Sefaniya 3:17 - Mandinka Bible

¹⁷ Yaawe, ali la Alla be ali fee le. Ate le mu kelejawaroo ti meŋ ka nooroo ke. A be seewoo la ali la kuwo la le. A la kanoo ali kaŋ, wo be dahaa le dii la ali la, a ye ali la kuwo denkili seewoo kamma la.”

Sefaniya 3:17 ပူးပေါင်းရင်းမြစ်များ

Jabuuroolu 149:4

Yaawe ka kontaani a la moolu la kuwo la le. A ka horomoo dii fammajiilaalu la le ka bo niŋ nooroo la ì jawoolu kaŋ.

Jabuuroolu 147:11

Bari Yaawe ka kontaani moolu le la kuwo la, mennu ye a kuliyaa, mennu be jikiriŋ a la kanu bambaloo la.

Yeremiya 32:41

M be seewoo la le ka kuu kendoo ke ì ye, aduŋ m be ì tutukuu la ñiŋ bankoo kaŋ tooñaake le, n sondomoo niŋ n niyo la.

Hiburunkoolu 7:25

Wo le ye a tinna a ka moolu kiisa noo, mennu ka sutiyaa Alla la ka bo niŋ ate la, baawo a be baluuriŋ ne fo abadaa ka duwaa ì ye.

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

5 Musa 30:9

Yaawe ali la Alla be yiriwaa dii la ali la le kendeke, biriŋ diŋolu to, beeyaŋolu, siimaŋo, aniŋ ali la kata kuwolu bee to. A be ke la Yaawe ye seewoo le ti ka firiŋo dii ali la, ko a seewoota ali mumuñolu la kuwo to ñaameŋ.

Sefaniya 3:15

Yaawe ye i la jaraboo sika i kaŋ ne, a ye i jawoolu bayi. Yaawe, Banisirayila la Mansa be i fee le, i te sila la bataa kuu la kotenke.

Yohana 15:11

Ŋa ñiŋ kumoolu fo ali ye le, fo n na seewoo si tara ali kono, aniŋ fo ali la seewoo si timma.

Yesaya 65:19

M be kontaani la Yerusalaamu la kuwo la le, ŋa seewoo soto n na moolu la kuwo to. Kumboo kaŋo niŋ woosiyo te moyi la jee kotenke.

4 Musa 14:8

Niŋ Yaawe kontaanita ǹ na kuwo la, a be ǹ samba la ñiŋ bankoo kaŋ ne, a ye a dii ǹ na, ñiŋ bankoo meŋ be woyiriŋ keekewo niŋ liyo la.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Luka 15:32

A beteyaata le, ŋà seewoo niŋ kontaanoo soto ñoo fee, kaatu i ñiŋ doomaa faata le nuŋ, bari saayiŋ, a baluuta le kotenke. A filita le nuŋ, bari a jeta le.’ ”

Sefaniya 3:5

Bari Yaawe meŋ ka tara Yerusalaamu saatewo kono, wo tilinta le, tilimbaliyaa, a buka wo ke. A ka a la kiitiyo siloo yitandi le soomandaa-wo-soomandaa, luŋ buka baayi. Bari moo kuruŋo maŋ a loŋ meŋ mu malu kuwo ti.

Yohana 13:1

Janniŋ Maariyo Tambi Tumoo Juuraloo* be sii la, Yeesu ye a loŋ ne ko, a la waatoo siita le ka bo ñiŋ duniyaa kono ka taa a Faamaa yaa. Baawo a ye a fansuŋ moolu kanu le, mennu be duniyaa kono, a ye ñiŋ kanoo yitandi ì la le fo labandulaa to.

Yesaya 9:6

Diŋo le wuluuta ǹ ye, Alla ye dinkewo le dii ǹ na, aduŋ maraloo be tara la ate le bulu. A be kumandi la Yaamarilaa Ñontaŋo le la, Alla Sembemaa, Badaa-badaa Faamaa, aniŋ Kayira Mansoo.

1 Musa 18:14

Fo kaawakuu le sotota, Yaawe korita meŋ na baŋ? M be muru la naŋ i kaŋ jaari ñiŋ ñoŋ waatoo, aduŋ Saara be dinkewo soto la.”

Yesaya 18:4

Kaatu Yaawe* ko n ye le ko: “M be tara la tenkundiŋ n sabatidulaa to le, ka koroosiroo ke, ko niŋ tiloo deyiriŋo be mala la, ka tara deyiriŋ, ko niŋ komboo be jii la katiri waatoo.

1 Musa 17:1

Kabiriŋ Iburama siyo be sanji taŋ kononto niŋ kononto, Yaawe* fintita a kaŋ, a ko a ye ko, “Nte le mu Alla ti, Alla Tallaa. N na siloo nooma, jalayiri te tara la i kaŋ.

1 Musa 1:31

Alla ye a je ko, a ye feŋolu mennu bee daa, beteyaata baake le. Wulaaroo niŋ soomandaa sotota, tili wooronjaŋ luŋo la.

Yesaya 63:1

Jumaa le mu ñiŋ ti, meŋ ka bo naŋ Bosira saatewo to Edomu bankoo kaŋ, a la dendikoo bee be tompiŋ-tompindiŋ niŋ feŋ wuleŋo la? Jumaa le mu ñiŋ ti, meŋ ye mansa dendikoo duŋ, a ka taama naŋ niŋ a semboo la? Yaawe* ko: “Nte le mu, n ka diyaamu niŋ tiliŋo siloo le la. Ŋa semboo soto le ka kiisandiroo ke.”

Yesaya 63:12

A la sembe baa le tarata Musa bulubaa karoo la. A ye jiyo talaa fula ti ì ñaato, ka a too darajandi fo abadaa.

1 Musa 2:2

Tili wooronjaŋo, Alla ye dookuwo baŋ, a tarata meŋ ke kaŋ. Bituŋ a ye i dahaa tili woorowulanjaŋ luŋo.

Hoseya 14:4

Yaawe ko: “M be ì la foroyaabaliyaa bondi la le, n na kanoo te dandulaa soto la ì ye, n na kamfaa bota ì kaŋ ne.

Yoweli 2:21

“Kunku kenoolu, ali kana sila, ali kontaani, ali ye seewoo, kaatu Yaawe ye kuu baalu le ke!

5 Musa 23:15

Niŋ joŋo borita a maariyo koto ka bo naŋ banku doo to a naata ali kaŋ, ali maŋ ñaŋ na a murundi la ka a dii a maariyo la.

Jabuuroolu 78:65

Bituŋ Maariyo naata wuli komeŋ a bota siinoo le la, komeŋ niŋ kelejawaroo ye wayinoo* miŋ, a ye a maadiyandi.