Sefaniya 3:14 - Mandinka Bible

¹⁴ Dimmusuriŋ* Siyoni*, denkiloo laa, Banisirayila, sari santo. Dimmusuriŋ Yerusalaamu, kontaani i ye i faŋ niyo seewondi.

Sefaniya 3:14 ပူးပေါင်းရင်းမြစ်များ

Nehemiya 12:43

Wo luŋo la ì ye sadaaboo* baa le ke ì seewooriŋo, kaatu Alla ye ì seewondi baake le. Musoolu niŋ dindiŋolu fanaa seewoota le. Moolu la seewoo maakaŋo Yerusalaamu saatewo kono, ka moyi hani dulaa jamfariŋolu to le.

Jabuuroolu 14:7

M be ñaaniriŋ ne fo kiisoo si bo Banisirayila ye naŋ Siyoni*. Niŋ Yaawe ye a la moolu murundi firiŋo kono, Yaakuba koomalankoolu si seewoo, Banisirayilankoolu bee si jusulaa.

Jabuuroolu 149:2

Banisirayilankoolu, ali jusulaa ali Daamansoo la kuwo to. Siyoni* moolu, ali seewoo ali la Mansa la kuwo to.

Jabuuroolu 97:8

Siyoni* moolu ye ite Yaawe la kiitindiroolu moyi le, ì kontaanita, Yahuuda saatewolu fanaa seewoota.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Yesaya 29:19

Yaawe be moo toorariŋolu kontaanindi la le kotenke, aduŋ fentaŋolu be seewoo la Banisirayila la Senuŋ Baa la kuwo to le.

Yesaya 35:2

A be yiriwaa la le, a ye ñiiñaa, ko firi ñiimaa. A be tara la kontaaniriŋ baake le fo a ka denkiloo laa. A be yiriwaa la le ko Libanooni sutoo be ñaameŋ, a ye tara ñiiñaariŋ ko Karimeli Konkoo aniŋ Saroni kunkoolu. Moolu bee be Yaawe* la mansabaayaa je la le, aniŋ a la kallankeeyaa*.

Yesaya 37:22

a ye ñiŋ kumoo le fo a la kuwo to ko: “Dimmusuriŋ* Siyoni* ye Sennakeribu koŋ ne, aduŋ Dimmusoo Yerusalaamu jututa a la le. Ì jeleta a la le, biriŋ a be bori la.

Yesaya 40:1

Ali la Alla ko: “Ali n na moolu sabarindi, ali ye ì jusoo ñabu.

Yesaya 40:9

Ite meŋ ka kibaari diimaa naati Siyoni*, sele konko jaŋo santo, ite meŋ ka kibaari diimaa naati Yerusalaamu, sari kendeke, sari santo, aduŋ i kana sila. A fo Yahuuda saatee moolu ye ko, “Ali la Alla fele!”

Yesaya 51:11

Yaawe ye moolu mennu kumakaa, be muruŋ na le. Ì niŋ suukuwo le be duŋ na Siyoni*. Ì be tara la seewoo bambaloo le kono. Niikuyaa niŋ woosiyo be jamfa la ì la le, kontaanoo niŋ seewoo ye ì futufaa.

Yesaya 52:9

Yerusalaamu tumbuŋolu, ali wutu ñoo la ka seewootoo suukuwo laa, kaatu Yaawe ye a la moolu sabarindi le, a ye Yerusalaamu kumakaa.

Yesaya 54:1

Yaawe* ko: “Yerusalaamu, suukuwo laa. I ka muluŋ ne ko musoo meŋ nene maŋ diŋo soto. Suukuulaa dati, i ye sari seewoo kamma la. Ite musu kiideeriŋo, meŋ maŋ tiŋo la koleyaa loŋ, i be diŋ jamaa soto la le, ka tambi musoo la, kewo be meŋ bulu.

Yeremiya 30:19

Tenturu suukuwolu le be kali kuma la naŋ ì kono, aniŋ moolu la seewoo wuurikaŋo. M be ì yaatewo siyandi la le, ì kana dooyaa, ŋa ì buuñandi, moo kana ì malundi kotenke.

Yeremiya 31:13

Wo tumoo le mu sunkutoolu be seewoo la, ì niŋ doŋo, ka taa fondinkewolu niŋ keebaalu kafuriŋo. M be ì la kumboo yelemandi la seewoo le ti. M be ì jusoo ñabu la le, ŋa jusulaa seyi ì ye niikuyaa noo to.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Yoweli 2:23

“Siyoni moolu, ali kontaani, ali ye seewoo Yaawe la kuwo la, ali la Alla. A la beteyaa kaŋ, a ye samaajiyo dii ali la, a ye jiyo boŋ ali ye naŋ fo a fuumata, samaa foloo jiyo aniŋ samaa labaŋ jiyo, ko a be nuŋ ñaameŋ.

Mika 4:8

“Ite Siyoni Konkoo, ite meŋ keta n na moolu ye tankadulaa ti, i be semboo soto la le kotenke, i ye mansayaa soto, ko a tarata i bulu ñaameŋ, ite Dimmusuriŋ* Yerusalaamu.

Matiyu 21:9

Aduŋ kafoo mennu be a ñaato, aniŋ mennu be a nooma, wolu be sari kaŋ santo ko, “Hosanna be Dawuda Dinkewo ye. Tenturoo niŋ jayiroo be ate le ye, meŋ ka naa Maariyo too la. Hosanna, fo saŋo santo.”