Suukuwo 2:13 - Mandinka Bible

¹³ Sooto diŋolu be moo kaŋ, wayini yiroolu be firi kaŋ, ì firoolu be seera kaŋ. Wuli, n kanuntewo, n na musu ñiimaa, naa ŋà taa.” Kewo ko:

Suukuwo 2:13 ပူးပေါင်းရင်းမြစ်များ

Suukuwo 2:10

N jusukuŋo ko n ye ko: “Wuli, n kanuntewo, n na musu ñiimaa, naa ŋà taa.

Yesaya 61:11

Saayiŋ m Maarii Yaawe be a ke la le, tiliŋo niŋ jayiroo ye naa bankoolu bee kaŋ, ko fiifeŋ kesoolu ka faliŋ naakoo kono ñaameŋ, aniŋ ko bankoo ka fiifeŋ mereŋo so semboo la ñaameŋ.

2 Korintinkoolu 5:20

Wo to ntolu mu Kiristu la kiilaalu* le ti, aduŋ Alla ka a la kumandiroo ke ka bo niŋ ntolu le la. Ǹ ka ali daani Kiristu tooyaa la ka soŋ, ali niŋ Alla ye diyaa.

Luka 19:42

A ko, “N hameta, i ye a loŋ, i la kayiroo be dendiŋ meŋ na, bari saayiŋ a be maaboriŋ i ñaalu ma le!

Matiyu 24:32

“Ali si ñiŋ kuwo fahaamu ka bo niŋ sooto suŋo la taamanseeroo la. Niŋ a buloolu jambakereta aniŋ a soronta doroŋ, ali ka a loŋ ne ko, samaa sutiyaata naŋ ne.

Hakayi 2:19

Fo siimaŋ kese le tuta buntuŋ kono baŋ? Fo hani saayiŋ sooto suŋolu, wayini yiroolu, roomaani* yiroolu, aniŋ olifu* yiroolu ka diŋ ne baŋ? “Ka bo ñiŋ luŋo la, m be neema la ali ma le.”

Hoseya 14:6

A be buloolu fayi la le, a ye ñiiñaa ko olifu* yiroo, a ye seera ko Libanooni yiroo.

Yesaya 18:5

Kaatu janniŋ katiroo, niŋ firoo bee bota ka diŋ doroŋ, ì be soroŋolu kuntu la muroo le la, ì ye yiribulu biireeriŋolu jasi.

Suukuwo 7:8

N ko m faŋ ye ko, m be ñiŋ tamaree suŋo sele la le, ŋa m miniŋ a ñatoolu la. Allamaa i sunjoolu ye ke ko wayini yiridiŋo, i niijii foñoo ye seera ko pomoo,

Suukuwo 6:11

N taata naakoo to, alimondi* yiroolu be daameŋ, ka a juubee fo yiroolu be firi kaŋ wulumbaŋo to le, fo wayini* yiroolu be soroŋ kaŋ ne, aniŋ fo roomaani yiroolu ye firoo dati le.

Suukuwo 1:15

Tooñaa, n kanuntewo, i ñiiñaata le, tooñaa, i ñiiñaata le, i ñaa be le ko puraa ñaa. Musoo ko:

Suukuwo 2:15

Ali kunkuwuloolu muta n ye, ñiŋ kunkuwulundiŋolu, itolu le ka wayini yiri kankaŋolu tiñaa, ǹ na wayini yiroolu be firi kaŋ ne. Musoo ko: