Sefaniya 3:19 - Mandinka Bible

¹⁹ Ñiŋ waatoo la, n niŋ moolu le be maa la ñoo la, mennu ye ali toorandi. M be lanjuurutoolu tanka la le, ŋa moolu kafu ñoo ma mennu be janjandiŋ. M be horomoo niŋ buuñaa dii la ì la le, bankoolu kaŋ ì ye ì malundi mennu bee to.

Sefaniya 3:19 ပူးပေါင်းရင်းမြစ်များ

Yesaya 60:14

I toorandilaalu koomalankoolu be naa ñoyi la i koto le, moolu mennu bee jututa i la, be naa ñoyi la i siŋo koto le. Ì be ite Siyoni kumandi la Yaawe la Saatewo le la, Banisirayila la Alla Senuŋ Baa la Saatewo.

Yeremiya 30:16

“Bari silaŋ, mennu ye i baluu ali la, ì fanaa be ke la baluutaa ti le, aduŋ ali konnantewolu kiliŋ-wo-kiliŋ be taa mutoo kono le. Mennu ye ali ke ñapinkaŋ feŋo ti, ì be ke la ñapinkaŋ feŋo ti le. Mennu ye ali ke buusi feŋo ti, ì be ke la buusi feŋo ti le.

Sefaniya 3:15

Yaawe ye i la jaraboo sika i kaŋ ne, a ye i jawoolu bayi. Yaawe, Banisirayila la Mansa be i fee le, i te sila la bataa kuu la kotenke.

Mika 7:10

Jawoolu ñaa be boyi la ñiŋ kaŋ ne, aduŋ ì si malu, itolu mennu ka ǹ ñaawali ko, “Ali la Alla Yaawe, a lee?” Ǹ ñaa be boyi la ì la kooroo kaŋ ne, aduŋ a si ke ǹ ñaa la jaŋ, ko mbeedikaŋ buutoo, dori-dori laaloo.

Esekiyeli 34:16

“M be wo saajii filiriŋolu ñini la le, aduŋ mennu janjanta, m be ì murundi la naŋ ne. M be ì la baramoolu siti la le aniŋ ka ì lamfuriŋolu maakoyi. Bari wo nunkumaalu niŋ bambandiŋolu, m be wolu kasaara la le, kaatu m be ì daañini la tiliŋo le kono, bayiri ì jarita meŋ na, i be wo le soto la.”

Yesaya 61:7

N na moolu, ali la malu kuwo noo to, ali be fanka baa le soto la. Ali la dooyaa noo to, ali be kontaanoo le soto la ali la keetaafeŋo to. Wo to ali be dulaa fula le soto la keetaa to ali la bankoo kaŋ, aduŋ ali be tara la seewoo bambaloo le kono.

Yeremiya 33:9

Ñiŋ Yerusalaamu saatewo too si ke n ye seewoo ti, duniyaa banku koteŋolu bee ye n jayi, ka n horoma baake, niŋ ì ye a moyi nte ye kuu kendoo meŋ bee ke ñiŋ saatewo moolu ye. Wo moolu be kuu kendoo niŋ firiŋo je la le, ŋa meŋ dii ñiŋ saatewo la, fo ì ye sila ka jarajara.

Hiburunkoolu 12:13

Ali silandiŋolu tembendi ali siŋolu ye, fo namatoo cokoolu kana bo ñoo daa, bari ì si kendeyaa.

Yesaya 60:18

Fitina kuwo te moyi la i la bankoo kaŋ kotenke, waraŋ tiñaaroo niŋ kasaaroo i la naanewolu to. I be i la tata sansaŋolu kumandi la Kiisoo le la, i la saatee dundaŋ daalu, Jayiroo.

Esekiyeli 39:26

Niŋ ì dunta ì la bankoo kaŋ kayiroo kono, ì tankata banku doolu ma mennu ka ì silandi, wo to le ì be ñina la ì la malu kuwolu bee la, aniŋ foroyaabaliyaalu, ì ye mennu tiliŋ nte Yaawe la.

