Suukuwo 1:15 - Mandinka Bible

¹⁵ Tooñaa, n kanuntewo, i ñiiñaata le, tooñaa, i ñiiñaata le, i ñaa be le ko puraa ñaa. Musoo ko:

Suukuwo 1:15 ပူးပေါင်းရင်းမြစ်များ

Suukuwo 4:1

N kanuntewo, i ñiiñaata ñaameŋ, i ñiiñaabaata le. I ñaa be le ko puraa ñaa, i la kuŋ bitiraŋo koto. I kuntiñoo be le ko niŋ baa koorewo niŋ boroo be Kileyadi Konkoo jii kaŋ.

Suukuwo 5:12

A ñaakesoolu be koyiriŋ ne ko woyoo daala puraa, ko puraa meŋ ye i kuu keekewo kono, ì bee be kekuuriŋ.

Suukuwo 4:7

N kanuntewo, i dulaa bee le ñiiñaata, feŋ maŋ dasa i bala.

Malaki 2:14

Ali naata ñininkaaroo ke ko, “Muŋ ne ye wo saabu?” Kaatu Yaawe keta kee-wo-kee niŋ a la musoo teema seedoo le ti, a ye meŋ futuu a la fondinkeeyaa waatoo la. Ali maŋ foroyaa ali la futuumusoolu ye, ì keta ali nomoñoolu ti ñaa-wo-ñaa, futuwo saratoo be ali niŋ mennu teema.

Suukuwo 7:6

N kanuntewo, i ñiiñaata ñaameŋ, i timinaŋo diyaata, i la kuwo ye n jusoo laa le.

Suukuwo 6:4

N kanuntewo, i be ñiiñaariŋ ne ko Tirisa saatewo, i ñiiñaata ko Yerusalaamu, i la kuwo be warariŋ, a kaawakuuyaata ko kelediŋ kafoo niŋ ì la bandeeroo.

Suukuwo 5:2

M be siinoo kaŋ, bari n hakiloo maŋ tenkuŋ. I lamoyi baŋ, n jusukuŋo le be konkondiroo la. Kewo ko: M baarimmusu, n kanuntewo, bundaa yele n ye, n na puraariŋo, n na musu timmariŋo. N kuŋo bee sinanta tuutuwo la le, suuto komboo ye n kuntiñoo bee sinandi. Musoo ko:

Suukuwo 4:10

M baarimmusu, i la kanoo diyaata ñaameŋ! N na maañoo, i la kanoo le diyaata wayinoo* ti. I la tuloo seeroo le diyaata seerandi feŋ koteŋolu bee ti.

Suukuwo 2:13

Sooto diŋolu be moo kaŋ, wayini yiroolu be firi kaŋ, ì firoolu be seera kaŋ. Wuli, n kanuntewo, n na musu ñiimaa, naa ŋà taa.” Kewo ko:

Suukuwo 2:10

N jusukuŋo ko n ye ko: “Wuli, n kanuntewo, n na musu ñiimaa, naa ŋà taa.

Suukuwo 1:8

Musoolu bee musu ñiimaa, niŋ i maŋ wo dulaa loŋ, wo to saajiyolu sinnoo nooma, i ye i la baariŋolu daañini kantarilaalu la tiriliisoolu maafaŋ.

Suukuwo 1:9

N kanuntewo, i ka munta le ko suu ñiimaa, meŋ ka Firawoona la mansa sareetoo saba.

Suukuwo 1:16

N jusukuŋo, tooñaa-tooñaa, i ñiiñaata, i beteyaata. Ñaama keroo le mu ǹ na laaraŋo ti.

Suukuwo 6:10

Jumaa le mu ñiŋ ti teŋ, meŋ ka muluŋ naŋ ko siiliŋ boo? A be ñiiñaariŋ ko karoo, a ka malamala ko tiloo, a la kuwo be warariŋ, a kaawakuuyaata ko kelediŋ kafoo niŋ ì la bandeeroo.

Suukuwo 7:7

I be lookuuriŋ ne ko tamaree suŋo, i sunjoolu be ko a ñatoolu.