo to, ǹ suulata ì la waatoo meŋ na.

Obadiya 1:3

Ali ye ali yaalu loo bere konko jaŋolu le kaŋ santo, ali be tankoo kono jee. Ali ye ñiŋ ne miira ko, moo te ali jindi noo la. Bari ali la faŋ waroo le ye ali neenee.

Esekiyeli 7:16

Niŋ moo-wo-moo kanata ka baluu, a be tara la konkoolu le kaŋ. Moo-wo-moo be tara la woosii la a la junuboolu le la, ko wulumbaŋ kono puraa.

Yeremiya 48:28

Alitolu Mowabinkoolu, ali bo saatewolu to, ka taa sabati konko beroolu kono, ali ke ko puraalu, ka ñaŋolu ke konko faroolu daakuloo la.

Yesaya 60:8

“Jumaa le mu ñinnu ti, ka tii naŋ ko minaayoo, ko puraalu ka muru ì la ñaŋolu kono?

Yesaya 51:3

Tooñaa-tooñaa, Yaawe be Siyoninkoolu* sabarindi la le, aduŋ a be balafaa soto la ì ye le, ì la saatewo tumbunta ñaameŋ. A be ì la wuloo ke la le ko Edeni naakoo, ì la keñewuloo* ye ke ko Yaawe la naakoo. Ì be seewoo niŋ kontaanoo soto la jee le, ì ye Alla tentu niŋ suukuulaa la.

Suukuwo 1:15

Tooñaa, n kanuntewo, i ñiiñaata le, tooñaa, i ñiiñaata le, i ñaa be le ko puraa ñaa. Musoo ko:

Yuuda 1:24

Tenturoo niŋ jayiroo be ate le ye, meŋ si ali tanka noo boyoo ma, ka ali sootaaribaloolu samba a la kallankeeyaa kono, ali be seewoo soto la a ñaatiliŋo la daameŋ.

1 Pita 3:4

bari ali la ñiiñaa si bo niŋ ñarandi kuwolu la, mennu be maaboriŋ ali sondomoo kono, aduŋ ì te kasaara la. Tenkuŋo niŋ mooyaa le mu naafuloo ti, meŋ kummaayaata Alla ñaatiliŋo la.

Hiburunkoolu 10:22

wo to ali ŋà sutiyaa Alla la niŋ sondome betoo la, meŋ be faariŋ lannoo la, dankeneyaa kono. A yeloo sariŋ-sariŋo si ǹ sondomoolu seneyandi fo ì kana ǹ tuumi noo feŋ na, aduŋ m̀ balajaatoolu si kuu niŋ jii senuŋo la.

Kolosankoolu 1:22

Bari saayiŋ, Alla ye a niŋ ali diyandi le ka bo niŋ Kiristu balajaatoo la, meŋ faata, fo ali si yitandi Alla ñaatiliŋo la ko moo senuŋolu mennu maŋ sootaaroo soto, aduŋ ì te tuumi noo la.

Efesusinkoolu 5:27

fo a si a parendi a faŋo ye kallankeeyaa* kono. A ye wo ke le, fo lanjuuroo, noroo waraŋ wo ñoŋ kuu siifaa doo te soto la a bala, bari a si seneyaa sootaaribaliyaa kono.

Matiyu 10:16

“Ali a kalamuta ko, m be ali kii kaŋ banta le ko saajiyolu, mennu be suluwolu kono. Wo kamma la ali si feere ko woloo, aniŋ ali si sooneeyaa ko puraa.

Matiyu 3:16

Kabiriŋ Yeesu batiseeta, a fintita naŋ jiyo kono doroŋ, saŋo yeleta. A naata Alla la Nooroo je jii la a kaŋ ko puraa.

Daniyeli 9:7

Maariyo, ite doroŋ ne ka taama tiliŋo la, bari ntolu ka maloo doroŋ ne laa m̀ faŋolu kaŋ, ko a be ñaameŋ bii. Wo le keta ntolu Yahuudoolu ti, ka taa moolu mennu be siiriŋ Yerusalaamu, aniŋ Banisirayila moo toomaalu bee, i ye mennu janjandi dulaa jaŋolu niŋ dulaa sutuŋolu to. I ye wo ke le kaatu ì ye jamfaa kuwo le ke i la.

Yesaya 6:5

N wuurita ko, “Kooroo boyita n kaŋ ne. N kasaarata le. Kaatu nte mu moo le ti, meŋ ka junube kumoo fo, aduŋ n niŋ moolu le be siiriŋ mennu buka tooñaa kumoo fo, aduŋ n ñaa ye Mansoo je le, Yaawe Alihawaa Maariyo.”

Yesaya 2:21

Ì be bori la le ka i maabo berehuwolu kono, aniŋ konko faroolu teema, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Suukuwo 1:8

Musoolu bee musu ñiimaa, niŋ i maŋ wo dulaa loŋ, wo to saajiyolu sinnoo nooma, i ye i la baariŋolu daañini kantarilaalu la tiriliisoolu maafaŋ.

Kuma Kotoomaalu 15:8

Moo jawoo la sadaa* mu Yaawe tanoo le ti, bari a ka seewoo le, ka moo tilindiŋo la duwaa muta.

Jabuuroolu 110:3

Luŋo meŋ na keloo wulita, i la moolu be wakiili la le. Komeŋ soomandaa juuna komboo, i la fondinkewolu be naa i kaŋ ne faramansoo niŋ seneyaa kono.

Jabuuroolu 74:19

Kana i la puraa niyo dii ñiŋ daafeŋ saŋaroolu la, kana ñina i la moo toorariŋolu la fo fawu.

Jabuuroolu 68:13

Alitolu doolu ye ali faŋolu yeebu kuu saajii koorewolu kono ñaa-wo-ñaa, Banisirayila puraamaa ñarandita kodiforoo le la, a dampaŋolu ñarandita saniforoo la.

Jabuuroolu 50:23

Moo meŋ ka tenturoo dii n na sadaa ti, wo maarii ka nte le horoma a ñaama. Moo-wo-moo ka taama sila kendoo la, wo kono nte Alla be a kiisa la le.”

Jabuuroolu 45:11

I la ñiiñaa be i la kuwo buuñandi la mansa ma le, bayiri i maariikee le mu, wo to soŋ a ye.

Jabuuroolu 22:3

Hani wo ite le mu Alla senuŋo ti, aduŋ Banisirayilankoolu ye i la mansasiiraŋo kuliyaa niŋ jayiroo le la.

Yuuba 9:16

Niŋ ŋa a samane, a ye n danku, n te laa la ñiŋ na ko, a be i lamoyi la m fokumoo la le.

Jabuuroolu 45:12

Tire saatee moolu be i ñaañini la niŋ soorifeŋolu le la, naafulutii baalu be i ñaañini la le.