Sefaniya 2:14 - Mandinka Bible

¹⁴ Jee ye ke beeyaŋ koorewolu laadulaa ti, aniŋ wulakono daafeŋolu siifaa bee. Sonkosonkoolu niŋ ballabaariŋolu ye i laa a tumbuŋolu to, kiikiyaŋolu si kuma a palanteeroolu to, kaanaalu ye kuma a bundaa kuŋolu to, ì la bunkono sedari* babaroolu ye koloŋ.

Sefaniya 2:14 ပူးပေါင်းရင်းမြစ်များ

Amosi 9:1

M Maarii Yaawe* ye n jerindi ñiŋ ne la: Ŋa m Maariyo je looriŋ sadaajanidulaa* daala. Bituŋ a kumata ko: “Ñiŋ batudulaa samasiŋolu santo ye taki, buŋo ñiŋ bee ye jiijaa ka bo santo fo duuma. A bee ye boyi naŋ moolu kaŋ. Niŋ mennu kanata, hawusaroo* le be wolu faa la. Hani moo kiliŋ te kana la ì kono, hani moo kiliŋ te bori la.

Yeremiya 22:14

Kooroo be a ye le, ate meŋ ka a fo ko, a be buŋ baa le loo la a faŋo ye, a ye buŋ fanuŋolu coki a kaŋ santo. Bituŋ a ye palanteeri fanuŋolu ke a la, a ye a konoto bumbaloolu bee laa sedari* babaroolu la, ka a muu niŋ lasi wuleŋo la.

Lankenemoo 18:2

A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.

Yesaya 14:23

Yaawe Alihawaa Maariyo ko, “M be bankoo ñiŋ ke la ballabaariŋo la dulaa le ti, a ye ke lewo ti. M be a fita la niŋ kasaara fitaraŋo le la.”

Sefaniya 2:6

Ali la baadaa borindoo, a be labaŋ na ke la beeyaŋ daañini dulaa le ti. Saajii kantalaalu kali ì la saajiyolu daañini jee, jee ye ke saajiyolu niŋ saajii kantalaalu sabatidulaa ti.

Jabuuroolu 102:6

N ka munta le kiikiyaŋo meŋ be wula kaamaa kono, ko kiikiyaŋo meŋ be tumbuŋolu to.