Suukuwo 1:8 - Mandinka Bible

⁸ Musoolu bee musu ñiimaa, niŋ i maŋ wo dulaa loŋ, wo to saajiyolu sinnoo nooma, i ye i la baariŋolu daañini kantarilaalu la tiriliisoolu maafaŋ.

Suukuwo 1:8 ပူးပေါင်းရင်းမြစ်များ

Suukuwo 6:1

Musoolu bee musu ñiimaa, i jusukuŋo taata mintoo le? I jusukuŋo ye sila jumaa le taa, fo ǹ niŋ i si a ñini ñoo la? Musoo ko:

Suukuwo 5:9

Musoolu bee musu ñiimaa, i jusukuŋo fisiyaata kee doolu ti ñaadii le? A la kuwo tambita doolu la ñaadii le, fo i ka ǹ daani a la kuwo la teŋ? Musoo ko:

1 Pita 3:6

Saara fanaa ye wo le ke, a ye Iburayima la yaamaroolu muta, aduŋ a ka a kumandi a maarii le la. Alitolu mu Saara dimmusoolu le ti, niŋ ali tententa kuu bete kewo la, ali kana sila feŋ-wo-feŋ na.

Yankuba 5:10

Baadiŋolu, ali annabiyomoolu la muñoo niŋ tooroolu ke misaaloo ti, mennu diyaamuta Maariyo too la.

Yankuba 2:21

Fo m̀ mumu Iburayima maŋ tiliŋo soto ka bo niŋ kebaaroolu le la, biriŋ a ye a dinkewo Isiyaaka bo sadaa ti sadaabodulaa* kaŋ?

Hiburunkoolu 13:7

Ali hakiloo si bula ali la ñaatonkoolu la, mennu ye Alla la kumoo fo ali ye nuŋ. Ali i miira ì la baluwo la, aniŋ ì ye kuu betoolu mennu saabu. Ali ì la lannoo kuwo nikiŋ.

Hiburunkoolu 6:12

M̀ maŋ lafi alitolu ye ke moo naafariŋolu ti, bari ali si moolu nikiŋ, mennu ka tu looriŋ lannoo niŋ muñoo kaŋ. Wo kamma la ì ka kuwolu keetaa le, mennu laahidita ì ye.

Efesusinkoolu 5:27

fo a si a parendi a faŋo ye kallankeeyaa* kono. A ye wo ke le, fo lanjuuroo, noroo waraŋ wo ñoŋ kuu siifaa doo te soto la a bala, bari a si seneyaa sootaaribaliyaa kono.

1 Korintinkoolu 11:1

Ali ke n na kuwo nikinnaa ti ko nte mu Kiristu* la kuwo nikinnaa ti ñaameŋ.

Yohana 21:15

Kabiriŋ ì ye daasaamoo baŋ, Yeesu ko Simoni Pita ye ko, “Simoni Yohana dinkewo, fo i ye n kanu le ka tambi ñinnu la baŋ?” A ko a ye ko, “M Maarii, haa de, ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiiriŋolu daañini!”

Yeremiya 6:16

Yaawe ye ñiŋ ne fo ko: “Ali loo sila fatoolu to, ali ye juubeeroo ke, ali sila kotoolu la kuu ñininkaa, ali ye ñininkaari ke sila betoo la, ali ye taama a la, wo to le ali niyo si dahaa soto. Bari ali ko ali te wo le ke la.

Suukuwo 4:10

M baarimmusu, i la kanoo diyaata ñaameŋ! N na maañoo, i la kanoo le diyaata wayinoo* ti. I la tuloo seeroo le diyaata seerandi feŋ koteŋolu bee ti.

Suukuwo 4:7

N kanuntewo, i dulaa bee le ñiiñaata, feŋ maŋ dasa i bala.

Suukuwo 4:1

N kanuntewo, i ñiiñaata ñaameŋ, i ñiiñaabaata le. I ñaa be le ko puraa ñaa, i la kuŋ bitiraŋo koto. I kuntiñoo be le ko niŋ baa koorewo niŋ boroo be Kileyadi Konkoo jii kaŋ.

Suukuwo 2:10

N jusukuŋo ko n ye ko: “Wuli, n kanuntewo, n na musu ñiimaa, naa ŋà taa.

Suukuwo 1:15

Tooñaa, n kanuntewo, i ñiiñaata le, tooñaa, i ñiiñaata le, i ñaa be le ko puraa ñaa. Musoo ko:

Kuma Kotoomaalu 8:34

Seewoo be moo ye, meŋ ka i lamoyi n na, aniŋ meŋ ka m fintitoo kanta luŋ-wo-luŋ, a ka n duntoo batu.

Jabuuroolu 45:13

Mansa maañoo dunta mansabuŋo kono, a niŋ a la ñiiñaa baa, sani daarifaanoolu be dundiŋ a la.

Jabuuroolu 45:11

I la ñiiñaa be i la kuwo buuñandi la mansa ma le, bayiri i maariikee le mu, wo to soŋ a ye.

Jabuuroolu 16:3

Lannamoolu mennu be bankoo kaŋ, wolu le foroyaata. Ì la kuwo ka n seewoo le.

Yankuba 2:25

Fo cakamusoo Rahabu la kuwo fanaa maŋ ke wo ñaa kiliŋo le ñaama baŋ? A ye tiliŋo soto ka bo niŋ a la kebaaroolu le la, biriŋ a ye wo kewolu jiyaa, Banisirayilankoolu ye mennu kii, a ye ì kanandi niŋ sila doo la.