Lankenemoo 20:9

Ì naata bo naŋ duniyaa karoo bee la, ì ye moo senuŋolu la daakaa muruŋ-muruŋ, meŋ mu kanu saatewo ti. Bari dimbaa jiita ì kaŋ duuma, ka bo Arijana kono, a ye ì kasaara.

Yeremiya 46:28

Kana sila, ite Yaakuba koomoo, n na dookuulaa, kaatu m be ali fee le, ŋa wo bankoolu bee buruka le, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ali to ñaameŋ, n te ali bula la muk, m maŋ ali kuluu.” Yaawe le ye a fo.

Yesaya 62:7

Ali kana i foño, fo niŋ a ye Yerusalaamu loo fo a ye bambaŋ, a ye ke duniyaa ye jayiri dulaa ti.

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Yeremiya 31:8

A juubee, m be ì bondi la naŋ bankoo meŋ be maraa kara maafaŋo la, ŋa ì kafu naŋ ñoo ma ka bo duniyaa dulaa jamfariŋolu to. Finkintewolu niŋ lanjuurutoolu be tara la ì kono le, konomaatoolu niŋ tintoolu bee, ì kafu jamaa baa le be seyi la naŋ.

Esekiyeli 16:27

“Wo to m fanaa be mantooroo laa la i kaŋ ne, ka i la bankoo dulaa doolu buusi i la, ka i duŋ i jawoolu Filisitinkoolu bulu, hani i la ñiŋ malubaliyaa maañaa ka mennu faŋolu malu.

Esekiyeli 39:13

Moolu mennu bee be bankoo ñiŋ kaŋ be tara la ì baadee kaŋ ne. Wo le be horomoo niŋ buuñaa samba la naŋ ì kaŋ, wo luŋo meŋ na m be n na kallankeeyaa* yitandi la.” Maarii Yaawe le ye a fo.

Jakariya 8:23

Yaawe Alihawaa Maariyo ye ñiŋ ne fo ko: Ñiŋ waatoo la, sii koteŋolu moo taŋ si i miniŋ Yahuudoo la waramba tuloo la, ka a fo a ye ko, “M̀ batu ŋà bula ali nooma, kaatu ŋà a moyi le ko, Alla be ali fee le.”

5 Musa 26:19

Niŋ ali ye kuwolu bee ke ì ñaama, Yaawe be ali semboo warandi la duniyaa banku moolu bee le ti, a ye mennu daa. Aduŋ a be a ke la le, ali ye ke buuñaa moolu ti ka jayiroo soto aniŋ darajoo. Aduŋ ali be ke la Yaawe ali la Alla la moo senuŋolu le ti, ko a ye a laahidi ñaameŋ.

Kiitindirilaalu 1:7

Bituŋ Adoni-Beseki kumata ko, “Alla ka juloo le joo n to. Mansakee taŋ woorowula nene tarata m fanaa koto le, ŋa mennu bulukumbaalu niŋ ì sinkumbaalu kuntu. Ì ka tara domoritoo sikoo le la n na taabuloo koto.” Bituŋ ì ye a samba naŋ Yerusalaamu, a faata wo le to.

Yesaya 33:1

Kooroo be boyi la ite kasaaralilaa kaŋ ne, moo maŋ ite meŋ kasaara. Kooroo be boyi la ite jamfaalaa kaŋ ne, moo maŋ ite meŋ jamfaa. Niŋ i ye i foño kasaaraloo la, hani wo, i be kasaara la le. Niŋ i ye i foño jamfaamooyaa la, wo to le jamfaa kuwo be naa ke la i la.

Yeremiya 30:19

Tenturu suukuwolu le be kali kuma la naŋ ì kono, aniŋ moolu la seewoo wuurikaŋo. M be ì yaatewo siyandi la le, ì kana dooyaa, ŋa ì buuñandi, moo kana ì malundi kotenke.